1 Jan 2:8 - Udél Dwata: Gna Kesfasad ne Lomi Kesfasad

⁸ Bede boluy tô duónen là lomi du nim hlau ni? Yó se gónón lomi bélê ye, abay se deng ton ye ktahuhen lemwót bè yóm kimón Krays du, ne lemwót bè yóm deng kimón ye se kuy minut mkó ne yóm kifu ne deng nbuten se gfan yóm tahu layag.

1 Jan 2:8 Referans Kwoze

Ifisus 5:8

Tehe yu ekni, deng gel nmò ye snéen kuy ni kem sidek ni, hol lómón ke tehe ye nô lem gónón kmifu. Okóm ni ne, deng ye baling kun tau yóm gónó tekuy mogot, lómón ke deng ye nô lem yóm gónón lemayag. Yó gónóm mon, nmò ye sen yóm nmò knóón bè yóm tau nô lem layag.

Sulat Pol Ebè Yó Kem Tau Hemtahu Bè Rom 13:12

Ke hlingónu du, hol lómón ke móyónen mwas ne. Yó gónóm mon, hol kó tekuy ne yó kem sidek gel nmò tau lem gónón kmifu, tles nmò tekuy yóm hyu. Yóm hyu, hol lómón ke ngom sfatay eles nwit tekuy lem gónón lemayag.

Kun Snulat Jan 13:34

Ne ni,” monen, “wen lomi hlauhu kuy. Yó hlauhu kuy, hol ye sbong nawa. Lómón yóm dou kbong nawa kuy, bud lómón yó se yóm kuy kesbong nawa.

Kun Snulat Jan 8:12

Ne yó bud udél Jisas ebè yó kem Farisi, monen, “Ou se yóm layag kól lem benwu. Yó se tau lemolò do, là kóen bud gógów elem kifu ne, okóm wen layag mò htonen lanen gmuta yóm klowil laen dù tul sónen.”

Kun Snulat Jan 1:9

Yóm layag tulónen yó, yó se yóm hol tahu layag gdek lem benwu mò hlayag kdéen tau te tonok.

Kun Snulat Jan 12:46

Yóm kógówu elem benwu,” mon Jisas, “hol lómón ke layag sut bélê ye. Yó se tau hemtahu béléu, là kóen hlós knóen lem kifu.

1 Jan 4:21

Ni sii yóm hlau lemwót bè Krays, monen, “Ke bong nawahen ke Dwata yóm tau, hol kenbongen nawa dumun tau snéen.”

Malakay 4:2

Okóm bélê ye kuy kem tau wen klikò ye do, wen gónóhu tmóbóng kuy. Angat nwitu elem blóng ye yóm kukum tedeng. Yó angat kmoen bélê ye, lómón ke kdaw mnóng ebélê ye mò hkó des ye. Angat ye hligal abay se laen dù bud gónó ye gfét, lómó kligal ye lómón yóm ngà safì laen dù bud féten, hligal mlóy ne hkak.

1 Jan 4:11

Ke lómón ni se yóm kbong nawa Dwata tekuy, kem weu do dumu sogot nawa, yake hol tekuy sbong nawa sen.

2 Timuti 1:10

Okóm ni deng hegfanen ne yóm któbóngen kut bè yóm tehe ksut Krays Jisas lem nim benwu ni, yóm deng lemwà kut gu lem hatay. Deng nmò Krays sónen yóm hatay, ne hlanen bè yóm Tulón Hyu gónón hegfan du yóm kwen klowil laen dù sónen.

2 Kurin 8:9

Deng tngón ye se yóm alì nawahen tekuy yóm gónó tekuy mogot Jisas Krays. Gloken gemtagak yóm tey kun kendengen bè longit na a baling tau élél te tonok. Yó gónón mò du yóm yó anì baling wen kendengen tekuy mlan béléen.

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

Kul Nmò 17:30

Tehe yu ekni,” mon Pol, “là snolò Dwata du yó kem sidek nmò tau bè yóm klawi le là setngón ebéléen. Okóm nim kmoen ni, deng hnauhen yóm kdéen tau bè klamangen benwu anì hol knogol le yó kem sidek gel nmò le.

Kun Snulat Luk 1:79

Angat heknasen yóm kifu lem blóng tekuy anì là hlós yóm kgolu tekuy elem hatay. Du semgalak tekuy bè yóm lan mò gónón hlós menek nawa kuy.”

Kem Lingón 36:9

Uu se gónón tembul yóm kdéen mowil. Lemwót bè layagem, Dwata, gónó me lemwót mton.

Kem Lingón 27:1

Dwata se henged layagu, ne du se lemwà dou. Yó gónóm mon, laen dù bang knikou. Tendo kenlungen ou bè yó kem gfà, yó gónóhu là bud likò.

Kun Snulat Jan 12:35

Bnalà Jisas lu, bede hningónen, monen, “Là buden legen ne knóen lem blóng ye yóm layag. Tnana ye hloni edu, kô gafiten yu kifu. Yóm tau mógów lem kifu, là kô tonen du gónón e solu.

Matyu 4:16

Hol lómón ke tau le nô lem gónón kmifu, okóm angat wen tey layag ton le. Deng le golu elem hatay, okóm angat hlayagen ebélê le yóm layag yó.”

Isaya 9:2

Yó kem tau tehe nô bè yóm gónón kmifu, wen tey layag deng ton le. Tehe le nô bè yóm benwu eles gnolung hatay, okóm ni deng wen layag mnóng ebélê le.

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

1 Pitér 1:21

Mlan bè Krays yóm gónó tekuy hemtahu bè Dwata, yóm Dwata tehe hlowil du gu lem hatay, ne tey kehegetahen du. Yó gónón alì mbegel yóm kehtahu tekuy bè Dwata ne yóm hendón tekuy béléen.

1 Jan 3:23

Ni sii yóm hlauhen: Hol hentahu tekuy boluy yóm Ngaen, duhen Jisas Krays, ne hol tekuy sbong nawa, lómón se yóm deng hlolò Krays tekuy.