1 Jan 3:24 - Udél Dwata: Gna Kesfasad ne Lomi Kesfasad

²⁴ Yóm tau ke nimónen yó kem hlau Dwata yó, deng le ssotu Dwata ne, ne tódô nô béléen se Dwata. Ne lemwót bè yóm kun Tulus deng hnóen bélê tekuy, tódô tngón tekuy se yóm deng kessotu tekuy bè Dwata.

1 Jan 3:24 Referans Kwoze

1 Kurin 3:16

Deng tngón ye se yóm lówó tekuy kun gónô Dwata, ne deng nô bélê tekuy se yóm kun Tulus Dwata.

2 Timuti 1:14

Hol ten-gamahem yóm hyu deng sigang Dwata tahem, hlanem bè yóm kun kfasang tmóbóng kóm yóm Tulus Dwata deng nô bélê te.

1 Jan 2:6

Ke mon yóm sotu tau, “Deng me ssotu ne Dwata,” yake hol nulit nmoen sen yóm kun kmò Jisas Krays.

1 Kurin 6:19

Deng hónô tngón ye se nim lówó tekuy hol gónóhen nô yóm Tulus Dwata tehe sù Dwata bélê tekuy, yóm deng blayen tekuy. Là bud tekuy du ne funen yóm lówó tekuy, deng nfun Dwata.

1 Jan 4:7

Hol tekuy gel sbong nawa, kem weu do dumu sogot nawa, yakà bè Dwata du gónón lemwót yóm kesbong nawa. Yóm tau kenbongen nawa yó kem dumuhen, yó se yóm tau deng baling ngà Dwata, ne deng tngónen Dwata.

Kun Snulat Jan 17:21

Hol hnihu béléem anì sensotuhem kehedem le, Mà, yóm kdê le, lómón yóm kut kessotu nawa, ne anì tódô gotu ssotu kehedem tekuy. Duhe kóm, sok ton yó kem tau là hemtahuhen yóm kessotu nawa yó, hentahu le yóm khógówem dou elem benwu.

1 Jan 3:22

Balù kihu hni tekuy béléen, tódô blayen tekuy, abay se gel nimón tekuy yó kem kun hlau, ne gel nmò tekuy yóm gónón hyu nawan bélê tekuy.

2 Kurin 6:16

Ne sotuhen, laen kô dù gónó le segmung yóm kun gónô Dwata ne yó kem dwata kéng. Kaem tekuy se yóm kun gónô gónóhen nô yóm Dwata laen dù tul katayen. Hol lómón yóm tehe mon Dwata ekni, yóm monen, “Angate tendo nô bélê le yó kem dou tau, ne hol lem blóng le gónóhu nô. Ne ou se baling hol kul Dwata, ne lu se baling hol dou tau.”

Kun Snulat Jan 10:38

Okóm ke nmou, yake hentahu ye, baluen ke là hentahu ye du yóm dou udél. Ke hentahu ye yóm gel nmou, kaem dilô ye yóm knô Mà béléu ne yóm knóu bè Mà.”

Kun Snulat Jan 14:17

Duhen yó sem kun Tulus Dwata. Angat toloken kuy yóm hol ktahuhen lemwót bè Dwata. Yóm tau là hemtahuhen, là kô henmóyóen du kun yóm Tulus Dwata, abay se là kô tonen du, ne là se tngónen du. Okóm tngón ye kuy, abay se bélê ye tendo gónón nô, ne là kóen na a skó bélê ye.

1 Tisalunika 4:8

Duhen yó, ke wen tau kembê du nim toloku kuy ni, là kô tolok tau du yóm kenbéen, kaem Dwata yóm bemlay tekuy yóm kun Tulus.

1 Jan 2:3

Wen gónó ye milô du ke tahu yóm deng ketngón ye ke Dwata, duhen ke deng nimón ye yó kem kun hlau.

1 Jan 2:5

Okóm yóm tau gel nimónen yóm kun udél Dwata, hol tahu duhen ne yóm kbong nawahen ke Dwata.

1 Jan 2:24

Duhen yó, hol henlel ye hemsù du bè nawa ye yóm tulón hyu deng gungol ye lemwót bè kbut yóm kehtahu ye. Ke là lanahen bélê ye yóm tulón yó, tódô senflósen ne yóm kessotu ye bè yóm Ngà Dwata lewu le yóm Maen.