1 Jan 4:11 - Udél Dwata: Gna Kesfasad ne Lomi Kesfasad

¹¹ Ke lómón ni se yóm kbong nawa Dwata tekuy, kem weu do dumu sogot nawa, yake hol tekuy sbong nawa sen.

1 Jan 4:11 Referans Kwoze

Kulasi 3:13

Yake hol ye sadat dé, ne hol ye seflifót ke wen gónó ye seglius. Lómón yóm deng kehlifót yóm gónó tekuy mogot yóm kut salà, hol lómón yó se kmò keseflifót tekuy.

Kun Snulat Jan 13:34

Ne ni,” monen, “wen lomi hlauhu kuy. Yó hlauhu kuy, hol ye sbong nawa. Lómón yóm dou kbong nawa kuy, bud lómón yó se yóm kuy kesbong nawa.

1 Jan 3:23

Ni sii yóm hlauhen: Hol hentahu tekuy boluy yóm Ngaen, duhen Jisas Krays, ne hol tekuy sbong nawa, lómón se yóm deng hlolò Krays tekuy.

Kun Snulat Luk 10:37

Ne mon yó sem tau tmolok hlau yó koni, “Yóm tau fen kmodu du, tu se dmumu du.” Ne yó mon Jisas mò du, “Yó se mò dnalangem.”

Ifisus 4:31

Gotu kó ye yóm ksidek knawa ye bè kem dumu ye, ne yóm sidek knóyô lówó, ne yóm ksukeg nawa. Hol bê ye abay bud gel sefetê ne semdekà. Kó ye lem hendem ye yóm kessutó nawa.

1 Jan 2:7

Kem weu dou dumu sogot nawa, nim hlau sulatu ebélê ye ni, sundu lomi hlau du. Sana kem hlau labi tenbut tngón ye bè yóm kbut kehtahu ye ke Jisas. Deng tehe gel gungol ye nim hlau labi ni, duhen bè yóm kesbong nawa.

1 Jan 3:11

Deng hónô gungol ye lemwót bè kbut kehtahu ye, yóm monen, Hol tekuy sbong nawa.

1 Jan 4:7

Hol tekuy gel sbong nawa, kem weu do dumu sogot nawa, yakà bè Dwata du gónón lemwót yóm kesbong nawa. Yóm tau kenbongen nawa yó kem dumuhen, yó se yóm tau deng baling ngà Dwata, ne deng tngónen Dwata.

2 Jan 1:5

Duhen yó, Lenibun, yó nóyô nawahu bélê ye ke hol tekuy sbong nawa. Sundu hlau lomi du nim hlolou kuy ni, okóm sana kem hlau labi deng hónô gungol tekuy lemwót bè kbut yóm kehtahu tekuy.