1 Jan 4:4 - Udél Dwata: Gna Kesfasad ne Lomi Kesfasad

⁴ Okóm yó dum kuy, kem ngà, Dwata se hol mfun kuy, ne deng ye matù bè yó kem tau gel tmolok sekban yó, abay se deng nô bélê ye yóm Tulus Dwata, ne tey bong mfasang senta yóm tulus nô bè yó kem tau là hemtahuhen.

1 Jan 4:4 Referans Kwoze

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

1 Jan 5:4

abay se ke deng tekuy baling ngà Dwata, gbek tekuy matù bè yó kem sidek lem nim benwu ni. Yó gónó tekuy matù lan tekuy deng hemtahu.

Sulat Pol Ebè Yó Kem Tau Hemtahu Bè Rom 8:37

Okóm lemwót bè yóm tóbóng Krays, yóm fen kembong nawa tekuy, yó gónó tekuy matù bè yó kem mgel gel sut bélê tekuy.

1 Jan 4:16

Deng tngón tekuy ne yóm tey kbong nawa Dwata tekuy, ne yó se gel genléd nawa tekuy. Tey bong nawahen tau yóm Dwata. Yóm tau ke kenbong nawahen yó kem dumuhen, deng le ssotu Dwata ne yóm tau yó, ne hlós nô béléen Dwata.

1 Kurin 2:12

Yóm kehedem blay Dwata tekuy, là sengeden bè yóm kul kehedem yó kem tau te tonok. Okóm deng sù Dwata bélê tekuy yóm kun Tulus anì gotu tngón tekuy kdê yó kem deng blayen tekuy.

1 Jan 5:19

Deng tngón tekuy ne yóm kfun Dwata tekuy. Yó kem dumu tau nô lem benwu, hono kem kun tau nogot Seitan.

1 Jan 4:13

Deng hol tngón tekuy se yóm deng kessotu tekuy bè Dwata, abay se deng suen bélê tekuy yóm kun Tulus.

Ifisus 6:10

Ni se mò sónen yóm udélu ebélê ye. Hol hgel ye nawa ye lemwót bè yóm deng kessotu ye bè yóm gónó tekuy mogot, ne lemwót bè yóm tey kegbeken bélê ye.

Ifisus 3:17

Ne sotu hnihu anì hol tendo nô bélê ye Krays lemwót bè yóm ksalig ye béléen. Bud hnihu snéen anì hol mbegel kdolilen yóm ketngón ye du yóm tey kbong nawa Dwata,

Deng Hegfan 12:11

Okóm deng le matù béléen yó kem kut dumu setwoli deng hemtahu mlan bè kun litô yóm Ngà Ubiha deng gamà bélê le, ne bud mlan bè yóm ktahuhen deng gel hból le. Là kô knamà le du klowil le efet katay le.

1 Jan 3:24

Yóm tau ke nimónen yó kem hlau Dwata yó, deng le ssotu Dwata ne, ne tódô nô béléen se Dwata. Ne lemwót bè yóm kun Tulus deng hnóen bélê tekuy, tódô tngón tekuy se yóm deng kessotu tekuy bè Dwata.

Kun Snulat Jan 12:31

Deng hto ne yóm buteng kkukum Dwata kul yóm kdéen tau bè klamangen benwu, ne yóm kkóhen du bè Seitan yóm kfasangen mogot benwu.

Kun Snulat Jan 17:23

Tendohe gel nô bélê le se dou, ne tendohi gel nô béléu se kóm anì hol ssotu nawa le, ne anì dilô yó kem tau là hemtahuhen yóm khógówem dou, ne dilô le snéen yóm kbong nawahem kul yó kem tau hemtahu béléu lómón yóm kbong nawahem do.

1 Jan 4:6

Okóm tekuy, deng nfunen tekuy Dwata. Sok fes tau temngón ke Dwata, gel hnungol le yóm ktolok tekuy. Okóm yóm tau là tngónen ke Dwata, là kóen móyô hmungol du yóm tolok tekuy. Bè ni se gónó tekuy dmilô du ke lemwót bè Tulus Dwata yóm ktolok le, duhen ke lemwót bè yóm tulus kéng.

2 Kurin 6:16

Ne sotuhen, laen kô dù gónó le segmung yóm kun gónô Dwata ne yó kem dwata kéng. Kaem tekuy se yóm kun gónô gónóhen nô yóm Dwata laen dù tul katayen. Hol lómón yóm tehe mon Dwata ekni, yóm monen, “Angate tendo nô bélê le yó kem dou tau, ne hol lem blóng le gónóhu nô. Ne ou se baling hol kul Dwata, ne lu se baling hol dou tau.”

1 Jan 2:13

Ne smulate ebélê ye snéen yu kem mà, abay se deng tngón ye Krays se kuy, yóm sana mowil tenbut bè kbuten. Ne smulate ebélê ye snéen kuy, yu kem hanà lomi lemnok, abay se deng ye matù ne bè Seitan.

1 Kurin 6:13

Ne wen se gel mon du, monen, “Yó se mu yóm blutut tau mò gónón e tódô ken. Ne yó mu yóm ken mò sù lem blutut.” Ya mo ktahuhen du yóm monen yó, okóm angat nmò Dwata sónen yóm blutut ne yóm ken. Yóm lówó tekuy, là yó du muhen ke gónó tekuy mò samuk. Okóm yó dé muhen mò fen mò nmò bè yóm gónó tekuy mogot. Ne du se fen hol semgyok du yóm lówó tekuy.

Ifisus 2:2

Bè yóm kdaw yó, tódô lolò ye yóm sidek kul gel nmò yó kem tau là hemtahuhen bè Dwata. Tódô nimón ye Seitan, yóm gónó le kmulu yóm kdéen mtulus gu talak kmawang. Bud du se yóm gel malak yó kem tau là mimón ke Dwata.

Kun Snulat Jan 16:11

Angat hdilóen kul snéen yóm angat ktafak Dwata kul. Ngem yóm Seitan, yóm fen mogot klamangen, deng eles nô tahen ne tuled Dwata du.

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

Kun Snulat Jan 14:30

Là buden hol legen ne yóm kestulón tekuy, abay se móyónen sut ne Seitan, yóm fen mogot klamangen. Laen kô dù kfasangen béléu kun.

1 Jan 2:1

Yó gónóhu smulat ebélê ye ni kem ngà, anì bê ye bud mò salà. Okóm ke wen bélê ye gemsalà, deng wen ne fen blóng tekuy ebè Dwata, yóm Mà tekuy, duhen Jisas Krays, yóm hol tedeng kmoen.

1 Jan 3:20

Baluen he ke tolo sidek kegnóm tekuy du bè yó kem tehe salà tekuy, tódô tngón tekuy yóm tey kehyuhen yóm Dwata, ne gotu tngónen se kun yóm kdéen.