1 Jan 3:13 - Udél Dwata: Gna Kesfasad ne Lomi Kesfasad

¹³ Yó gónóm mon, kem dumuhu setwoli, bê ye hentaw ke knutó nawa le yu yó kem tau là hemtahuhen.

1 Jan 3:13 Referans Kwoze

Kun Snulat Jan 17:14

Deng gotu toloku kul, Mà, yóm kóm udél. Ne deng mom knutó nawa le lu yó kem tau là hemtahuhen, abay se là bud nmung le du yóm kul kehedem, lómón yóm dou là kmung du.

Kun Snulat Luk 21:17

Angat tey dê kmutó nawa kuy lemwót bè yóm klolò ye do.

Sulat Jim 4:4

Tey tau mili nawa yóm yu. Là tngón ye du kô, ke són nô bè nawa tau yóm kenbeyen nawa talak tonok, deng baling hohon Dwata ne? Ke són yó se nóyóen, mom hnohonen Dwata.

2 Timuti 3:12

Ke wen tau hol sen-galuhen kguliten lanen mimón ke Krays Jisas, wen gónón glayam bè yó kem dumu tau là hemtahuhen.

Mark 13:13

Angat tey dê tau kmutó nawa kuy lemwót bè yóm klolò ye do,” mon Jisas. “Okóm yóm tau gbeken hembala du yó kem gónón glayam efet kól bè hol sónen, du se gmuta du yóm klowil laen dù sónen.”

Sulat Pol Ebè Yó Kem Tau Hemtahu Bè Rom 8:7

Yóm tau són ktesen kun knóyô, hnohonen Dwata, abay se là kô nimónen du yóm kun hlau Dwata. Bè ktahuhen, là kô gbeken mimón du.

Kun Snulat Jan 16:33

Yó gónóhu eles tmulón du kuy ni kem ni anì lemwót bè yóm kessotu tekuy gónón wen kenek nawa ye. Angat tey wen gónó ye glayam lemwót bè yó kem tau là hemtahuhen,” mon Jisas, “okóm bê ye abay hlikò, abay se denge matù bélê le.”

Kun Snulat Jan 7:7

Là kô knutó nawa le kuy yó kem tau lem benwu. Ou se yóm knutó nawa le, abay se tódô gel benkasu bélê le yóm sidek gel nmò le.

Kun Snulat Luk 6:22

Tey kehyuhen bélê ye ke gel knutó nawa le yu yó kem tau lan ye lemolò yóm Ngà Tau. Mom hyu nawa ye he ke kenbê le yu, ne ke gel hennê le yu, ne ke gel sidek kestulón le kuy.

Matyu 24:9

Ne angat tey dê tau bè klamangen benwu kmutó nawa kuy lemwót bè yóm klolò ye do. Tódô kenfô le yu, ne tey kehsidek le kuy, ne hnatay le yu.

Matyu 10:22

Angat tey dê tau kmutó nawa kuy lemwót bè yóm klolò ye do. Okóm yóm tau ke gbeken hembala du yó kem gónóhen glayam efet kól bè hol sónen, du se gmuta du yóm klowil laen dù tul sónen.

Kul Nmò 3:12

Timbow ton Pitér yó kem tey tau sguku ebélê le yó, ominen mon du mò kul, “Ó kem dumuhu tau Israél, moen de ke alì hentaw ye yóm deng kgógów nim tau tehe kihod ni? Mò ye alì hemtaw temngel kum du? Ilóem ofo kuy kô ke lemwót bè kum kegbek yóm kmò me du nim ni, duhen ke lemwót bè kum kehyu kmò? Là kô yó du.

Kun Snulat Jan 16:2

Angat là bud hmung le kuy bè yó kem gónó ye gel stifun. Angat wen kdaw le hmatay kuy yó kem tau. Ofo kul mò du yóm yó, ke yó yóm hyu bè Dwata.

Kun Snulat Jan 3:7

Béem mom hentaw yóm kmonu du mò kóm, na ye bud hlomi sut yóm kdê ye.

Deng Hegfan 17:7

Okóm mon yóm hógów Dwata mò do, monen, “Moen ke alì hentawem? Tulónu kóm hnigaden nim libun ni ne yóm ógóf lóbô snakayen, yóm wen hitu kuluhen ne sfolò hangahen.

Kem Udél Hlalak Tehe Selumun 29:27

Yóm tau tedeng kmoen kenliten yóm tau gel mò sidek senged se yóm tau gel mò sidek bud kenliten yóm tau tedeng kmoen.