1 Jan 5:10 - Udél Dwata: Gna Kesfasad ne Lomi Kesfasad

¹⁰ Yóm tau ke deng hentahuhen yóm Ngà Dwata, deng nô lem hendemen ne yóm ktanud Dwata yó koni. Okóm yóm tau là hentahuhen du, deng henkéngen Dwata yóm tau yó, abay se là hentahuhen du yóm deng tulón Dwata gbak ebè yóm Ngaen.

1 Jan 5:10 Referans Kwoze

Sulat Pol Ebè Yó Kem Tau Hemtahu Bè Rom 8:16

Yó sem Tulus Dwata heglileb du tekuy yóm deng kngaen tekuy Dwata.

Glasya 4:6

Wen lan Dwata hdilô du bélê tekuy yóm kngaen tekuy, duhen yóm ksuen du bélê tekuy yóm Tulus yóm Ngaen. Lemwót bè yóm knóen bélê tekuy yóm Tulusen yó, yó se gónó tekuy là bud lengayà tmaba du, “Mà.”

Kun Snulat Jan 3:33

Okóm yó se tau hemmóyô du, bud du se hemblat du yóm hol ktahuhen yóm mon Dwata.

Kun Snulat Jan 5:38

ne là kóen nô lem hendem ye yóm gel tulónen kuy, abay se là kô hentahu ye du yóm deng hógówen.

Hibru 3:12

Ó kem dumuhu setwoli, hol ye eles temgama anì là nóen bélê ye yóm knawa sidek, yóm knawa là mimón. Lemwót bè yóm knawa yó gónó ye kmogol ke Dwata, yóm Dwata laen dù tul katayen.

Lista 23:19

Yóm Dwata kun, là kóen mkél bè tau gel mò kéng. Là mkélen bè tau gel mesfili kehedemen. Ke wen fasad Dwata, sal gel dnohoen. Ke wen udélen, sal dohò.

1 Jan 5:1

Yóm tau ke hentahuhen Jisas yóm Misaya, yóm deng nélék Dwata, du se yóm tau deng baling ngà Dwata. Yóm tau ke bong nawahen ke Dwata, yóm Mà tekuy, kenbongen nawa snéen yó kem dumu tau deng baling ngà Dwata.

1 Jan 1:10

Ke wen mon du, “Là kóe mò salà se dou,” deng henkéngen ne yóm mon Dwata, ne là kóen nô bè nawahen yóm udélen.

Kem Lingón 25:14

Yóm keswè ke Dwata, són yó kem tau wen klikò le du. Lu se gónón hetngón du yóm deng tehe senfasad le yó kem tehe fù le ekni.

Deng Hegfan 2:17

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan. Yó kem tau gel matù bè yóm sidek gel sut, angat hkenu kul yóm ken là ton mata du mò hekgis kul. Ne angat benlayu lu ket kul sotu yóm botu bukay wen lomi boluy nô du. Laen dù dumu tau temngón du yóm boluy yó, tek són yóm tau gmuta du.”

Kulasi 3:3

Abay se hol lómón ke deng tekuy gomong matay bè yóm tehe katay Krays, ne wen lomi klowil tekuy là dengen gfan he nô ditu bè Krays, bè hol gónóhen nô Dwata.

Kem Udél Hlalak Tehe Selumun 3:32

Yakà gel kenlit Dwata kul yó kem tau là tedeng kmò le, okóm sen-gbóten yó kem tau tedeng kmò le.

Deng Hegfan 12:17

Mom temnù kebuten yóm libun yóm swaga yó. Yó nmoen, tódô nan e nwit sgida yó kem tau semfu gu bè yóm libun yó, duhen yó kem tau deng mimón yóm kun hlau Dwata, ne là kóen monol nawa le bè yóm ktahuhen tehe tolok Jisas.

2 Pitér 1:19

Yó gónóm mon, deng hol temnù ne yóm kehtahu me du yóm deng tehe eles tulón yó kem gna tugod Dwata ekni. Hol hentahu ye se kuy yóm deng eles tulón le yó. Hefeng tekuy du yóm tehe gel tulón le, lómón ke solok mnóng bè gónóhen kmifu efet mwas, efet mnóng ebélê tekuy yóm blotik semla gel mnóng bè kwasen, duhen Jisas Krays.

Kun Snulat Jan 3:16

Tey alì kbong nawa Dwata kul yó kem tau bè klamangen benwu, gloken tódô hamà klowil yóm Ngaen tek sotu, anì yó, kihu tau hemtahu béléen là gógówen elem hatay, okóm gutahen yóm klowil laen dù sónen.

Isaya 53:1

Yó udél yó kem tau, mon le, “Tau du de tô gembek hemtahu du yóm tulón me ni koni? Tau du de tô gembek milô du yóm kfasang Dwata?

Jirimaya 15:18

Mou alì heglayam du? Moen là mkó du yó kem haliu? Bè kehedemu du yóm któbóngem do, déke là dohoen. Déke lómón yóm él mlel angat kti bè kinì kdaw, duhen ke yóm kokol deng kti.”

Kun Snulat Jan 3:18

Yó gónóm mon, yó se tau hemtahu bè yóm Ngà Dwata, là kóen megtuled. Okóm yóm tau là hemtahuhen, deng megtuled ne, lemwót bè yóm là kehtahuhen du yóm tek són Ngà Dwata.

Glasya 4:1

Ni mò tnuen yóm monu yó koni. Ke matay yóm tau, tebelen bè ngaen yó kem kimuhen. Bè yóm tolo kudien, hol lómón ke hesek bè yóm kimónen yóm tau semgyok du, balù yóm kfunen du yóm kendengen yó.

Kul Nmò 8:37

Mon Filip se, “Tey hyu se ke gotu nawahem hemtahu ke Jisas.” Monen se kun yóm tau yó koni, “Deng hentahuhu ne Jisas Krays, du yóm hol Ngà Dwata.”