1 Jan 5:14 - Udél Dwata: Gna Kesfasad ne Lomi Kesfasad

¹⁴ Ne tey kegléd nawa te du yóm gel kni tekuy bè Dwata, abay se tendo hnungolen yóm kni te ke segtón ebè yóm kun kóyô bélê tekuy.

1 Jan 5:14 Referans Kwoze

Kun Snulat Jan 14:13

Balù kihu hni ye bè Dwata hlan ye bè dou boluy,” monen, “tódô blayu kuy mò gónón megdóyón béléu Mà.

Jirimaya 33:3

‘Tmabahi ebéléu ne angat bnalau uu ne wen tulónu kóm yóm alì tennga là deng wen temngón du sut dini elem hulin kdaw.

Kun Snulat Jan 15:7

Okóm ke henek ye béléu ne ke tendo nô bè nawa ye udélu, balù kihu hni ye bè Dwata guta ye.

Matyu 21:22

Ke wen kehtahu ye, balù kihu hni ye bè Dwata, guta ye.”

Kem Lingón 34:17

Bong yó kem tau tedeng kmò le, gel le tmaba ebè Dwata, ne gel hnungolen lu. Lenwaen lu gu lem yóm kdê gónó le glayam.

Sulat Jim 4:3

Wen se gel hni ye bè Dwata ne là guta ye du, abay se là hyuhen yóm tô mu ye du yóm hni ye. Són bè yóm kuy kenbeyen nawa yóm tô mu ye du.

Kun Snulat Jan 9:31

Hónô tngón tekuy là kô hnungol Dwata du yóm tau gemsalà. Són olo hnungolen, són yóm tau madat du ne mimón du yóm kun kóyô.

Ifisus 3:12

Lemwót bè yóm deng kessotu tekuy bè Krays ne bè yóm kehtahu tekuy béléen, là bud tekuy likò ne hloni ebè Dwata ni kmoen ni, deng tey mgel nawa tekuy du ne yóm któbóngen tekuy.

Kun Snulat Jan 16:24

Efet ni ne, laen deng hni ye bè Dwata he ke hlan ye bè dou boluy. Mni ye dé, kaem tódô blayen kuy anì hol gsengel yóm kligal ye.”

1 Jan 2:28

Tahu se, kem ngà, hol henlós ye sen yóm kessotu ye bè Krays anì laen dù gónó tekuy likò sok semfulék edini, ne laen dù gónó tekuy myak béléen snéen bè yóm kdaw kesfuléken yó.

Kem Udél Hlalak Tehe Selumun 15:29

Hlayuk du Dwata yóm tau gel mò sidek, okóm yóm tau tedeng kmoen hnungolen knihen.

Sulat Jim 5:16

Yó gónóm mon, hol ye gel seflifót, ne hol ye gel stóbóng mni bè Dwata yóm kdê ye anì kó Dwata bélê ye ke wen tenduk ye. Yóm tau hyu kmoen, tey mtud yóm knihen bè Dwata.

Kem Lingón 69:33

Yóm Dwata, gel hnungolen yó kem tau élél gel htóbóng béléen, ne là kô klifóten kul yó kem kun tau deng geblanggù.

Kem Lingón 31:22

Lemwót bè yóm alì ksidek klikou, botong monu, “Là bud ton Dwata dou ne.” Okóm gungolen yóm kehkoduhu béléen, ne bnalaen yóm kehtóbóngu béléen.

Hibru 10:35

Duhen yó, bê ye lensón yóm là klikò ye yó. Ke là gkó ye du, angat wen tey ofol ye.

Hibru 3:14

Són gónó kuy hlós mò kun dumu Krays ke là kó tekuy du yóm tehe kegtud nawa te du.

Kun Snulat Jan 11:42

Tngónu sónmoem tendo gel hmungol dou. Yó gónóhu mon du nim ni, wen ni kem tau nô bè ni anì hentahu le yóm deng khógówem do.”

Hibru 3:6

Okóm ke Krays kun, du se hol kun Ngà Dwata, ne gotu hfogot Dwata du yóm gónóen yó, ne tey teneb kogoten du. Tekuy se kun gónô Dwata, syan ke là likò tekuy lemolò du, ne ke hol gentud nawa tekuy yóm hendón nefet nawa tekuy.

1 Bok Kem Tau Hol Geta 3:12

blayu kóm yóm deng hnihem. Benlayu u khulung hedem, yóm khulung hedem là deng tonem du bè dumu tau, ne laen se gónóm angat bud mton du.

Kem Lingón 145:19

Gel blayen bè yó kem tau wen klikò le du yóm wen mu le du. Hnungolen yóm alì kni le béléen, ne lenwaen lu.

Kem Udél Hlalak Tehe Selumun 10:24

Sal gefet béléen yóm alì knikò yóm tau gel mò sidek, okóm yóm tau tedeng kmoen yóm kun hendeen tonen snéen.