1 Jan 5:16 - Udél Dwata: Gna Kesfasad ne Lomi Kesfasad

¹⁶ Ke ton ye yóm sotu dumu ye hemtahu deng btang elem salà, okóm ke sundu elem hatay laen dù sónen nefeten yóm salaen yó, hol utóm ye bè Dwata, ne blayen du yóm klowil laen dù sónen, syan ke là mefeten elem hatay laen dù sónen yóm salà nmoen yó. Okóm wen se yóm salà hol nefeten elem hatay laen dù sónen. Là monu du mò kuy hni ye bè Dwata yóm tau yó.

1 Jan 5:16 Referans Kwoze

1 Samwél 2:25

Yóm sotu tau ke gemsalà bè dumun tau, gbek Dwata fen kmukum du. Okóm yóm tau ke gemsalà bè Dwata, tau du se kmukum du?” Okóm yó kem ngà Ili logi, là kô hnungol le ke mà le abay se deng eles hendem Dwata ne yóm khatayen kul.

Kun Snulat Luk 12:10

Ne sotuhen,” monen, “gbek Dwata hmifót du yóm tau anien ke hennéen yóm Ngà Tau. Okóm là kô na a gbek Dwata hmifót du yóm tau ke hennéen kegbek yóm Tulus Dwata.

Jirimaya 14:11

Yó udél Dwata ebéléu, monen, “Ó Jirimaya, béi abay bud mni tóbóng béléu bè ni kem tau ni.

Jirimaya 7:16

Yó bud udél Dwata ebè Jirimaya, monen, “Ó Jirimaya, hol béi abay bud mni béléu bélê le ni kem tau ni. Béem abay nkik lu ne béem abay tô senblóng lu ebéléu, abay se là kô hnungolu kóm.

Kehewà 34:9

Yó monen, “Ó Dwata, ke tahu hyu se nawam ebéléu hkoduhe béléem, holi mung kum. Tey mgel kulu le ni kem tau mung do ni, okóm hol hnifótem mi bè kdê yó kem salà nmò me ne hol henmóyóem mi mò kóm tau.”

Tekang Kbuten 20:17

Omin Abraham mni bè Dwata, ne hkó Dwata yóm des Abimélék ne yehenen dalang se yó kem libun tóbóng lówóhen anì bud le mngà.

Tekang Kbuten 20:7

Ne ni, hulékem ebè yehenen yóm libun yó, yakà tugodu yóm yehenen, ne du fen mni béléu béléem anì là matayi. Okóm ke là hulékem du, hol tahu se angati matay dalang se yóm kdê tau nô lem gónóem.”

Kem Lingón 106:23

Yó gónóm mon, tô genlà Dwata lu. Okóm kendel hsóól Musis yóm tau nélék Dwata. Hkodu Musis bè Dwata anì knogolen yóm alì kebuten kul, ne là genlaen kul.

Kun Snulat Jan 17:9

Mnihe béléem, Mà, hol tnóbóngem lu. Là homong hnihu kul yó du kem dumu tau là hemtahuhen. Okóm són bè yó kem tau deng blayem do, abay se sal kem kóm tau yó kem yó.

Lista 12:13

Tahu se, tódô hgel Musis udélen mni bè Dwata, monen, “Ó Dwata, hol kóhem bè libun me yóm desen ni.”

2 Timuti 4:14

Ya tey kehlayamen dou yóm Aliksandér, yóm tau gel temwél. Dwata he yó fen malà du.

1 Samwél 12:19

Yó udél le hkodu bè Samwél yóm kdê le, mon le, “Mnihi bélê me bè yóm sana kóm Dwata hol gónó mogot anì là matay me. Yakà deng mom bud tennù me yóm kdê salà me lan me mni bè Dwata tau hol geta mò malak kum.”

1 Jan 5:17

Tódô kentihen nmò sidek, hono salà. Okóm wen se yóm salà là mefeten elem hatay laen dù sónen.