1 Jan 5:4 - Udél Dwata: Gna Kesfasad ne Lomi Kesfasad

⁴ abay se ke deng tekuy baling ngà Dwata, gbek tekuy matù bè yó kem sidek lem nim benwu ni. Yó gónó tekuy matù lan tekuy deng hemtahu.

1 Jan 5:4 Referans Kwoze

1 Kurin 15:57

Okóm hol dóyón tekuy Dwata, abay se deng wen yóm lan nmoen hlanen bè yóm gónó tekuy mogot Jisas Krays, mò gónó tekuy matù bè salà ne hatay.

1 Jan 4:4

Okóm yó dum kuy, kem ngà, Dwata se hol mfun kuy, ne deng ye matù bè yó kem tau gel tmolok sekban yó, abay se deng nô bélê ye yóm Tulus Dwata, ne tey bong mfasang senta yóm tulus nô bè yó kem tau là hemtahuhen.

Kun Snulat Jan 16:33

Yó gónóhu eles tmulón du kuy ni kem ni anì lemwót bè yóm kessotu tekuy gónón wen kenek nawa ye. Angat tey wen gónó ye glayam lemwót bè yó kem tau là hemtahuhen,” mon Jisas, “okóm bê ye abay hlikò, abay se denge matù bélê le.”

1 Jan 3:9

Yóm tau ke deng baling ngà Dwata, là senflósen du mò salà, yakà dengen mkél bè yóm kun kmò Dwata. Là kô gbeken du ke senflósen mò salà, abay se Dwata yóm deng Maen.

1 Jan 5:5

Tau du se gembek matù bè yó kem sidek lem nim benwu ni? Tek són yóm tau hemtahu du yóm kngà Dwata ke Jisas.

Deng Hegfan 3:21

Yó kem tau gel matù bè yó kem sidek gel sut, angat wen kwalis blayu kul anì gemyón le klohoku bè yóm gónóhu myón kmamal yóm klamangen. Yóm katù le yó, hol lómón se yóm deng dou katù, ne kyónu klohok Mà bè yóm gónóhen myón kmamal se kun.

Deng Hegfan 12:11

Okóm deng le matù béléen yó kem kut dumu setwoli deng hemtahu mlan bè kun litô yóm Ngà Ubiha deng gamà bélê le, ne bud mlan bè yóm ktahuhen deng gel hból le. Là kô knamà le du klowil le efet katay le.

Deng Hegfan 3:5

Yó kem tau gel matù bè yó kem sidek gel sut, angat benlayu lu nes bukay, ne là kô kóhu du yóm kul boluy bè yóm bok lowil. Ne bè yó bè solu Mà ne yó kem gel hógówen gu bè longit gónóhu tmulón du yóm deng kfunu kul.

Deng Hegfan 2:11

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan. Yó kem tau gel matù bè yó kem sidek gel sut, là kô gnóm le du yóm tafak laen dù sónen lem lanaw ofi, yóm gel mon le gewuhen dulék matay tau.”

Deng Hegfan 3:12

Yóm tau gel matù bè yó kem sidek gel sut, angat nitu ebè yóm Gónô Dwata bè longit, ne là kóen bud skibol bè yó ne. Hol lómón ke deng baling sotu heheken. Ne snulatu béléen se yóm boluy Dwata, dalang se yóm boluy yóm benwu Dwata, yó se yóm lomi Jirusalim, yóm benwu angat tuntun Dwata gu bè longit. Ne snulatu béléen snéen yóm dou lomi boluy.

Deng Hegfan 2:26

Yó kem tau gel matù bè yó kem sidek gel sut, ne glolò le yóm dou kóyô efet kól bè yóm hol són kdaw, angat wen kwalis blayu kul, hol skél bè yóm kwalis tehe blay Mà do, duhen yóm kwalis mogot benwu. Tey mfasang yóm kukum hogotu kul. Ke wen là mimón kul, lómó kmò le kul ke bnogul le bala tók yóm kuleng tonok. Ne blayu kul snéen yóm blotik semla, yóm alì gel mnóng móyón mwas.

1 Jan 5:1

Yóm tau ke hentahuhen Jisas yóm Misaya, yóm deng nélék Dwata, du se yóm tau deng baling ngà Dwata. Yóm tau ke bong nawahen ke Dwata, yóm Mà tekuy, kenbongen nawa snéen yó kem dumu tau deng baling ngà Dwata.

Deng Hegfan 15:2

Ominu yó mton yóm lómón tô mohin, lómó ktikawen sobuy molung, uma kóm yóm lemen lómón tô dilóf ofi. Bud tonu snéen yóm kdéen tau deng matù bè yóm lóbô tanay sut ne bè yóm lennged tehe hmoen, yóm wen lemilu mò ilô yóm boluyen. Gotu le mdà bè kilil yóm mohin yó, sket kul mogot heglung, yóm heglung deng blay Dwata kul.

Deng Hegfan 2:7

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan. Yó kem tau gel matù bè yó kem sidek gel sut, angat hkenu kul bungu yóm koyu hlowil tau tmowok bè benwu Dwata.”

Deng Hegfan 2:17

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan. Yó kem tau gel matù bè yóm sidek gel sut, angat hkenu kul yóm ken là ton mata du mò hekgis kul. Ne angat benlayu lu ket kul sotu yóm botu bukay wen lomi boluy nô du. Laen dù dumu tau temngón du yóm boluy yó, tek són yóm tau gmuta du.”

Kun Snulat Jan 1:13

Yóm kbaling le ngà Dwata yó, là mlanen bè yó dum kngà tau te tonok, duhen ke lemwót bè knóyô lówó tau. Okóm tódô lemwót bè yóm kun kmò du Dwata yóm kehbalingen kul kun ngà.

Kun Snulat Jan 3:3

Bnalà Jisas se, monen, “Tódô tulónu kóm ktahuhen, là kóen gmung bè yó kem tau nogot Dwata yóm tau ke là nan ne bud hlomi sut.”

1 Jan 2:29

Lemwót bè yóm ketngón ye du tey tedeng yóm Krays, bud tngón ye snéen ke tedeng kmoen yóm tau, du se yóm tau deng tahu ngà Dwata.

1 Jan 5:18

Deng tngón tekuy se ke deng baling ngà Dwata yóm tau, là kô senflósen du mò salà, abay se yóm Ngà Dwata fen tendo kemlung du, ne laen dù bud gmò Seitan béléen.