1 Jan 5:8 - Udél Dwata: Gna Kesfasad ne Lomi Kesfasad

⁸ Duhen, yóm kegtanuden du yóm Tulus Dwata, ne yóm kehbabtaysen, ne yóm kgamà litóen bè katayen. Nim tlu ilóen ni, sal tek sotu tendok le, duhen yóm kngà Dwata ke Jisas.

1 Jan 5:8 Referans Kwoze

Kun Snulat Jan 15:26

Bud mon Jisas, “Wen angat hógówu ebélê ye lemwót bè Mà mò tmóbóng kuy, duhen yóm Tulus Dwata. Du se angat tmolok du kuy yóm ktahuhen lemwót bè Dwata. Ne angat wen tulónen bè yóm dou kmò.

1 Pitér 3:21

Yóm kegewà le yó ekni, hningónen yóm kegewà tekuy gu lem hatay bè yóm kehbabtays tekuy. Bè yóm kehbabtays ye, là kô mò lan mkó using bè lówó du, okóm yó lanen mò ilô yóm deng eles kehkodu ye bè Dwata anì kóhen yó kem salà ye, ne anì laen dù blóng ye ebéléen. Ne yó gónó ye gewà gu lem salà ye mlan bè yóm tehe klowil Dwata ke Jisas Krays gu lem hatay.

Sulat Pol Ebè Yó Kem Tau Hemtahu Bè Rom 8:16

Yó sem Tulus Dwata heglileb du tekuy yóm deng kngaen tekuy Dwata.

Mark 14:56

Tey dê tifù le du hono là tahuhen, ne là se ssotuhen yóm gel tulón le.

2 Kurin 1:22

ne deng blayen tekuy yóm Tulusen mò ilô yóm deng kfunen tekuy, ne mò ilô yóm angat kdohò kguta tekuy du yóm kdê deng eles hentifesen bélê tekuy.

Kul Nmò 15:15

Kaem ni se gónón e temnef yóm tehe mon Dwata bè sulaten, hlanen bè yó kem gna tugoden ekni, yóm monen,

Matyu 28:19

Yó gónóm mon, mógów ye do ebè kdéen but tau bè klamangen benwu anì baling le tau lemolò do. Bnabtays ye lu hlan ye bè boluy Dwata, yóm Mà tekuy, ne bè boluy yóm Ngaen ne bè boluy yóm Tulusen.

Hibru 13:12

Yó gónóm mon, bè yóm katay Jisas, matay ditu bè lewà yóm benwu le. Hamaen litóen mò hkó salà yó kem tau.

Hibru 6:4

Ke deng hemtahu bè Dwata yóm tau, ne ke tnagaken, là kô bud gbeken du ne mawik nawahen ebè Dwata anì hegsel. Yóm tau monu yó, deng tehe hlayag Dwata kehedemen, ne deng gnómen yóm deng blay Dwata du lemwót gu bè longit, ne yóm deng knóen béléen yóm kun Tulus Dwata.

Kun Snulat Jan 19:34

Okóm wen sotu sendalù mdek buyus bè klabihen, tódô sen-gengen se msut litóen ne él.

1 Jan 5:9

Ke gel hentahu tekuy yó kem deng gtanud yó kem dumu tau, sélét mom tô là hentahu tekuy du ne yóm kun deng gtanud Dwata. Du se gemtanud du yóm hol kngaen ke Jisas.