1 Kurin 1:13 - Udél Dwata: Gna Kesfasad ne Lomi Kesfasad

¹³ Mò kehedem ye du, wadag kô yóm Jisas Krays? Tmau du de yóm deng matay bélê ye bè kros? Ou kô? Yó kô gónó ye hbabtays lemwót bè yóm klolò ye dou? Là kô yó du.

1 Kurin 1:13 Referans Kwoze

Ifisus 4:5

Tek sotu se yóm gónó tekuy mogot, ne tek sotu yóm hentahu tekuy, ne tek sotu se yóm gónó tekuy hbabtays.

2 Kurin 11:4

Yó gónóhu mon du yóm yó, abay se là kô kenbê ye du yóm tau sut lem blóng ye, ne tólóng se yóm tulónen kuy gbak ebè Jisas. Là sengeden bè yóm kum ktulón du. Ne yóm tulus kul gel tulón, tey stólóng bè yóm kun Tulus Dwata. Ne yóm kul tulón gel nwit yó, tey stólóng bè yóm Tulón Hyu kum gel nwit.

Kul Nmò 2:38

Mon Pitér se mò kul, monen, “Yake hol kleng ye du te bótóng ne yó kem sidek deng gel nmò ye. Hbabtays ye hlan ye bè boluy Jisas Krays anì hnifót Dwata yó kem salà ye. Ke yó se nmò ye, wen blay Dwata kuy, duhen yóm Tulusen.

1 Kurin 10:2

Lemwót bè yóm klolò le yóm lobun ne bè tum kifal le yóm mohin, hol lómón ke deng le gotu hbabtays mò tau lemolò ke Musis.

Kul Nmò 19:5

Bè yóm kungol le yóm tulón Pol yó, tódô le hbabtays hlan le bè boluy yóm gónó le mogot Jisas.

Kul Nmò 10:48

Omin Pitér mon du mò kul le Kurnilyus, monen, “Hbabtays ye ne, hlan ye bè boluy Jisas Krays.” Tahu se. Kogol yóm kehbabtays le yó, tey kngali le ke Pitér anì nan na hegen udì bélê le.

Glasya 1:7

Bè ktahuhen, là kô wen dumu “tulón hyu.” Yó gónóhu mon du mò kuy nim ni, abay se tngónu wen tau tendo gel sembeweg kuy bè yó. Tô tenles le yóm Tulón Hyu gbak ebè Krays.

Matyu 28:19

Yó gónóm mon, mógów ye do ebè kdéen but tau bè klamangen benwu anì baling le tau lemolò do. Bnabtays ye lu hlan ye bè boluy Dwata, yóm Mà tekuy, ne bè boluy yóm Ngaen ne bè boluy yóm Tulusen.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

1 Kurin 1:15

Duhen yó, laen dù tau gembek mon du lemwót bè yóm klolò ye do gónó ye hbabtays.

Sulat Pol Ebè Yó Kem Tau Hemtahu Bè Rom 14:9

Yó se gónón tehe matay Krays ekni, ne bud mowil, anì du gónó tekuy mogot, kihu ke tolo tekuy mowil duhen ke deng tekuy matay.

Kul Nmò 8:16

Abay se là dengen sut bélê le he yóm Tulus Dwata, olo le deng hbabtays bè kun boluy yóm gónó tekuy mogot Jisas.

Matyu 3:6

Ni kem tau ni, gotu benkas tulón le ke Jan yó kem salà le, ne bnabtays Jan lu bè yóm él Jurdan.