1 Jan 3:14 - Udél Dwata: Gna Kesfasad ne Lomi Kesfasad

¹⁴ Deng tngón tekuy se yóm deng kegewà tekuy gu lem hatay, ne yóm deng kili tekuy ebè yóm klowil laen dù sónen. Yó gónó ye temngón du, abay se bong nawa ye yó kem dumu ye. Okóm yóm tau ke là kenbong nawahen kem dumun, yó se yóm tau tolo golu elem hatay.

1 Jan 3:14 Referans Kwoze

1 Jan 5:2

Ke bong nawa tekuy ke Dwata ne ke gel nimón tekuy yó kem hlauhen, yó se gónón dilô yóm kbong nawa tekuy yó kem tau deng baling ngaen.

Kun Snulat Jan 13:35

Bè yóm kesbong ye nawa, yó se gónó kdéen tau dmilô du yóm klolò ye do.”

1 Tisalunika 4:9

Bong bè yó dum kesbong nawa ye bè yó kem dumu ye deng hemtahu, baluen ke là bud snulatu du bélê ye ne, abay se deng tolok Dwata kuy ne yóm kmò kesbong nawa.

Kun Snulat Jan 5:24

Tódô tulónu kuy ktahuhen,” mon Jisas, “yó se hmungol yóm dou udél, ne hemtahu bè yóm hógów do, deng wen ne kun klowil laen dù sónen. Là angaten megtuled, okóm deng gewà gu lem hatay, ne deng gutahen ne yóm klowil laen dù sónen.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

Matyu 25:40

Angat bnalaen se lu yóm Tau Hol Geta, monen, ‘Tódô tulónu kuy ktahuhen, yó se deng nmò ye bè yó kem dumuhu setwoli alì gdanà, lómón ke béléu gónó ye mò du yóm yó.’

Hibru 13:1

Hol bê ye abay nmò sónen yóm kuy kesbong nawa, yakà deng ye baling setwoli ne lemwót bè kehtahu ye.

Kun Snulat Jan 15:12

Ni hlauhu kuy, hol ye sbong nawa lómón yóm dou kbong nawa kuy.

1 Jan 4:12

Laen kô dù tau deng mton ke Dwata. Okóm ke hol tekuy sbong nawa, yó se gónó tekuy ssotu bè Dwata. Ne yóm kessotu tekuy bè Dwata yó, yó se gónón baling gulit yóm kesbong tekuy nawa.

1 Jan 3:23

Ni sii yóm hlauhen: Hol hentahu tekuy boluy yóm Ngaen, duhen Jisas Krays, ne hol tekuy sbong nawa, lómón se yóm deng hlolò Krays tekuy.

1 Pitér 3:8

Duhen ni, hol sensotu ye nawa ye ne hol ye skodu, ne hol ye sbong nawa ne hen-ganag ye nawa ye. Hol heglaan ye knô ye bè kem dumu ye.

Kulasi 1:4

Yakà deng gungol me yóm kehtahu ye bè Krays Jisas ne yóm kbong nawa ye yó kem kun tau Dwata.

Ifisus 1:15

Duhen yó, lemwót bè yóm deng kungolu du yóm kbegel yóm kehtahu ye bè Jisas, yóm gónó tekuy mogot ne yóm alì kbong nawa ye yóm kdê kun tau Dwata,

1 Jan 5:13

Yu kem tau deng hemtahu bè kun Ngà Dwata, yó gónóhu smulat ebélê ye ni anì hol tngón ye yóm deng eles kwen yóm kuy klowil laen dù sónen.

Kun Snulat Jan 15:17

Duhen ni, wen hlauhu kuy, hol ye sbong nawa.”

1 Jan 2:3

Wen gónó ye milô du ke tahu yóm deng ketngón ye ke Dwata, duhen ke deng nimón ye yó kem kun hlau.

2 Pitér 1:7

Ne bè yóm kgulit ye yó, hol bud hmung ye du yóm kbong nawa ye kem dumu ye hemtahu. Ne bè yóm kbong nawa ye kem dumu ye hemtahu, hol homong ye yóm kdéen tau.

Ifisus 2:5

Igò tekuy sem deng golu elem hatay lemwót bè yóm là kimón tekuy, gloken tódô bud hlowil tekuy ebè yóm klowil laen dù tul sónen, homongen tekuy bè yóm tehe le kehlowilen ke Krays gu lem hatay. Tódô lemwót bè yóm kun tóbóng Dwata yóm kehewaen tekuy yó.

2 Kurin 5:1

Nim lówó tekuy ni, hol lómón ke slung. Ke deng bangen gbà nim slung ni, eles tngón tekuy se angat wen tahu gónó tles Dwata du ditu bè longit, yóm gónó kun nmò Dwata, yóm laen dù tul sónen.

Kem Lingón 16:3

Tey gulit nmò le yó kem tau teneb le bè kehtahu le. Tey hyu nawahu ke nóe lem blóng le.

Ifisus 2:1

Yóm tehe yu ekni, lemwót bè yóm là kimón ye ke Dwata ne bè yóm kwen sidek gel nmò ye, yó se gónó ye deng golu elem hatay laen dù sónen.

Glasya 5:22

Okóm ke tendo tekuy halak bè Tulus Dwata, wen bunguhen. Yó bunguhen, duhen yóm kesbong nawa, ne yóm kligal, ne yóm kenek nawa, ne yóm kanay nawa, ne yóm kganag nawa, ne yóm kehyu kmò, ne yóm kteneb nawa,

Kun Snulat Luk 15:32

Bê tekuy tô là hligal, abay se yóm twolihem, lómón ke deng matay, okóm deng bud mowil. Deng tehe hlana, okóm deng bud hton.’ ”

Kun Snulat Luk 15:24

Abay se nim ngau ni, lómón ke deng matay, okóm deng bud mowil. Deng tehe hlana, okóm deng bud hton.’ Ne tahu se, nbut le bè yó ne hligal.

Kem Udél Hlalak Tehe Selumun 21:16

Yóm tau senyaten yóm lan ebè yóm khulung hedem mahil knóen bè kul gónó nô yó kem matay.

Kun Snulat Luk 7:5

Ngem yóm tey kbong nawahen tekuy kem Ju, gloken hefdà gónó me gel stifun bélê me.”