1 Jan 3:8 - Udél Dwata: Gna Kesfasad ne Lomi Kesfasad

⁸ Okóm yóm tau senflósen mò salà, du se kun tau Seitan, yakà Seitan du yóm hol mò salà lemwót bè kbuten. Yó se gónón tehe hbaling tau yóm Ngà Dwata nan e nmò sónen yóm nmò Seitan.

1 Jan 3:8 Referans Kwoze

Hibru 2:14

Yó kem ngà mon Jisas yó koni, kem tau te tonok se yó, wen unged le ne wen litô le. Ne ke Jisas kun, hbaling tau mkél bélê tekuy. Yó gónón mò du anì fen matay bélê tekuy. Lemwót bè yóm katayen yó mò lanen gemlà ke Seitan, yóm fen mogot yóm hatay.

Kun Snulat Jan 8:44

Seitan yóm kuy mà ne tódô lolò ye yóm kun kóyô. Du se yóm hol sana monok lemwót bè hol kbuten. Là kóen tofi bè yóm ktahuhen. Hono kéng yóm kun, abay se yó se sana kun kmò, mò kéng. Hono kéng yóm gel tulónen. Du se hol gónón gu tembul kéng.

Kulasi 2:15

Ne bud bè tum tehe katay Krays bè kros, yó se gónón mkó du bè Seitan yóm kun kfasang, ne yóm kul kfasang yó kem dumu mtulus deng genlal Seitan. Gotu hegfanen bè gónón wen yóm deng katuen bélê le.

Sulat Pol Ebè Yó Kem Tau Hemtahu Bè Rom 16:20

Tek són Dwata gónón lemwót yóm kenek nawa tekuy. Là buden legen ne yóm kdaen ke Seitan elaan anì laen dù bud gmoen bélê ye. Yó hem gónó tekuy mogot Jisas Krays hol seflós tmóbóng kuy.

Kun Snulat Jan 16:11

Angat hdilóen kul snéen yóm angat ktafak Dwata kul. Ngem yóm Seitan, yóm fen mogot klamangen, deng eles nô tahen ne tuled Dwata du.

Kun Snulat Jan 12:31

Deng hto ne yóm buteng kkukum Dwata kul yóm kdéen tau bè klamangen benwu, ne yóm kkóhen du bè Seitan yóm kfasangen mogot benwu.

2 Pitér 2:4

Tehe yu ekni, wen sidek nmò yó kem tehe hógów Dwata gu bè longit, bede là kô tódô bayà Dwata du kul. Yó tafaken kul, tódô boten lu elem yóm tey sol leyóng kmifu mò gónón bmanggù kul efet kehto yóm buteng kkukumen kul.

Mark 1:24

“Ó Jisas lemwót bè Nasarit, tedu hendufem bélê me ni du? Nam e tô genlà mi kô? Dilóu uu, uu se yóm mólós hógów Dwata.”

Ifisus 2:2

Bè yóm kdaw yó, tódô lolò ye yóm sidek kul gel nmò yó kem tau là hemtahuhen bè Dwata. Tódô nimón ye Seitan, yóm gónó le kmulu yóm kdéen mtulus gu talak kmawang. Bud du se yóm gel malak yó kem tau là mimón ke Dwata.

Isaya 27:1

Bè yóm kdaw yó, wen tey sudeng mit hatay angat nogot Dwata mò tmafak yóm swaga bong boluyen Libyatan, yóm alì metlasik gel mulu hkigù ne mò hatayen yóm sotu ógóf lóbô nô lem mohin.

Kun Snulat Luk 10:18

Mon Jisas se kun, “Tódô tonu Seitan lómón tô silà yóm kehebtangen gu bè longit.

1 Jan 3:10

Ni se hol gónó le stólóng yó kem ngà Dwata bè yó kem ngà Seitan: Yóm tau ke là nmoen du yóm tedeng ne ke là kenbong nawahen kem dumuhen, sundu ngà Dwata du yóm tau yó.

Matyu 13:38

Ne yóm dnadu, hningónen yóm klamangen benwu. Ne yóm bnék hyu yó, duhen yó kem tau deng nogot Dwata. Yó hningón yóm kluon gbol lemen, duhen yó kem tau deng nogot Seitan.

Deng Hegfan 20:10

Bong ke Seitan kun, yóm deng smukat kul, tódô tudà le elem lanaw ofi, yóm ofi wen kbudahen senflós dmilóf. Bè yó se kul deng gónó nô yóm lóbô tanay sut ne yóm fen gel tmugod du. Bè yó gónó le tendo heslaf seflósen kemdaw ne kifu, ne laen kô dù sónen yóm tendo keheslaf le yó.

1 Jan 5:19

Deng tngón tekuy ne yóm kfun Dwata tekuy. Yó kem dumu tau nô lem benwu, hono kem kun tau nogot Seitan.

1 Jan 3:5

Deng tngón ye ne yóm gónó Krays na a hbaling tau anì wen lanen mkó du bè tau yó kem salà le. Okóm kun, laen kô bang salaen.

Deng Hegfan 20:15

Yóm tau ke là nóen bè yóm bok lowil yóm kun boluy, tódô tudà le elem lanaw ofi.

Sulat Jud 1:6

Ne sotuhen, yó kem tehe gel hógów Dwata gel nô bè longit ekni, mom hnuda le yóm deng sigang Dwata ta le, ne tódô tnagak le yóm hol gónó le nô. Yó kmò Dwata kul, tódô hnengked nféten lu yóm kdina là gekas du ditu bè yóm benwu alì kmifu laan tonok. Hatan tnafaken lu ke deng hto yóm kdaw kkukumen kul.

Tekang Kbuten 3:15

Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”

Matyu 4:3

Tódô sut béléen Seitan, ne monen mò du, “Ke tahu uu Ngà Dwata, henbalingem ken kun ni kem botu nii.”

Matyu 12:28

Là kóen na a lemwót bè Seitan yóm kehdóhu tulus sidek, okóm tódô lemwót bè yóm kehtulus Dwata do yóm kegbeku mò du. Ne ni gónó ye temngón du yóm deng kkólen lem blóng ye yóm kogot Dwata tau.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Hibru 9:26

Ke lómón yó nmoen, deng kem dê duléken ne dilóu glayam matay lemwót bè hol kbut benwu. Bede là. Tek suléken hbaling tau bè yóm kdaw deng moni bè yóm hol són benwu, ne laen dù bud seefen du ne yóm yó. Yó gónóhen sut anì nan e dsù klowilen mò hkó salà kdéen tau.

1 Jan 1:2

Deng henbaling Dwata tau yóm monu Udél Hlowil Tau yó, deng na me ton se. Laen kô dù buten ne laen se dù sónen yóm klowilen yóm knóen bè Maen. Ni se yóm deng tehe baling tau. Ne ni se hol bótóng yóm tulón me kuy.

Lista 21:9

Tahu se, wen ulal tenwél Musis ne suen bè yóm hteg nmoen. Yóm tau deng nékét ulal ke temngel ebè yóm ulal hteg Musis yó, tódô mowil. Là gomongen bè nili yóm bérs 10 efet kól bè bérs 20. Hono boluy yó kem benwu tehe gónó le kmamfù yó kem tau Israél lemwót le bè Bulul Hor efet le kól bè Datal Muab.