1 Jan 5:9 - Udél Dwata: Gna Kesfasad ne Lomi Kesfasad
9 Ke gel hentahu tekuy yó kem deng gtanud yó kem dumu tau, sélét mom tô là hentahu tekuy du ne yóm kun deng gtanud Dwata. Du se gemtanud du yóm hol kngaen ke Jisas.
Yakà dengen mdengen kbuteng Dwata du yóm angat kkukumen yóm kdéen tau, hlanen bè yóm tau deng néléken, ne tey tedeng yóm angat kkukumen kul. Wen gónó Dwata hdilô du bè kdéen tau yóm tau deng néléken yó, duhen yóm deng kehlowilen du.”
Yóm tau ke deng hentahuhen yóm Ngà Dwata, deng nô lem hendemen ne yóm ktanud Dwata yó koni. Okóm yóm tau là hentahuhen du, deng henkéngen Dwata yóm tau yó, abay se là hentahuhen du yóm deng tulón Dwata gbak ebè yóm Ngaen.
Ne ke Dwata kun, bud du se gemtanud du yóm ktahuhen yóm gel tulón le hlanen bè yó kem tey dê hentaw ton hmoen kul, lelen wen yóm kenhulung lemwót bè Tulusen tódô blayen bè yó kem tau deng néléken.
Ni kem tulón me kuy ni,” mon Pitér, “mi se gemtanud du yóm ktahuhen. Dalang se yóm Tulus Dwata deng blay Dwata yó kem tau mimón du, bud du se gemtanud du.”
Duhen yó, nim lewu tehe nmò Dwata ni, duhen yóm fasaden ne yóm kehgeten du, là kóen na a megetles, abay se yóm Dwata là kóen mò kéng. Yó gónóm mon, bè yóm kdê tekuy deng mlóy ebéléen, deng tey mgel nawa tekuy du ne yóm hendón nangat tekuy deng fasaden tekuy.
Duhen, yóm kegtanuden du yóm Tulus Dwata, ne yóm kehbabtaysen, ne yóm kgamà litóen bè katayen. Nim tlu ilóen ni, sal tek sotu tendok le, duhen yóm kngà Dwata ke Jisas.