1 Jan 3:3 - Udél Dwata: Gna Kesfasad ne Lomi Kesfasad

³ Ke yó tendo nefet nawahen yóm tau yóm angat kkélen ke Krays, béen abay nmò belenen yóm gel nmoen, abay se yóm Krays, laen kô belenen yóm kun kmò.

1 Jan 3:3 Referans Kwoze

2 Kurin 7:1

Tu se koni, kem dumuhu sogot nawa, yóm deng fasad Dwata tekuy. Duhen yó, gotu kó tekuy ne yóm kdéen sidek gel nmò tekuy, dalang se yóm kdéen sidek gel hendem tekuy anì laen dù bud belenen yóm gel kmò tekuy. Yó gónó tekuy mò du nim ni anì hol gfan yóm klikò tekuy ke Dwata.

1 Jan 2:6

Ke mon yóm sotu tau, “Deng me ssotu ne Dwata,” yake hol nulit nmoen sen yóm kun kmò Jisas Krays.

2 Pitér 3:14

Ke ni se yóm sensangat tekuy yu kem weu, hol tilów ye són gel ye mkó du ke wen belenen yóm gel nmò ye anì laen dù duón Dwata kuy sok kól, ne anì wen kenek nawa ye.

Matyu 5:48

Yó gónóm mon, hol ye hgulit, lómón kgulit yóm Mà tekuy bè longit.”

Hibru 12:14

Hol tilów ye són gel ye mit kenek nawa bè kem dumu ye. Hotu ye nawa ye mò du yóm hyu anì laen dù belenen yóm gel nmò ye. Ke tlek wen belenen yóm gel kmò tekuy, sélét mom tô angat ton tekuy ne yóm gónó tekuy mogot.

Hibru 7:26

Duhen yó, Jisas se yóm mò blóng tekuy ebè Dwata, yóm hol hulung tmóbóng tekuy. Tey kólósen. Laen kô dù sidek duhen ke salà ton tekuy béléen, Deng sentólóng Dwata bè yó kem tau gemsalà, ne tey kehegetahen du ditu bè longit.

Kulasi 1:5

Bè yóm hol tanay kungol ye du yóm tahu tulón, duhen yóm Tulón Hyu, gungol ye yóm kwen nefet nawa tulónen. Yó se hol buten yóm kehtahu ye ne yóm kbong nawa ye kem dumu ye, duhen yóm hendón nefet nawa ye deng eles tgama Dwata kuy bè longit.

Kul Nmò 15:9

Laen kô gónó Dwata semtólóng tekuy bélê le. Deng hnifóten salà le lemwót bè yóm deng kehtahu le bè Jisas.

Taytus 3:7

Lemwót bè yóm któbóng Jisas kut yó, yó se gónón deng hyu kton Dwata kut, ne yó se gónó te gmuta du yóm klowil laen dù sónen, yóm gel nefet nawa te ni kmoen ni.

2 Pitér 1:4

Ni se gónón dohò yóm tehe fasaden tekuy, duhen yóm kun tóbóng alì hyu. Ne lemwót bè yóm kun tóbóng yó, gónó tekuy gewà du yó kem dê sidek knóyô tau te tonok, yóm gbeken hemsidek ktau tekuy. Ne bud lemwót bè kun tóbóng, yó gónó tekuy gomong bè yóm kun kehyu kmò Dwata.

Kun Snulat Luk 6:36

Hol knodu ye kem dumu ye tau lómón yóm kun kkodu kem tau yóm Mà tekuy bè longit.”

1 Jan 4:17

Lemwót bè yóm deng kessotu tekuy bè Dwata yó, là kô tekuy na a likò béléen bè yóm kdaw kkukumen tekuy. Yó se gónó tekuy là likò, abay se deng tekuy gbót ne bè yóm kun kmò Krays bè nim igò tekuy mowil te tonok ni.

Hibru 6:18

Duhen yó, nim lewu tehe nmò Dwata ni, duhen yóm fasaden ne yóm kehgeten du, là kóen na a megetles, abay se yóm Dwata là kóen mò kéng. Yó gónóm mon, bè yóm kdê tekuy deng mlóy ebéléen, deng tey mgel nawa tekuy du ne yóm hendón nangat tekuy deng fasaden tekuy.

2 Tisalunika 2:16

Yó hem gónó tekuy mogot Jisas Krays ne Dwata, yóm Mà tekuy, hol gemduf kuy ne hol temgel nawa ye anì senflós ye mò du yóm hyu, ne senflósen hyu yóm gel mon ye. Tey kbong nawahen tekuy Dwata. Lemwót bè yóm któbóngen tekuy, yó gónón tendo wen kgel nawa tekuy, ne tendo wen yóm tey hendón nefet nawa tekuy.

Sulat Pol Ebè Yó Kem Tau Hemtahu Bè Rom 15:12

Ne bud wen se kun mon yóm sotu tehe tugod Dwata ekni boluyen Isaya, yó monen, “Angat wen semfu gu bè yóm tehe Jisi. Du se yóm angat sut mò mogot yó kem tau là Ju le. Béléen hol gónón mefet nawa le.”

2 Samwél 22:27

Bè yóm tau laen dù belenen, bud hegfanem béléen se yóm kóm klaen dù belen. Okóm bè yó kem tau sidek nmò le, bud sidek se nmoem bélê le.

Kun Snulat Jan 17:19

Hogotu kóm yóm do klowil mò lanu tmóbóng kul, anì hogot le kóm se yóm kul klowil.

Sulat Jim 4:8

Hol ye hloni ebè Dwata anì hloni ebélê ye snéen kun. Yu kem tau mò sidek, kó ye ne yó kem sidek gel nmò ye. Ne yu kem tau hemtedeng knô, hólós ye kmò kehedem ye dé.

1 Pitér 1:3

Hol dóyón tekuy dé Dwata. Du se kun Dwata yóm gónó tekuy mogot Jisas Krays, ne bud Maen snéen. Tódô lemwót bè yóm tey kkodu Dwata tekuy, wen yóm lomi klowil blayen tekuy hlanen bè yóm tehe klowilen ke Jisas Krays gu lem hatay. Ne yó se yóm hendón tekuy yóm klowilen tekuy hulin kdaw snéen.

1 Pitér 1:15

Okóm ni, hol bê ye abay benelen sidek yóm kdê gel nmò ye, abay se là kóen gemsalà yóm Dwata deng mélék kuy. Yó gónóm mon, hol ye heskél béléen yóm klaen salaen.