1 Jan 4:8 - Udél Dwata: Gna Kesfasad ne Lomi Kesfasad

⁸ Yóm tau laen dù nawahen ebè kem dumuhen, là kô tngónen ke Dwata. Kaem yóm Dwata kun, bong nawahen yó kem tau.

1 Jan 4:8 Referans Kwoze

1 Jan 4:16

Deng tngón tekuy ne yóm tey kbong nawa Dwata tekuy, ne yó se gel genléd nawa tekuy. Tey bong nawahen tau yóm Dwata. Yóm tau ke kenbong nawahen yó kem dumuhen, deng le ssotu Dwata ne yóm tau yó, ne hlós nô béléen Dwata.

Kem Lingón 86:15

Okóm yóm uu, Dwata, teyi kmodu, ne tey minggel nawahem, là mahili lembut. Yóm kbong nawahem kum, là kóen monol, ne teyi teneb bélê me.

1 Jan 4:7

Hol tekuy gel sbong nawa, kem weu do dumu sogot nawa, yakà bè Dwata du gónón lemwót yóm kesbong nawa. Yóm tau kenbongen nawa yó kem dumuhen, yó se yóm tau deng baling ngà Dwata, ne deng tngónen Dwata.

2 Kurin 13:11

Duhen yó, kem dumuhu setwoli, hol ye gel hgulit. Hol hnungol ye ni kem hlauhu kuy ni. Hol sensotu ye kut nawa ye. Bê ye bud hesgólól kehedem ye. Ke ni se nmò ye, beyen bélê ye Dwata. Du se gónón lemwót yóm kesbong nawa ne yóm kenek nawa.

Kem Lingón 86:5

Tey kehyuhem, Dwata, ne mahil béléem hmifót salà, ne tey kbong nawam kul yó kem tau htóbóng béléem.

Ifisus 2:4

Okóm yóm Dwata, tey kkoduhen tekuy, ne tey kbong nawahen tekuy.

1 Jan 1:5

Ni sii yóm deng tehe gel gungol me tulón Jisas, yóm Ngà Dwata, ne ni se yóm bud heglalag me bélê ye: Lómó kmoen kun yóm Dwata, lómón ke yóm layag, ne laen kô bang bolen kifu bè yóm layag monu yó, bà udì.

1 Jan 3:6

Yó gónóm mon, ke deng ssotu bè Krays yóm tau, là kô senflósen du mò du yóm salà. Yóm tau senflósen mò salà, là dengen hemtahu he, là kô tngónen ke Krays.

1 Jan 2:9

Ke wen tau mon du, “Denge nô lem gónóhen lemayag dou,” okóm ke tolo gel knutó nawahen yóm dumuhen hemtahu, tolo nô lem gónón kmifu he yóm tau yó.

1 Jan 2:4

Ke wen tau mon du, “Deng tngónu Dwata se dou,” okóm ke là dog nimónen du yóm hlau Dwata, odoyen yóm monen yó. Là kóen nô bè nawahen yóm ktahuhen.

Hibru 12:29

abay se yóm Dwata tekuy, ke wen tnafaken, hol lómón ke mken yóm tey ofi.

1 Jan 3:10

Ni se hol gónó le stólóng yó kem ngà Dwata bè yó kem ngà Seitan: Yóm tau ke là nmoen du yóm tedeng ne ke là kenbong nawahen kem dumuhen, sundu ngà Dwata du yóm tau yó.