1 Kurin 1:19 - Udél Dwata: Gna Kesfasad ne Lomi Kesfasad

¹⁹ Deng wen hsulat Dwata ekni, yó monen, “Yóm kul khulung hedem yó kem tau temngón talak tonok, nmou sónen. Ne hegfanu yóm klaen dù muhen yóm kul ketngón yó kem tau alì bong hennagì le.”

1 Kurin 1:19 Referans Kwoze

1 Kurin 3:19

Yóm kul ketngón yó kem tau te tonok, bè kun kehedem du Dwata, ketngón laen dù muhen. Hol lómón se yóm deng monen bè Sulat Dwata, yóm monen, “Yóm tau alì snaligen yóm ketngónen, yó se henged holot gónó Dwata hebkó du.”

Jirimaya 10:7

Tau du se là likò kóm, igoen uu yóm hol geta bè klamangen. Uu se yóm hol knóón bang gónó likò. Bè yó kem tau alì temngón bè klamangen benwu laen kô dù tau semnged kóm. Ne laen kô dù bè yó kem tau hol geta mogot kul ke semnged kóm.

1 Kurin 4:6

Bè nim kdê tulónu kuy ni koni, kem dumuhu setwoli, hlédu ebélê me lewu me Apulus mò gna gónó ye temngel anì wen dnalang ye bè yóm tehe gel mon tau, yóm mon le, “Bê ye nulé yó kem gel hlolò le kuy.” Là hyuhen ke mtukul hegeta ye ne mtukul henwog ye.

1 Kurin 4:10

Lemwót bè yóm klolò me ke Krays, gel boluy kem dumu tau kum, tau nungel. Okóm kuy kun, hono tau temngón lemwót bè yóm kessotu ye bè Krays. Gel mon le mò kum, tau laen dù genbek. Okóm kuy kun, wen genbek ye. Tey gel kehnê le kum, okóm fen gel nadat le yu kuy.