1 Jan 5:11 - Udél Dwata: Gna Kesfasad ne Lomi Kesfasad

¹¹ Ni sii yóm deng mon Dwata: Wen klowil laen dù sónen deng blayen tekuy hlanen bè yóm Ngaen.

1 Jan 5:11 Referans Kwoze

Sulat Pol Ebè Yó Kem Tau Hemtahu Bè Rom 6:23

Yó bayad salà, hatay. Okóm wen yóm tódô blay Dwata, duhen yóm klowil laen dù sónen, hlanen bè yóm deng kessotu tekuy bè Krays Jisas, yóm gónó tekuy mogot.

1 Jan 2:25

Deng wen tehe fasad Krays tekuy, duhen yóm klowil laen dù sónen.

Kun Snulat Jan 3:36

Yó se hemtahu bè yóm Ngà Dwata, gutahen yóm klowil laen dù tul sónen. Yó se là mimón du yóm Ngà Dwata, là se kô gutahen du yóm klowil yó, tódô hlós gbóen yóm tafak Dwata du.”

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

1 Jan 4:9

Yó se gónón gfan yóm kbong nawa Dwata tekuy yó bè yóm tehe khógówen elem benwu yóm Ngaen tek sotu, anì mlan béléen yóm kwen klowil tekuy laen dù sónen.

Kun Snulat Jan 1:4

Lemwót bè yóm Udél yó, yó se gónón mowil yóm kdéen mowil. Yóm klowil yó, hol lómón ke layag mò hlayag yóm kdéen tau te tonok.

1 Jan 5:10

Yóm tau ke deng hentahuhen yóm Ngà Dwata, deng nô lem hendemen ne yóm ktanud Dwata yó koni. Okóm yóm tau là hentahuhen du, deng henkéngen Dwata yóm tau yó, abay se là hentahuhen du yóm deng tulón Dwata gbak ebè yóm Ngaen.

Kun Snulat Jan 19:35

(Yóm tau tmulón du nim ni, deng hol tógó matahen mton du, ne hono tahu yóm tulónen. Yó gónón tmulón du anì hemtahu ye se kuy.)

Kun Snulat Jan 10:28

Angat benlayu lu klowil laen dù sónen, là kô le na a matay. Ne laen se kô dù gembek semkot kul lem hólólu.

Kun Snulat Jan 6:68

Ne mon Simun Pitér se, monen, “Laen kô dù dumu tau lolò me, Sér, tek són sem uu. Lemwót bè udélem gónó me gmuta yóm klowil laen dù tul sónen.

Kun Snulat Jan 5:26

Bè Mà se hol gónón tembul klowil tau. Ne senged snéen bè yóm Ngaen, deng nmò Maen mò gónón tembul klowil tau.

Sulat Jud 1:21

Tódô henlel ye mimón ke Dwata anì hol ye menek bè yóm kbong nawahen kuy igò ye mangat du yóm klowil laen dù sónen guta tekuy mlan bè yóm tey kkoduhen tekuy yóm gónó tekuy mogot Jisas Krays.

1 Jan 5:7

Wen tlu gónó tekuy dmilô du ke du yóm hol Ngà Dwata:

Taytus 1:2

Yó hol nefeten nim kehtahu tekuy ni, duhen yóm klowil laen dù sónen tendo hendón te. Nim klowil ni, tehe deng fasad Dwata tekuy hnikót là deng dlimunen du he yóm benwu, ne laen kô kéngen yóm Dwata fmasad du yó.

1 Timuti 1:16

okóm tey kkodu Dwata dou mò gónón hegfan du ebè yó kem dumu tau yóm hol kun kanay nawa Krays Jisas, igoen ou yóm tau alì gedlug kmoen salà. Yó gónó Krays Jisas mò du nim ni anì mgel nawa yó kem tau hemtahu béléen bè hulin kdaw, yó kem tau angat gmuta du yóm klowil laen dù sónen.

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

3 Jan 1:12

Tódô kdéen tau se gotu dmóyón ke Dimitriyus. Tódô gdilô bè yóm nmoen yóm tahu tolok gel loloen. Balù kum, sana gel kdóyón me du snéen, ne tódô tngónem se, tahu yóm gel mon me.

Kun Snulat Jan 12:50

Bè yóm kdê deng tulónu kuy ni, hono deng gotu hlau Mà dou. Ne tódô tngónu, ke nimón ye yóm kun hlau Mà, angat guta ye yóm klowil laen dù tul sónen.”

Kun Snulat Jan 6:40

Yó hol kóyô Mà ke benlayen klowil laen dù sónen yó kem tau dmilô yóm kun Ngà ne hemtahu béléen. Ne yó angat nmou bélê le, gotu hlowilu lu sok kól yóm hol són kdaw.”

Deng Hegfan 22:1

Omin yóm hógów Dwata tmolok du do yóm tey él tikaw sminang mlel bè yó, yóm mon le, él hlowil tau. Tódô mlel lemwót gu bè yóm bangkù gónón myón kmamal Dwata lewu le yóm Ngà Ubiha,

Deng Hegfan 1:2

Ne lemwót ke Jan, du bud tles tmulón du yóm deng tonen. Ni sii yóm snulaten gbak ebè yóm tehe tulón Dwata ke Jisas, ne yóm ktahuhen deng hegfan Jisas Krays béléen.

Kun Snulat Jan 6:47

Tódô tulónu kuy ktahuhen,” mon Jisas, “yó se tau hemtahu béléu, deng wen ne kun klowil laen dù sónen.

Kun Snulat Jan 5:21

Yóm Mà, gbeken hlowil yó kem tau deng matay. Senged se kun yóm Ngaen, benlayen klowil yó kem tau nóyô hlowilen.

Kun Snulat Jan 4:36

Yóm tau muta, wen ofol blay Dwata du. Ne yó kem nutahen, angat guta le se kul yóm klowil laen dù sónen. Yó gónóm mon, gotu le hligal yó kem tau mehek ne yó kem tau muta.

Matyu 25:46

Duhen yó,” mon Jisas, “tódô le gotu hlós elem yóm tafak Dwata laen dù sónen. Okóm yó kem tau tedeng kmò le, guta le yóm klowil laen dù sónen.”

Sulat Pol Ebè Yó Kem Tau Hemtahu Bè Rom 5:21

Duhen yó, yóm kegsalà tekuy, nwiten tekuy elem hatay. Okóm yóm kun tóbóng Dwata, nwiten tekuy tedeng anì hlós tekuy ebè yóm klowil laen kô dù tul sónen, hlanen bè yóm gónó tekuy mogot Jisas Krays.

Kun Snulat Jan 1:19

Sotu kdaw bè yó, dók yó kem Ju wen glalen bè Jirusalim yó kem tau gel demsù ebè Dwata dalang se yó kem dumu tau semfu gu bè Libay anì wen snólók le bè Jan. Yó snólók le béléen, mon le, “Tmau kóm de?”

Kun Snulat Jan 4:4

Yóm kógówen yó, là gbeken du ke là nan mlan bè prubinsya Samarya.

1 Jan 4:10

Nim kbong nawa monu ni koni, sundu yóm kbong nawa tekuy ke Dwata, okóm tódô kun kbong nawa tekuy Dwata, hlanen bè yóm tehe khógówen yóm Ngaen mò lanen hmifót du yó kem salà tekuy.