1 Jan 3:7 - Udél Dwata: Gna Kesfasad ne Lomi Kesfasad

⁷ Bê ye hegsukat bè kem dumu tau, kem ngà. Ke tedeng nmò yóm tau, yó se yóm tau deng tedeng kmoen, hol mkél bè yóm kun ktedeng kmò Krays.

1 Jan 3:7 Referans Kwoze

1 Jan 2:29

Lemwót bè yóm ketngón ye du tey tedeng yóm Krays, bud tngón ye snéen ke tedeng kmoen yóm tau, du se yóm tau deng tahu ngà Dwata.

Sulat Pol Ebè Yó Kem Tau Hemtahu Bè Rom 2:13

Là kô bè ketngón tau yóm hlau gónón tedeng kton Dwata kul, okóm bè kimón le du gónón tedeng ktonen kul.

1 Jan 3:3

Ke yó tendo nefet nawahen yóm tau yóm angat kkélen ke Krays, béen abay nmò belenen yóm gel nmoen, abay se yóm Krays, laen kô belenen yóm kun kmò.

1 Jan 2:26

Yó gónóhu smulat du ebélê ye nim ni, abay se wen kem tau tendo gel tô smukat kuy.

1 Jan 2:1

Yó gónóhu smulat ebélê ye ni kem ngà, anì bê ye bud mò salà. Okóm ke wen bélê ye gemsalà, deng wen ne fen blóng tekuy ebè Dwata, yóm Mà tekuy, duhen Jisas Krays, yóm hol tedeng kmoen.

Kem Lingón 45:7

Tey bong nawahem du yóm tedeng, ne fen nutó nawahem yóm sidek. Yó gónóm mon, Dwata yóm hol kóm Dwata, deng hegetahen uu senta yó kem dumuhem mlan bè yóm deng ketwélen kóm yóm hnolo mit kligal.

Kul Nmò 10:35

Balù kihu tau, ke wen klikoen ke Dwata, ne ke hol nmoen yóm hyu bè Dwata, là kô knogol Dwata du se kun, nô kihu se kun gónó gu mbut.

Ifisus 5:9

Wen tey bunguhen yóm deng knô tekuy lem layag yó, duhen yóm hyu kmò tekuy bè kem dumu tekuy, ne yóm ktedeng tekuy, ne yóm kimón tekuy du yóm ktahuhen.

Kem Lingón 106:3

Hligal le kul yó kem tau ke tedeng nmò le bè kem dumu le, ne ke tendo nmò le yóm hyu.

1 Pitér 2:24

Bè yóm tehe ktutuk le ke Krays bè yóm kros, deng nwiten ne yó kem salà tekuy, ne deng mom du tnafak bè salà tekuy. Yó gónón mò du yóm yó anì tnagak tekuy yó kem sidek gel nmò tekuy, ne anì hol nô bè nawa tekuy mò du yóm hyu. Du se yóm tehe alì glayam, ne yu se yóm fen hyu bè kililen.

1 Kurin 6:9

Deng hónô tngón ye, là kóen gmung bè yóm tau nogot Dwata yóm tau là tedeng nmoen. Béen tólóng kehedem ye du nim ni. Là kô le gmung yó kem tau gel mò samuk, ne yó kem tau hemtahu bè yóm dwata kéng, ne yó kem tau mdà yehen, ne yó kem tau deng mom senwì le yóm kmò kesyehen, syehen hono logi, ne syehen hono libun.

Kun Snulat Luk 1:75

ne anì mólós yóm kmò ktonen tekuy, ne tedeng kmò tekuy efet kól bè kukol towok tekuy.”

Sulat Jim 2:19

Maya mon kehtahuhem du du tek sotu se Dwata. Hyu se yó. Okóm balù se yó kem busaw, sana kehtahu le du se kul. Botong le gel kenkel lemwót bè klikò le du.

Flipay 1:11

Sotu bud hnihu anì hol hyu yóm kmò ye lemwót bè yóm gel któbóng Jisas Krays kuy. Ne bè yó se hol gónó Dwata megdóyón bélê ye.

Matyu 5:20

Tódô tulónu kuy,” mon Jisas, “song ye gmung bè yó kem tau nogot Dwata bè longit ke hol ye hgulit lemolò du yóm kun kóyô Dwata senta yóm kul kgulit yó kem tau tmolok hlau ne yó kem Farisi.”

Sulat Jim 1:22

Bê ye abay olo hmungol du yóm Udél Dwata, yake hol nimón ye. Kesok là nimón ye du olo ye tmondo knô ye.

Hibru 7:2

Ne lemwót se ke Abraham kun, gotu blayen ke Mélkésédék yóm gesfoloen mò baden ke Dwata bè yó kem kimu deng negefen bè yó kem hohonen. Yó lanen yóm boluy Mélkésédék, duhen “Tau geta tedeng knawahen.” Bud du se hol geta bè benwu Salim. Yó gónó le moluy du “Tau geta menek kbenwuhen.”

Hibru 1:8

Okóm tólóng se udél Dwata ebè yóm hol Ngaen. Tehe monen mò du, “Ó Dwata, laen kô dù nan e són yóm kogotem tau. Tey tedeng yóm kogotem kul.

Ifisus 5:6

Bê ye abay hegsukat bè yó kem tau gel smonol du yó kem monu yó koni. Lemwót bè yóm gel kmò le du, gnóm le he yóm tey kebut Dwata kul yó kem tau là mimón du.

1 Jan 3:18

Ó kem ngà, béen olo són bè sumóng ye yóm kbong nawa ye kem dumu ye. Yake hol hegfan ye bè kmò ye yóm tahu kbong nawa ye kul.

1 Jan 4:17

Lemwót bè yóm deng kessotu tekuy bè Dwata yó, là kô tekuy na a likò béléen bè yóm kdaw kkukumen tekuy. Yó se gónó tekuy là likò, abay se deng tekuy gbót ne bè yóm kun kmò Krays bè nim igò tekuy mowil te tonok ni.