1 Jan 3:1 - Udél Dwata: Gna Kesfasad ne Lomi Kesfasad

¹ Laen bang gónóhu e hmingón du yóm kun alì kbong nawa tekuy yóm Mà tekuy bè longit, botong tnabahen tekuy kem ngaen ne tahu se yóm deng kngaen tekuy yó. Yó gónó le là sfulung ebélê tekuy yó kem tau là hemtahuhen lem nim benwu ni, abay se là deng tngón le ke Dwata.

1 Jan 3:1 Referans Kwoze

Kun Snulat Jan 1:12

Okóm kdê yó kem tau hemmóyô du, ne hemtahu béléen tódô benlayen lu kwalis baling ngà Dwata.

Glasya 3:26

Lemwót bè yóm kehtahu ye, deng ye gotu baling ngà Dwata ne, ne deng ye ssotu bè Krays Jisas.

2 Kurin 6:18

Ou se baling Mà ye, ne yu baling kem dou ngà. Ni se udél yóm gónó tekuy mogot yóm laen dù là gbeken du.”

Kun Snulat Jan 17:25

Tek sónen uu, Mà, yóm hol tedeng knawahen. Là deng tngón le kóm he yó kem tau là hemtahuhen, okóm tngónu uu dou. Ne ni kem tau deng blayem do ni, deng tngón le ne kul yóm khógówem do.

Kun Snulat Jan 3:16

Tey alì kbong nawa Dwata kul yó kem tau bè klamangen benwu, gloken tódô hamà klowil yóm Ngaen tek sotu, anì yó, kihu tau hemtahu béléen là gógówen elem hatay, okóm gutahen yóm klowil laen dù sónen.

Deng Hegfan 21:7

Yóm tau gel matù bè yó kem sidek gel sut, ou se baling kun Dwata, ne du se baling dou ngà.

Sulat Pol Ebè Yó Kem Tau Hemtahu Bè Rom 5:8

Okóm ke Dwata kun, deng hegfanen yóm tey kbong nawahen tekuy bè yóm tehe le khógówen ke Krays edini, mò fen matay bélê tekuy igò tekuy tolo gemsalà.

Glasya 3:29

Ke deng nfunen yu Krays, henged ye deng semfu gu bè Abraham ne, ne wen se kuy du yóm tehe fasad Dwata du ekni.

Sulat Pol Ebè Yó Kem Tau Hemtahu Bè Rom 8:32

Ke là nalihen du yóm hol tek sotu Ngaen, tódô hamaen klowilen bélê tekuy, sélét mom yó ne là blayen du tekuy yóm kdê deng tehe fasaden tekuy.

Kun Snulat Jan 16:3

Yó gónó le angat mò du bélê ye ni kem ni, abay se là tngón le ke Mà, ne là tngón le do snéen.

Kulasi 3:3

Abay se hol lómón ke deng tekuy gomong matay bè yóm tehe katay Krays, ne wen lomi klowil tekuy là dengen gfan he nô ditu bè Krays, bè hol gónóhen nô Dwata.

2 Samwél 7:19

Ne ni, Dwata yóm Dwata hol dandónen geta, deng mom bud tennuem he ni kem deng nmoem béléu ni, duhen yóm kwen fasadem do gbak ebè yó kem semfu gu béléu elem hulin kdaw. Ó Dwata, deng duhen ni kô yóm kóm gel kmò ebè tau?

Sulat Pol Ebè Yó Kem Tau Hemtahu Bè Rom 8:21

Yó nangat le, duhen yóm angat kehyu le hulin kdaw anì là bud le matay, ne anì gomong le bè yóm tey klowil hyu angat blay Dwata bè yó kem ngaen.

Jirimaya 3:19

Yó tehe nô bè nawahu,” mon Dwata, “yóm kmou bélê ye, lómón ke hol ngau yu. Kóyóu ke blayu kuy yóm hol tonok hyu, tonok hol knóón nfun bè klamangen benwu. Kóyóu ke taba ye dou ‘Mà’ ne là knogol ye dou.

Kem Lingón 31:19

Tey bong, Dwata, yóm alì kehyuhem. Tey kbasahem kul yó kem tau wen klikò le kóm. Deng tey bong gendengem bè yó kem tau hofin béléem igò le temngel yó kem tau bè klamangen benwu.

Husiya 1:10

Okóm angat kól yóm kdawen bè yó kem tau Israél yó, angat tey kwen le lómón helek bè kilil mohin, là gbekem msó kul. Ominen bè yóm benwu tehe gónó Dwata mon du mò kul, ‘Là do tau du,’ bud bè yó se angat gónó Dwata mon du mò kul, ‘Yu se hol kun ngà yóm Dwata laen tul katayen.’

Kun Snulat Luk 20:36

Angat le mkél bè yó kem gel hógów Dwata nô bè longit, abay se là bud le matay. Deng le gotu baling ngà Dwata lemwót bè yóm deng klowil Dwata kul.

Kun Snulat Jan 11:52

Okóm là són du bè kem Ju yóm gónó Jisas matay. Bud angat gotu sensotuhen lu snéen yóm kdéen tau Dwata deng sekla.

Kun Snulat Jan 15:21

Angat hensidek le yu lemwót bè yóm klolò ye do, abay se là tngón le du yóm hógów dou.

Sulat Pol Ebè Yó Kem Tau Hemtahu Bè Rom 8:19

Tódô kdê yó kem deng dlimun Dwata, tey kessangat le du se kul yóm kdaw angat kehegfan Dwata du yóm deng kngaen tekuy.

1 Jan 3:2

Ó kem weu dou dumu sogot nawa, deng tekuy baling ngà Dwata ne ni, okóm là deng getnef tekuy du he yóm angat mò kmò tekuy. Okóm deng eles tngón tekuy ne bè yóm kesfulék Krays, gotu tekuy mkél du lemwót bè yóm hol ktatawen bè yóm kton tekuy du.

1 Jan 3:10

Ni se hol gónó le stólóng yó kem ngà Dwata bè yó kem ngà Seitan: Yóm tau ke là nmoen du yóm tedeng ne ke là kenbong nawahen kem dumuhen, sundu ngà Dwata du yóm tau yó.

1 Jan 4:17

Lemwót bè yóm deng kessotu tekuy bè Dwata yó, là kô tekuy na a likò béléen bè yóm kdaw kkukumen tekuy. Yó se gónó tekuy là likò, abay se deng tekuy gbót ne bè yóm kun kmò Krays bè nim igò tekuy mowil te tonok ni.