1 Jan 3:20 - Udél Dwata: Gna Kesfasad ne Lomi Kesfasad

²⁰ Baluen he ke tolo sidek kegnóm tekuy du bè yó kem tehe salà tekuy, tódô tngón tekuy yóm tey kehyuhen yóm Dwata, ne gotu tngónen se kun yóm kdéen.

1 Jan 3:20 Referans Kwoze

Jirimaya 17:10

Okóm ou se yóm sana Dwata hol gónó mogot, ou se gel hemklol du yóm nô lem hendem tau ne gotu tonu yóm nô lem but blututen. Yóm ofol blayu du sal lemwót bè yóm deng kun gel nmò.”

Hibru 4:13

Laen kô dù gebnos bè Dwata. Balù sotu bè yó kem deng dlimunen ke mone tô gebnos béléen, gotu tonen kentihen. Bè soluhen gónó tekuy angat mdà hulin kdaw, ne angat gotu benkas ebéléen kdê yó kem deng nmò tekuy.

1 Kurin 4:4

Bè kehedemu du yóm dou kmò, laen kô dù tngónu ke wen gónóhu là gulit. Okóm bà yó he, là kô tngónu du ke hol gulit ktonen ou yóm gónóhu mogot. Tódô du he yóm angat kmukum dou.

1 Jan 4:4

Okóm yó dum kuy, kem ngà, Dwata se hol mfun kuy, ne deng ye matù bè yó kem tau gel tmolok sekban yó, abay se deng nô bélê ye yóm Tulus Dwata, ne tey bong mfasang senta yóm tulus nô bè yó kem tau là hemtahuhen.

Jirimaya 23:24

Laen kô dù tau gbek hembnos dou,” mon Dwata. “Tódô tfengu longit gónóhu nô ne tódô tfengu tonok.

Job 33:12

Okóm Job, ni wen udélu ebéléem. Salà se yóm monem yó. Deng gel monem se kóm, Dwata se hol geta senta tau.

Kun Snulat Jan 21:17

Bud mon Jisas mò ke Pitér bè getluhen dulék, monen, “Ó Simun, ngà Jan, bong nawahem dou kô?” Tô muni nawa Pitér abay se deng tlu dulék Jisas smólók du. Ne mon Simun se kun, “Tódô gotu tngónem se yóm kdéen, Sér. Tngónem se yóm kbong nawahu kóm.” Bud mon Jisas se, “Sen-gyokem dou sen ubihahu.

Deng Hegfan 2:23

Tódô gotu hnatayu snéen yó kem tau gel lemolò du. Yó gónóhu mò du yóm yó anì tngón kdéen tau hemtahu béléu yóm klaen dù gebnos béléu, gotu tngónu yóm nô lem hendem le ne yóm dê tô hendeen le. Angat blayu kuy yóm mò balà yóm kuy deng gel nmò, yóm ket kuy na sotu.

Kem Lingón 90:8

Gotu suem dyó bè soluhem yó kem salà me. Kdê yó kem salà bnos me, gotu tonem.

Taytus 3:11

Abay se monem deng gesyat. Yóm sidek gel nmoen yó gónón gdilô yóm deng kegesyaten.

Kun Snulat Jan 8:9

Bè yóm kungol le du yóm kbalà Jisas kul yó, tódô le gotu hlana lemwót ket kul na sotu, gna hlana yó kem tuha bélê le. Ngangen tek són Jisas tebel bè yó. Sana kdaen bè yó se yóm libun.

Hibru 6:13

Bè yóm tehe kmò Dwata du yóm fasaden ke Abraham ekni, hlanen bè yóm kun boluy mò hol hemget du, yakem wen se dumu geta sentahen, tek són du.

Kul Nmò 5:33

Timbow gungol le yóm udél le Pitér yó koni yó kem tau mogot kukum, tey sidek kebut le kul, kóyô le ke géhél hfatay le lu.

Sulat Pol Ebè Yó Kem Tau Hemtahu Bè Rom 8:34

Ne laen se dù tau gembek bud tmuled kul. Tek són Krays Jisas, okóm deng mom du yóm fen matay bélê tekuy ne deng bud hlowil Dwata, hyónen bè kwananen. Ne du mò fen blóng tekuy ebéléen nim kmoen ni.

1 Jan 3:19

Bè yóm kbong nawa tekuy kem dumu tau gónó tekuy hol temngón du yóm deng klolò tekuy yóm ktahuhen. Bud bè yó snéen gónó tekuy là myak bè solu Dwata.

1 Jan 3:21

Duhen yó, kem weu do dumu sogot nawa, ke deng mkó yóm ksidek kegnóm tekuy du yó, là bud tekuy myak ne bè Dwata.