1 Jan 4:15 - Udél Dwata: Gna Kesfasad ne Lomi Kesfasad

¹⁵ Ke wen tau mon du hol Ngà Dwata yóm Jisas Krays, deng le ssotu Dwata ne yóm tau yó, ne hlós nô béléen Dwata.

1 Jan 4:15 Referans Kwoze

1 Jan 5:5

Tau du se gembek matù bè yó kem sidek lem nim benwu ni? Tek són yóm tau hemtahu du yóm kngà Dwata ke Jisas.

Sulat Pol Ebè Yó Kem Tau Hemtahu Bè Rom 10:9

Ke gel tulón ye bè dumu tau yóm Jisas hol gónó ye mogot, ne ke hentahu ye yóm deng kehlowil Dwata du gu lem hatay, yó se gónó ye gewà gu lem hatay.

Matyu 10:32

Bud mon Jisas, “Yóm tau ke gel tulónen yóm kloloen do lem blóng kem dumun tau, angat bud tulónu se kun bè solu Mà bè longit.

1 Jan 4:2

Yó mò ilô ye du ke tahu Tulus Dwata yóm fen malak du yóm tau: Ke hentahuhen yóm deng tehe kehbalingen tau Jisas Krays, du se yóm tau deng nô béléen yóm Tulus Dwata.

1 Jan 3:24

Yóm tau ke nimónen yó kem hlau Dwata yó, deng le ssotu Dwata ne, ne tódô nô béléen se Dwata. Ne lemwót bè yóm kun Tulus deng hnóen bélê tekuy, tódô tngón tekuy se yóm deng kessotu tekuy bè Dwata.

Flipay 2:11

Ne kdê le se angat gotu mon du, “Jisas Krays se yóm hol gónó mogot bè klamangen.” Ne bè yóm kmon le du yóm yó, yó se gónó Dwata yóm Mà tekuy hol megdóyón.

1 Jan 4:12

Laen kô dù tau deng mton ke Dwata. Okóm ke hol tekuy sbong nawa, yó se gónó tekuy ssotu bè Dwata. Ne yóm kessotu tekuy bè Dwata yó, yó se gónón baling gulit yóm kesbong tekuy nawa.

1 Jan 5:1

Yóm tau ke hentahuhen Jisas yóm Misaya, yóm deng nélék Dwata, du se yóm tau deng baling ngà Dwata. Yóm tau ke bong nawahen ke Dwata, yóm Mà tekuy, kenbongen nawa snéen yó kem dumu tau deng baling ngà Dwata.

Kun Snulat Luk 12:8

“Ni bud tulónu kuy,” mon Jisas, “Yóm tau ke gel tulónen yóm kloloen do lem blóng kem dumuhen tau, senged se bud ktulónen du se kun yóm Ngà Tau lem blóng yó kem hógów Dwata nô bè longit.

2 Jan 1:7

Deng tey dê ne yóm tmolok sekban deng sekla bè klamangen benwu. Yó kesekban le, gel henkéng le yóm tehe kehbalingen tau Jisas Krays. Yóm tau tmolok yó, olon tmundug kuy, du se yóm hohon Jisas.

Kun Snulat Jan 6:56

Yó se tau mken yóm dou lówó ne minum yóm dou litô, senflósen nô béléu, ne senflósu se nô béléen.

1 Jan 2:23

Abay se yóm tau ke kenbéen yóm kun Ngà Dwata, kenbéen snéen yóm Maen. Okóm yóm tau ke hentahuhen yóm Ngà Dwata, hentahuhen snéen yóm Maen.

1 Jan 2:24

Duhen yó, hol henlel ye hemsù du bè nawa ye yóm tulón hyu deng gungol ye lemwót bè kbut yóm kehtahu ye. Ke là lanahen bélê ye yóm tulón yó, tódô senflósen ne yóm kessotu ye bè yóm Ngà Dwata lewu le yóm Maen.

1 Jan 3:23

Ni sii yóm hlauhen: Hol hentahu tekuy boluy yóm Ngaen, duhen Jisas Krays, ne hol tekuy sbong nawa, lómón se yóm deng hlolò Krays tekuy.

Kul Nmò 8:37

Mon Filip se, “Tey hyu se ke gotu nawahem hemtahu ke Jisas.” Monen se kun yóm tau yó koni, “Deng hentahuhu ne Jisas Krays, du yóm hol Ngà Dwata.”