1 Jan 4:5 - Udél Dwata: Gna Kesfasad ne Lomi Kesfasad

⁵ Yó kem tau lembù tmugod ke Dwata yó, tódô lemwót lem nim benwu ni yóm kul gel tolok. Ne móyô le hmungol kul yó kem tau là hemtahuhen, abay se gfi le bélê le.

1 Jan 4:5 Referans Kwoze

Kun Snulat Jan 8:23

Ne bud mon Jisas se mò kul, monen, “Tau ye lenokob longit kuy. Fene lemwót ta dou. Tau ye tonok kuy okóm là dou.

Kun Snulat Jan 17:14

Deng gotu toloku kul, Mà, yóm kóm udél. Ne deng mom knutó nawa le lu yó kem tau là hemtahuhen, abay se là bud nmung le du yóm kul kehedem, lómón yóm dou là kmung du.

Kun Snulat Jan 17:16

Là bud nmung le du ne yóm kul kehedem yó kem tau là hemtahuhen, lómón yóm dou là kmung du.

Kun Snulat Jan 3:31

Bud mon Jan, “Hol lemwót bè longit se ke Jisas, du se hol geta bè kdéen. Yóm tau te tonok, són olo tngónen yóm nô te tonok, ne són yó se yóm tendo gel tulónen. Okóm yóm lemwót gu bè longit, du se yóm hol geta bè kdéen.

Deng Hegfan 12:9

Tódô tudà le etalak tonok yóm swaga hulô yó, yóm tehe ulal là kna lemwót bè kbuten, duhen Seitan, yóm alì hulung dmelem, yóm alì hulung smukat yó kem tau bè klamangen benwu. Tódô tudà le etalak tonok, mung du yó kem gel hógówen.

2 Timuti 4:3

Yó gónóhu mon du yóm yó, wen kdaw le là bud hemkmón du yóm tahu tolok yó kem tau. Mom yó lolò le yóm kul knóyô. Ne tey dê tau gónó le htolok, ne són tolok le kul, són yóm nóyô le mò lelen nawa le.

Kem Lingón 17:4

Deng lolou yó kem kóm hlau kum, yó gónóhu là lemolò du yóm kul klan yó kem tau mahil hemsidek kem dumu le.

Kun Snulat Luk 16:8

Tikóng tngón yóm tau fun kendengen yóm kmò kehlanen du yóm atulen yóm tau là gulit yó koni, botong monen, ‘Tey hulung hemlan yóm klowilen elem haya yóm tau là gulit yó.’ ” Bud mon Jisas, “Yó kem tau són ktes le klowil le te tonok, tey le hulung eles temgama du yóm klowil le elem haya. Yake bud lómón se yó yóm kul eles ketgama du yóm klowil laen dù sónen yó kem tau deng nô lem layag.

Mika 2:11

Yó dô nóyô le ni kem tau ni yóm tugod Dwata tendo tmulón kéng ne tendo smukat, yóm gel mon du, ‘Eles tulónu kuy, angat tey wen tifas ye se kuy, ne tódô wen se yó kem dumu gel ninum ye.’ ”

Jirimaya 29:8

Yó udél yóm Dwata laen dù là gbeken du yóm Dwata yó kem tau Israél, monen, “Bê ye abay hegsukat bè yó kem hlingón tugod dwata ne bè yó kem tau demwata nô bè yó bè Babilun. Hol bê ye abay hmungol ke wen kna tulón le.