1 Jan 3:17 - Udél Dwata: Gna Kesfasad ne Lomi Kesfasad

¹⁷ Ke wen tau bong kun kendengen, ne ke tonen yóm dumun setwoli wen gónón élél, okóm ke là kô dog tnóbóngen du, là bong nawahen ke Dwata.

1 Jan 3:17 Referans Kwoze

Hibru 13:16

Ne bê tekuy abay klifót yóm ktilob kmò tekuy bè kem dumu tekuy tau ne yóm gel kestóbóng tekuy, abay se ni se mò henged dsù gónón hyu nawa Dwata.

1 Jan 4:20

Ke yó mon yóm sotu tau, ke monen, “Bong nawahu ke Dwata dou,” okóm ke tolo knutó nawahen yóm dumuhen hemtahu, odoyen yóm monen yó. Ke là bong nawahen du yóm dumuhen hemtahu yóm hol hyu ton matahen, sélét mom tô kenbongen nawa Dwata ne, yóm là ton matahen du.

Kun Snulat Luk 3:11

Ne yó mon Jan mò kul, “Yóm tau lewu kun kgal, blayen yóm sotuhen bè yóm tau laen dù kun. Ke wen ken yóm sotu tau, hyu ke benlayen yóm laen dù kun.”

Kem Udél Hlalak Tehe Selumun 19:17

Yóm tau knoduhen yó kem tau élél lómón ke hendómen Dwata ne Dwata he hulék du yóm deng blayen.

Sulat Jim 2:15

Ke wen bè yó kem dumu ye deng hemtahu laen dù gónó le ma ken le duhen nes le,

Kem Udél Hlalak Tehe Selumun 28:9

Tey kenlit Dwata yóm tau kmogol yó kem hlauhen ne là kô hnungolen du yóm knihen.

2 Kurin 8:9

Deng tngón ye se yóm alì nawahen tekuy yóm gónó tekuy mogot Jisas Krays. Gloken gemtagak yóm tey kun kendengen bè longit na a baling tau élél te tonok. Yó gónón mò du yóm yó anì baling wen kendengen tekuy mlan béléen.

1 Jan 5:1

Yóm tau ke hentahuhen Jisas yóm Misaya, yóm deng nélék Dwata, du se yóm tau deng baling ngà Dwata. Yóm tau ke bong nawahen ke Dwata, yóm Mà tekuy, kenbongen nawa snéen yó kem dumu tau deng baling ngà Dwata.

Kem Udél Hlalak Tehe Selumun 12:10

Yóm tau tedeng kmoen tilob kesegyoken yó kem ógófen, okóm yóm tau gel mò sidek sidek kógófen.

Kem Udél Hlalak Tehe Selumun 14:31

Yóm tau hen-gnoken yóm tau élél, tnondohen yóm Dwata deng tehe mò du, okóm yóm tau knoduhen yóm tau élél, megdóyón béléen Dwata.

Kem Udél Hlalak Tehe Selumun 21:13

Yóm tau là kenmónen du kehkoduhen béléen yóm tau élél, là se wen kemmón du yóm kun kehkodu.

Sulat Jim 2:16

tedu se gónón e kól du ke olo ye mon du mò kul, “Kodu ye. Hol lesek ye yóm nes mfól anì là tnaw ye, ne hol ye mken.” Tedu se bang nefeten du yóm mon ye yó ke là dog benlay ye kul yóm wen mu le du?