1 Jan 5:3 - Udél Dwata: Gna Kesfasad ne Lomi Kesfasad

³ Yó gónón gdilô yóm kbong nawa tekuy ke Dwata ke hol nimón tekuy yóm kun hlau. Yó kem hlauhen yó, là katen mgel,

1 Jan 5:3 Referans Kwoze

Kun Snulat Jan 14:15

“Ke kenbong nawa ye o,” mon Jisas, “nimón ye sen yó kem dou hlau.

Kun Snulat Jan 15:10

Ke nimón ye yóm dou hlau, yó se gónó ye henek bè yóm kbong nawahu kuy. Lómón yóm kimónu yóm hlau Mà, ne kheneku bè yóm kbong nawahen do.

2 Jan 1:6

Ke sbong tekuy nawa, gotu nimón tekuy sen yó kem kun hlau Dwata. Nim hlauhen tekuy ni, deng tenbut gungol tekuy lemwót bè kbut yóm kehtahu tekuy, duhen yóm hol kesbong tekuy nawa.

1 Jan 2:3

Wen gónó ye milô du ke tahu yóm deng ketngón ye ke Dwata, duhen ke deng nimón ye yó kem kun hlau.

Dwata 7:9

Yó gónóm mon, hol sù ye lem hendem ye nim ni. Yóm sana kuy Dwata hol gónó mogot, tek sónen du Dwata ne là kóen monol nawahen. Là kô klifóten du yóm tehe senfasad ye ditu bè Bulul Sinay ne gel hegfanen bè yó kem tau kembong nawa du ne mimón yó kem kun hlau yóm kbong nawahen kul efet kól bè hilu libu bud lugod le.

Mika 6:8

Là kem tau, là kóen na a hligal du. Deng tulón Dwata tekuy yóm hyu béléen. Yó hol nóyóen bélê tekuy ke nmò tekuy yóm tedeng ne ke hol tekuy hulung kmodu ne ke hol tekuy heglaan béléen. Là gomongen bè nili yóm bérs 9 kól bè bérs 16. Yó tulónen bè ni kem bérs ni yóm gotu bud klista Dwata salà yó kem kun tau. Tey wen kendengen le mlan bè gel ksukat le dumu le tau. Gel le tmimbang lemugì ne là tódóen ke wen bentes le, gel gnaga nwa le kimu kem dumu le ne tey dê he dumu nmò le là hyuhen. Lemwót bè yóm nmò le yó, yó gónó Dwata eles tmulón du kul yóm angat ksulék keglaen kul dalang se yóm benwu le.

Sulat Pol Ebè Yó Kem Tau Hemtahu Bè Rom 7:22

Yóm hol nô lem hendemu, bong óyóu du yó kem hlau Dwata.

Kun Snulat Jan 15:14

Weu yu ke nimón ye yóm hlauhu kuy.

Danyél 9:4

Mnihe bè yóm sana kum Dwata hol gónó mogot, benkasu béléen yóm salà me kem tau Israél, monu mò du, “Ó Dwata yóm Dwata hol mfasang ne bang knikò. Sal gel dnohoem yóm tehe senfasad kuy, duhen yóm kbong nawahem yó kem tau kembong nawa kóm ne mimón yó kem hlauhem.

Hibru 8:10

Bud mon yóm gónó le mogot, ni se angat nmou bè yó kem tau Israél elem hulin kdaw mò lan le hloni ebéléu. Suu lem hendem le yóm dou hlau, ne bud hnóu lem nawa le snéen. Ne ou se baling kul Dwata, ne lu se baling dou tau.

Sulat Pol Ebè Yó Kem Tau Hemtahu Bè Rom 7:12

Duhen yó, yóm hlau tehe snulat Musis yó laen dù kô belenen. Tey ktedengen, lelen alì hyu.

Kem Udél Hlalak Tehe Selumun 3:17

Yóm tau galak bè khulung hedem hligal ne laen knikoen.

Kem Lingón 119:140

Sal gel dohò yó kem fasadem. Yó gónóhu kembong nawa kul.

Kem Lingón 119:45

Laen dù bud gónów gfét, abay se hotuhu nawahu mimón du yó kem hlauhem.

Dwata 5:10

Okóm bè yó kem tau kembong nawa do ne mimón yó kem dou hlau hegfanu bélê le yóm kbong nawahu kul efet kól bè hilu libu bud lugod le.

Kehewà 20:6

Okóm bè yó kem tau kembong nawa do ne mimón yó kem dou hlau, hegfanu bélê le yóm tey nawahu kul efet kól bè hilu libu bud lugod le.

Matyu 23:4

Ya tey sidek keblaten yó kem hlau gel hbô le kem tau, okóm kul, balù gdù, là kô le tmóbóng mit du yóm blat gel hbô le kuy yó.

2 Bok Kem Tau Hol Geta 18:6

Tey teneb bè Dwata, ne là kóen skó bè yóm kloloen du, ne gotu loloen yó kem kdê hlau tehe blay Dwata ke Musis.