1 Jan 4:9 - Udél Dwata: Gna Kesfasad ne Lomi Kesfasad

⁹ Yó se gónón gfan yóm kbong nawa Dwata tekuy yó bè yóm tehe khógówen elem benwu yóm Ngaen tek sotu, anì mlan béléen yóm kwen klowil tekuy laen dù sónen.

1 Jan 4:9 Referans Kwoze

Kun Snulat Jan 3:16

Tey alì kbong nawa Dwata kul yó kem tau bè klamangen benwu, gloken tódô hamà klowil yóm Ngaen tek sotu, anì yó, kihu tau hemtahu béléen là gógówen elem hatay, okóm gutahen yóm klowil laen dù sónen.

1 Jan 5:11

Ni sii yóm deng mon Dwata: Wen klowil laen dù sónen deng blayen tekuy hlanen bè yóm Ngaen.

Sulat Pol Ebè Yó Kem Tau Hemtahu Bè Rom 8:32

Ke là nalihen du yóm hol tek sotu Ngaen, tódô hamaen klowilen bélê tekuy, sélét mom yó ne là blayen du tekuy yóm kdê deng tehe fasaden tekuy.

Kun Snulat Jan 6:57

Yóm Mà hógów do, laen dù tul katayen, ne béléen gónón lemwót yóm dou klowil. Senged snéen yóm tau mken du yóm dou lówó, lemwót béléu yóm kun klowil.

1 Jan 4:10

Nim kbong nawa monu ni koni, sundu yóm kbong nawa tekuy ke Dwata, okóm tódô kun kbong nawa tekuy Dwata, hlanen bè yóm tehe khógówen yóm Ngaen mò lanen hmifót du yó kem salà tekuy.

1 Jan 3:16

Ni se gónó ye temngón du yóm tahu kbong nawa: Ngem yóm botong kun nawa Krays bè yóm tehe khamaen klowilen bélê tekuy. Yó gónóm mon, bè yóm gel któbóng ye yó kem dumu ye, hyu snéen ke glef ye matay bélê le.

Kun Snulat Jan 10:10

Bong yó dum tau mnagaw, yó se kun gel nógów na a mnagaw, na a hmatay, ne na a gemlà. Okóm yó dou nógów, naw e benlay yu klowil, yóm klowil hol tahu gsengel nawa ye du.

Kun Snulat Jan 6:51

Ou se yóm ken lemwót gu bè longit mò gónó ye mowil. Ke wen tau mken du nim ken monu ni, angat gutahen yóm klowil laen dù tul sónen. Yóm ken monu ni, duhen yóm dou lówó. Angat hamau mò gónó le mowil kdéen tau bè klamangen benwu.”

Kun Snulat Jan 3:18

Yó gónóm mon, yó se tau hemtahu bè yóm Ngà Dwata, là kóen megtuled. Okóm yóm tau là hemtahuhen, deng megtuled ne, lemwót bè yóm là kehtahuhen du yóm tek són Ngà Dwata.

Hibru 1:5

Abay se laen dù bélê le ke mon Dwata mò kul, “Uu yóm hol Ngau. Deng duhen ni ne yóm kdaw kehegfanu du yóm kngau kóm.” Balù sotu bè yó kem hógówen ke wen tulónen gbak ebélê le, ke monen, “Ou se angat Maem, ne uu se angat Ngau.”

Kun Snulat Jan 8:42

Mon Jisas se, “Ke Dwata se hol Mà ye kaem bong nawa ye dou, abay se béléen gónóhu gu lemwót ne ni se denge kól dini. Là kô lenbuu du yóm kógówu edini, hol du se hógów do.

Kun Snulat Luk 4:18

“Deng nô béléu yóm kun Tulus Dwata, abay se deng néléken o mò fen hetngón du bè yó kem tau élél yóm Tulón Hyu lemwót gu béléen. Deng hógówen ou ebè yó kem tau deng nfét mò fen hetngón du kul yóm lan le gewà. Hógówen o ebè yó kem tau butô anì bud le mton, ne ebè yó kem tau hen-gnok anì gewà le.

Mark 12:6

Tek sotu ne duen yóm nóló hógówen yóm tau fun hulu yó, yóm hol tek sotu ngaen logi, yóm gónón nô nawahen. Ni se hol són hógówen, monen, ‘Kaem ni se yóm nadat le, yakà hol ngau du.’ Ne tahu se, hewóten yóm ngaen.

1 Jan 4:16

Deng tngón tekuy ne yóm tey kbong nawa Dwata tekuy, ne yó se gel genléd nawa tekuy. Tey bong nawahen tau yóm Dwata. Yóm tau ke kenbong nawahen yó kem dumuhen, deng le ssotu Dwata ne yóm tau yó, ne hlós nô béléen Dwata.

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

Kun Snulat Jan 6:29

Ne bnalà Jisas se lu, monen, “Ni hol kóyô Dwata bélê ye ke hentahu ye yóm deng hógówen elem blóng ye.”

Kun Snulat Jan 8:29

Yóm hógów dou,” mon Jisas, “là kô bayaen dou, abay se tendo nmou yóm kun knóyô.”

Kun Snulat Jan 5:23

anì kdéen tau gotu madat yóm Ngaen lómón se yóm kadat le ke Maen. Yó se tau là madat du yóm Ngà, là se kô nadaten du yóm Maen, yóm hógów du.

Kem Lingón 2:7

Ne angat mudél se kun yóm tau deng hyón Dwata yó, yó monen, “Heglalagu bélê ye yóm deng tehe mon Dwata mò dou, yó tehe monen, ‘Uu yóm hol dou ngà. Bè nim kdaw ni kehetngónu du ne yóm kmaem dou.

Tekang Kbuten 22:2

Bud mon Dwata, “Nitem Isak, yóm tek sotu ngaem, yóm alì kenbong nawahem. Mógów ye etu bè benwu Muraya. Angat wen bulul toloku kóm ditu, ne ditu tahen gónóm hmatay du mò dsù hkekebem ebéléu.”

Kun Snulat Jan 9:3

Mon Jisas se, “Là. Là kóen lemwót bè kun salà duhen ke bè salà kem tuhahen. Yó gónón butô nim tau ni anì gfan béléen yóm kfasang Dwata.

1 Jan 5:13

Yu kem tau deng hemtahu bè kun Ngà Dwata, yó gónóhu smulat ebélê ye ni anì hol tngón ye yóm deng eles kwen yóm kuy klowil laen dù sónen.