1 Kurin 1:14 - Udél Dwata: Gna Kesfasad ne Lomi Kesfasad

¹⁴ Hyu nawahu dou abay se laen dù tau bnabtaysu bélê ye, són Krispus ne Gayus.

1 Kurin 1:14 Referans Kwoze

Kul Nmò 18:8

Ne yóm tau gel malak bè yóm gónó le gel stifun yó, boluyen Krispus, deng baling hemtahu bè Jisas se kun, dalang se yó kem fes lówóhen. Tey dê dumu tau bè Kurin hmungol du yóm tolok Pol, ne baling le hemtahu, ne hbabtays le.

Sulat Pol Ebè Yó Kem Tau Hemtahu Bè Rom 16:23

Bud ni se kun udél Pol ebélê ye. Tey kólóm Gayus kuy se kun, yóm tau fun gónô gónóhu nô. Són bè kun gónô gónó le gel stifun yó kem dumu tau hemtahu bè ni. Senged se ke Irastus, yóm tau fen mogot filak bè nim syudad ni, ne Kwartus, yóm sotu dumu tekuy hemtahu, tey kólóm le kuy se kul.

1 Tisalunika 5:18

Kihu mefet bélê ye, hyu duhen ke là hyuhen, senged nóm kdóyón ye ke Dwata. Yó se yóm hol kun kóyô bélê ye Dwata bè yóm deng kessotu ye bè Krays Jisas.

Kulasi 3:17

Duhen yó, bè ket nmò ye duhen ket benkó ye, hol na ye na hlan bè boluy yóm gónó tekuy mogot Jisas. Bud béléen snéen gónó ye hlan du yóm kdóyón ye ke Dwata yóm Mà tekuy.

Kulasi 3:15

Wen yóm kenek nawa deng blay Krays. Nim kenek nawa ni mò gónó tekuy milô du yóm kun kóyô bélê tekuy Dwata. Yakà ni du gónón tmaba kut anì wen kenek nawa tekuy yóm kdê tekuy mò lówóhen. Ne hol gel dóyón tekuy dé Dwata.

Ifisus 5:20

Balù kihu sut bélê tekuy, hol tendo gel dóyón tekuy dé Dwata, yóm Mà tekuy, hlan tekuy bè boluy yóm gónó tekuy mogot Jisas Krays.

2 Kurin 2:14

Okóm tey kdóyónu ke Dwata, abay se lemwót bè yóm deng kessotu me bè Krays, hol lómón ke mi se yó kem tau deng nfunen bè yóm tehe katuen. Duhen mi se yóm tau hol nfunen mò gel htonen bè dumu tau. Ne hlan Dwata bélê me yóm kehbólen du bè klamangen yóm kun kmò Krays. Yóm tulón nwit me yó, hol lómón ke yóm hboo alì minggel boohen.

1 Kurin 14:18

Béléu dou, tey kdóyónu ke Dwata, abay se deng blayen dou yóm khulung tódô mudél ebéléen bè yóm tólóng udél. Do kegnóm du, ou he matù bélê ye bè yóm kenhulung yó.

1 Kurin 1:4

Tey tendo gel kdóyónu ke Dwata bè yóm gel któbóngen kuy hlanen bè Krays Jisas.

Filimun 1:4

Ó Wè Filimun, sal gel utómu uu bè yóm gel knihu bè Dwata, mung du yóm tey kdóyónu du,

1 Timuti 1:12

Tey kdóyónu du dou yóm gónó tekuy mogot Krays Jisas, abay se deng hekgisen ou mò du yóm nmou. Sotu gónóhu dmóyón du snéen, abay se deng snaligen ou ne néléken o mò sotu kun tóbóng lówó.

Kul Nmò 10:48

Omin Pitér mon du mò kul le Kurnilyus, monen, “Hbabtays ye ne, hlan ye bè boluy Jisas Krays.” Tahu se. Kogol yóm kehbabtays le yó, tey kngali le ke Pitér anì nan na hegen udì bélê le.

1 Kurin 1:15

Duhen yó, laen dù tau gembek mon du lemwót bè yóm klolò ye do gónó ye hbabtays.