1 Jan 3:11 - Udél Dwata: Gna Kesfasad ne Lomi Kesfasad

¹¹ Deng hónô gungol ye lemwót bè kbut kehtahu ye, yóm monen, Hol tekuy sbong nawa.

1 Jan 3:11 Referans Kwoze

Kun Snulat Jan 15:12

Ni hlauhu kuy, hol ye sbong nawa lómón yóm dou kbong nawa kuy.

2 Jan 1:5

Duhen yó, Lenibun, yó nóyô nawahu bélê ye ke hol tekuy sbong nawa. Sundu hlau lomi du nim hlolou kuy ni, okóm sana kem hlau labi deng hónô gungol tekuy lemwót bè kbut yóm kehtahu tekuy.

1 Jan 4:7

Hol tekuy gel sbong nawa, kem weu do dumu sogot nawa, yakà bè Dwata du gónón lemwót yóm kesbong nawa. Yóm tau kenbongen nawa yó kem dumuhen, yó se yóm tau deng baling ngà Dwata, ne deng tngónen Dwata.

1 Jan 4:21

Ni sii yóm hlau lemwót bè Krays, monen, “Ke bong nawahen ke Dwata yóm tau, hol kenbongen nawa dumun tau snéen.”

1 Pitér 4:8

Yó bong muhen bè kdéen, hol ye sbong nawa. Ke sbong nawa ye botong gbek ye tódô hmifót du yóm dê gemsalà bélê ye.

1 Pitér 3:8

Duhen ni, hol sensotu ye nawa ye ne hol ye skodu, ne hol ye sbong nawa ne hen-ganag ye nawa ye. Hol heglaan ye knô ye bè kem dumu ye.

Ifisus 5:2

Yóm gel kmò ye bè kem dumu ye, hol hewót ye bè yóm kesbong nawa. Henkna ye bè Krays dé bè yóm kbong nawahen tekuy. Gloken tódô hamà yóm kun klowil bélê tekuy mò dsuen ebè Dwata. Yóm dsuen yó, hol lómón ke yóm boo alì minggel mbel ebè Dwata, ne tey gsengel nawahen du.

1 Jan 1:5

Ni sii yóm deng tehe gel gungol me tulón Jisas, yóm Ngà Dwata, ne ni se yóm bud heglalag me bélê ye: Lómó kmoen kun yóm Dwata, lómón ke yóm layag, ne laen kô bang bolen kifu bè yóm layag monu yó, bà udì.

1 Tisalunika 4:9

Bong bè yó dum kesbong nawa ye bè yó kem dumu ye deng hemtahu, baluen ke là bud snulatu du bélê ye ne, abay se deng tolok Dwata kuy ne yóm kmò kesbong nawa.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

1 Timuti 1:5

Yó hol muhen nim hlolou kóm ni anì wen yóm kesbong le nawa lemwót bè yóm klaen dù belenen yóm nawa le, ne yóm klaen dù blóng le ebè Dwata, ne hol tahu duhen yóm kehtahu le.

Glasya 6:2

Hol tnóbóng ye kem dumu ye ke wen alì blat bélê le se kul. Ke yó se nmò ye, deng glolò ye ne yóm kun hlau Krays.

Kun Snulat Jan 13:4

Ominen mdà, kóhen yóm lafin nesen, nan e ma kayab, ne beden bè ówóken.

1 Jan 4:11

Ke lómón ni se yóm kbong nawa Dwata tekuy, kem weu do dumu sogot nawa, yake hol tekuy sbong nawa sen.