1 Jan 3:21 - Udél Dwata: Gna Kesfasad ne Lomi Kesfasad

²¹ Duhen yó, kem weu do dumu sogot nawa, ke deng mkó yóm ksidek kegnóm tekuy du yó, là bud tekuy myak ne bè Dwata.

1 Jan 3:21 Referans Kwoze

1 Jan 2:28

Tahu se, kem ngà, hol henlós ye sen yóm kessotu ye bè Krays anì laen dù gónó tekuy likò sok semfulék edini, ne laen dù gónó tekuy myak béléen snéen bè yóm kdaw kesfuléken yó.

Hibru 4:16

Duhen yó, bê tekuy abay likò hloni ebè Dwata, yóm gónón hol nô yóm tóbóng. Ke hloni tekuy ebéléen, angat ton tekuy yóm tey kkoduhen tekuy ne yóm tey kun któbóng bè ket kehtóbóng tekuy béléen.

2 Kurin 1:12

Sotu gónó me gel hligal, abay se tódô tngón me laen kô dù belenen yóm kmò me ebè kem dumu me tau, hol néen yóm gel kmò me ebélê ye. Laen kô bang buni me bélê ye se, ne tódô tngón Dwata snéen yóm kgotu nawa me ebélê ye. Bè yóm kmò me du nim nmò me ni, là kô tódô salig me du yóm kum ketngón, sal gel snalig me yóm kfasang Dwata tmóbóng kum.

1 Jan 5:14

Ne tey kegléd nawa te du yóm gel kni tekuy bè Dwata, abay se tendo hnungolen yóm kni te ke segtón ebè yóm kun kóyô bélê tekuy.

Kem Lingón 101:2

Hol ten-gamahu yóm klaen dù gónóhu megsanil. Kilón de któbóngem dou? Bè yóm dou gónô nô, hol nmou yóm laen dù kéng du.

1 Jan 4:17

Lemwót bè yóm deng kessotu tekuy bè Dwata yó, là kô tekuy na a likò béléen bè yóm kdaw kkukumen tekuy. Yó se gónó tekuy là likò, abay se deng tekuy gbót ne bè yóm kun kmò Krays bè nim igò tekuy mowil te tonok ni.

Hibru 10:22

Yó gónóm mon, hol tekuy hloni ebè Dwata dé. Hol hewót tekuy lem but blutut tekuy yóm kehloni tekuy yó, mung du yóm hol kehtahu tekuy béléen. Yakà deng hólósen tekuy Jisas, yó gónón deng mkó ta tekuy ne yó kem salà tehe gel hemblat tekuy. Hol lómón ke deng denyohen tu lem yóm tey él tikaw.

1 Kurin 4:4

Bè kehedemu du yóm dou kmò, laen kô dù tngónu ke wen gónóhu là gulit. Okóm bà yó he, là kô tngónu du ke hol gulit ktonen ou yóm gónóhu mogot. Tódô du he yóm angat kmukum dou.

1 Timuti 2:8

Sok ye gel stifun bè simbahan, kóyóu ke logi yóm fen mni, syan ke logi deng hogoten ke Dwata klowilen, ne laen dù tlek lenbuten, ne laen dù gónón seglius bè kem dumuhen.

Sulat Pol Ebè Yó Kem Tau Hemtahu Bè Rom 14:22

Duhen yó, balù kihu kóm kmò kehedem du nim ni, tódô olo ye lewu Dwata temngón du. Tey bong kehligalen yóm tau laen dù gónón megewu nawahen du yóm gel loloen.

Ifisus 3:12

Lemwót bè yóm deng kessotu tekuy bè Krays ne bè yóm kehtahu tekuy béléen, là bud tekuy likò ne hloni ebè Dwata ni kmoen ni, deng tey mgel nawa tekuy du ne yóm któbóngen tekuy.

1 Jan 2:7

Kem weu dou dumu sogot nawa, nim hlau sulatu ebélê ye ni, sundu lomi hlau du. Sana kem hlau labi tenbut tngón ye bè yóm kbut kehtahu ye ke Jisas. Deng tehe gel gungol ye nim hlau labi ni, duhen bè yóm kesbong nawa.

1 Jan 3:2

Ó kem weu dou dumu sogot nawa, deng tekuy baling ngà Dwata ne ni, okóm là deng getnef tekuy du he yóm angat mò kmò tekuy. Okóm deng eles tngón tekuy ne bè yóm kesfulék Krays, gotu tekuy mkél du lemwót bè yóm hol ktatawen bè yóm kton tekuy du.

1 Jan 3:20

Baluen he ke tolo sidek kegnóm tekuy du bè yó kem tehe salà tekuy, tódô tngón tekuy yóm tey kehyuhen yóm Dwata, ne gotu tngónen se kun yóm kdéen.