1 Jan 3:5 - Udél Dwata: Gna Kesfasad ne Lomi Kesfasad

⁵ Deng tngón ye ne yóm gónó Krays na a hbaling tau anì wen lanen mkó du bè tau yó kem salà le. Okóm kun, laen kô bang salaen.

1 Jan 3:5 Referans Kwoze

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

Hibru 9:28

Senged snéen yóm Krays. Tek suléken matay bè yóm tehe kedsuen klowilen mò hkó salà yó kem tey tau wen. Angat bud semfulék edini, bede là kóen na a bud hkó salà. Okóm yó nógówen, senfuléken yó kem kdéen tau hemtahu deng hemdón mangat du.

1 Pitér 3:18

Yakà dengen tehe matay Krays lanen fen mayad salà, ne là kô bud sneefen du ne yóm yó. Deng mom fen matay yóm tau hol hyu kmoen mò leyu lówó tekuy kem tau gemsalà anì wen lanen mit tekuy ebè Dwata. Ghatay le lówóhen, okóm là yó dum lóyófen, tódô hlós mowil.

1 Pitér 2:24

Bè yóm tehe ktutuk le ke Krays bè yóm kros, deng nwiten ne yó kem salà tekuy, ne deng mom du tnafak bè salà tekuy. Yó gónón mò du yóm yó anì tnagak tekuy yó kem sidek gel nmò tekuy, ne anì hol nô bè nawa tekuy mò du yóm hyu. Du se yóm tehe alì glayam, ne yu se yóm fen hyu bè kililen.

Hibru 9:26

Ke lómón yó nmoen, deng kem dê duléken ne dilóu glayam matay lemwót bè hol kbut benwu. Bede là. Tek suléken hbaling tau bè yóm kdaw deng moni bè yóm hol són benwu, ne laen dù bud seefen du ne yóm yó. Yó gónóhen sut anì nan e dsù klowilen mò hkó salà kdéen tau.

Kun Snulat Jan 1:29

Timbow hayahen bè yó, ton Jan Jisas mógów ebéléen. Bè yóm ktonen du, monen mò yó kem tau, “Ngem yó dé yóm Ngà Ubiha Dwata mò angat dsù Dwata mò mkó salà kdéen tau.

Deng Hegfan 1:5

Ne yóm Jisas Krays, tey gsalig yóm gel tulónen. Du se yóm hol geta bè yó kem deng hlowil Dwata gu lem hatay. Bud du se kmamal yóm kentihen tau hol geta mogot benwu talak tonok. Tey kbong nawahen tekuy, gloken hamà yóm kun litô bélê tekuy mò lanen lemwà tekuy gu lem salà

1 Jan 1:7

Okóm ke deng ye nô lem layag, lómón yóm kun knô lem layag Dwata, yó he gónón wen kesfulung tekuy. Ne yóm litô tehe namà Jisas, yóm Ngà Dwata, yó se fen tendo mkó du bélê tekuy yóm ket salà gel nmò tekuy.

1 Jan 1:2

Deng henbaling Dwata tau yóm monu Udél Hlowil Tau yó, deng na me ton se. Laen kô dù buten ne laen se dù sónen yóm klowilen yóm knóen bè Maen. Ni se yóm deng tehe baling tau. Ne ni se hol bótóng yóm tulón me kuy.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

1 Pitér 2:22

Laen kô dù salaen se kun, ne laen kô dù kéng deng btang bè sumóngen.

Hibru 1:3

Yóm kun kegeta Dwata, deng hol tódô tahu gfan bè yóm Ngaen yó. Yóm kun kmò Dwata, yó se kun kmò yóm Ngaen. Du fen mkem du yóm kdê nmoen hlanen bè yóm udélen alì mfasang. Timbow kogol yóm tehe kkóhen salà kdéen tau, tódô mulék ebè longit, ne myón fi bè kwanan yóm Dwata alì mfasang bè kdéen.

1 Timuti 1:15

Là kô olo ulóben du se nim monu mò kóm ni, Timuti, hol béen tlek wen tau hmingay du. Yó hol henduf Krays Jisas edini elem benwu anì wen lanen lemwà yóm tau gemsalà. Ne bè kdéen tau gemsalà, ou yóm tau alì gedlug salà nmoen,

Matyu 1:21

Angat logi yóm ngaen, ne yó boluyem du Jisas, yakà du yóm lemwà yó kem kun tau gu lem salà le.”

1 Jan 2:1

Yó gónóhu smulat ebélê ye ni kem ngà, anì bê ye bud mò salà. Okóm ke wen bélê ye gemsalà, deng wen ne fen blóng tekuy ebè Dwata, yóm Mà tekuy, duhen Jisas Krays, yóm hol tedeng kmoen.

1 Pitér 1:20

Deng eles nélék Dwata ne gu laanen là deng dmimun du yóm benwu, okóm ni ne yóm khógówen du ete tonok mò tmóbóng tekuy.

Hibru 4:15

Yóm gel blóng tekuy ebè Dwata yó, deng gotu tngónen yóm gónó tekuy gel lunog, ne tey kkoduhen tekuy. Abay se bè yóm tehe knóen te tonok, deng gnómen se kun yóm kdéen sindil lómón yóm tekuy, okóm là gemsalaen yó yóm kun.

Hibru 7:26

Duhen yó, Jisas se yóm mò blóng tekuy ebè Dwata, yóm hol hulung tmóbóng tekuy. Tey kólósen. Laen kô dù sidek duhen ke salà ton tekuy béléen, Deng sentólóng Dwata bè yó kem tau gemsalà, ne tey kehegetahen du ditu bè longit.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Kun Snulat Jan 14:30

Là buden hol legen ne yóm kestulón tekuy, abay se móyónen sut ne Seitan, yóm fen mogot klamangen. Laen kô dù kfasangen béléu kun.

Kun Snulat Jan 8:46

Wen kô salà ton ye béléu gónó ye là hemtahu dou? Laen duen. Ke tulónu kuy yóm ktahuhen, moen ke là hentahu ye dou?

Kun Snulat Jan 1:31

Là kô tehe tngónu du snéen dou yóm tau huli dou ni. Okóm yó gónóhu sut dou mò fen mabtays kem tau bè él anì eles hetngónu bè kem dumuhu tau Israél yóm tau yó.”

Kun Snulat Luk 23:47

Bè yóm kehto Jisas, mdà bè yó yóm kfitan bè yó kem sendalù, ne gtanuden yóm kmoen, botong dóyónen Dwata, monen, “Tahu laen dù salaen ilóu tau ni.”

Kun Snulat Luk 23:41

Maya mon ni dum kut, abay se wen tahu duón le kut, ne ni se kguta te balà yóm tehe kut nmò. Là ni dum kun nim tau ni. Tódô hnatay le hkawang.”

Husiya 14:2

Semfulék ye ebè Dwata dé, ne mon ye mò du, “Hol hnifótem kum kdê yó kem sidek deng gel nmò me ne bud henmóyóem mi anì bud dóyón me u. Yóm kdóyón me kóm yó, hol lómón ke wen deng dsù me ebéléem.

1 Pitér 1:18

Tódô tngón ye se yóm tehe ksok Dwata kuy lem yó kem nmò laen dù muhen tehe dnalang ye bè yó kem tehe fù ye. Yóm ksoken kuy yó, là kô kem kimu wen són le yóm soken tekuy, lómón ke filak.

1 Jan 2:2

Hol du se mò lanen yóm gónó Dwata hmifót du yó kem salà tekuy. Là sónen du yóm salà tekuy hnifóten, okóm hnifóten snéen yóm kentihen salà tau bè klamangen benwu.

1 Jan 2:29

Lemwót bè yóm ketngón ye du tey tedeng yóm Krays, bud tngón ye snéen ke tedeng kmoen yóm tau, du se yóm tau deng tahu ngà Dwata.

1 Jan 3:8

Okóm yóm tau senflósen mò salà, du se kun tau Seitan, yakà Seitan du yóm hol mò salà lemwót bè kbuten. Yó se gónón tehe hbaling tau yóm Ngà Dwata nan e nmò sónen yóm nmò Seitan.