1 Jan 5:17 - Udél Dwata: Gna Kesfasad ne Lomi Kesfasad

¹⁷ Tódô kentihen nmò sidek, hono salà. Okóm wen se yóm salà là mefeten elem hatay laen dù sónen.

1 Jan 5:17 Referans Kwoze

1 Jan 3:4

Ke sok mò salà yóm tau, deng nuléhen ne yóm hlau Dwata. Abay se yóm gel mon le salà, yó se yóm nmò gónó le mulé du yóm hlau Dwata.

1 Jan 5:16

Ke ton ye yóm sotu dumu ye hemtahu deng btang elem salà, okóm ke sundu elem hatay laen dù sónen nefeten yóm salaen yó, hol utóm ye bè Dwata, ne blayen du yóm klowil laen dù sónen, syan ke là mefeten elem hatay laen dù sónen yóm salà nmoen yó. Okóm wen se yóm salà hol nefeten elem hatay laen dù sónen. Là monu du mò kuy hni ye bè Dwata yóm tau yó.

Sulat Jim 1:15

Ngangen hembeyen du efet gmoen, ne yó gónón baling salà. Ne ke henlelen mò salà yóm tau, yó se mit du elem hatay laen dù sónen.

1 Jan 2:1

Yó gónóhu smulat ebélê ye ni kem ngà, anì bê ye bud mò salà. Okóm ke wen bélê ye gemsalà, deng wen ne fen blóng tekuy ebè Dwata, yóm Mà tekuy, duhen Jisas Krays, yóm hol tedeng kmoen.

Isaya 1:18

Bud mon Dwata, “Hendeng tekuy ne yóm sentulón tekuy. Deng tódô hitem ktonu kuy lemwót bè yó kem salà ye, okóm angat nolobu yu anì baling ye hol mólós. Anien he ke lómón khitemen using kuleng yóm salà ye, bè yóm kolobu kuy hol lómón kbukay ye yóm snu.

Dwata 12:32

Hol gotu nmò ye yóm kdê deng hlauhu kuy ne béen abay wen tnù ye du ne béen abay wen se kó ye du.

Dwata 5:32

Ne ni, kem tau Israél, hol nimón ye yó kem hlauhen kuy yóm sana kuy Dwata hol gónó mogot. Hol béen abay wen glafang ye bè yó kem hlauhen kuy.