1 Jan 4:18 - Udél Dwata: Gna Kesfasad ne Lomi Kesfasad

¹⁸ Laen dù bud knikò tekuy ne lemwót bè yóm kbong nawahen tekuy Dwata. Yóm nawahen tekuy yó, tódô ket du, ne gbeken mkó du bélê tekuy yóm klikò tekuy. Okóm yóm tau gel likò, là deng hentahuhen du he kun yóm kbong nawa Dwata du. Yó gónón likò, abay se nangaten yóm ktafak Dwata du.

1 Jan 4:18 Referans Kwoze

2 Timuti 1:7

Là kô yó du gónó Dwata bemlay du bélê te yóm Tulusen ke nit te likò. Okóm mò fen gel temgel kut, ne anì nô bélê te yóm kesbong nawa, ne anì wen kegbek te mafas nawa.

Sulat Pol Ebè Yó Kem Tau Hemtahu Bè Rom 8:15

Abay se yóm Tulus Dwata deng nô bélê ye là kô nmoen kuy tau ghesek bè klikò. Ne mlan bè yóm Tulus Dwata yó, deng ye baling kun ngà, ne gbek ye ne tmaba ke Dwata, “Ó Mà.”

1 Jan 4:12

Laen kô dù tau deng mton ke Dwata. Okóm ke hol tekuy sbong nawa, yó se gónó tekuy ssotu bè Dwata. Ne yóm kessotu tekuy bè Dwata yó, yó se gónón baling gulit yóm kesbong tekuy nawa.

Hibru 12:28

Duhen yó, hol dóyón tekuy dé Dwata, abay se angat tekuy gomong bè yóm kun benwu nogot, yóm benwu là megsinsigen. Hol tekuy hloni ebéléen dé ni kmoen ni, hlan tekuy bè yóm kun kóyô bélê tekuy, hmung tekuy du snéen yóm hol kadat tekuy du ne yóm klikò tekuy mulé du,

Sulat Jim 2:19

Maya mon kehtahuhem du du tek sotu se Dwata. Hyu se yó. Okóm balù se yó kem busaw, sana kehtahu le du se kul. Botong le gel kenkel lemwót bè klikò le du.

Kem Lingón 119:120

Botong setbol kkelu lemwót bè klikou kóm, knikou yóm angat kkukumem do.

Kem Lingón 73:19

Tódô le kendel meglà, ne tey sidek yóm gónó le e kól.

Matyu 9:34

Okóm kul yó kem Farisi, mom yó kmon le du, “Kaem lemwót bè Seitan yóm kul ogot yó kem tulus sidek, yóm kfasangen hdó tulus seitan yóm tau yó.”