1 Jan 2:5 - Udél Dwata: Gna Kesfasad ne Lomi Kesfasad

⁵ Okóm yóm tau gel nimónen yóm kun udél Dwata, hol tahu duhen ne yóm kbong nawahen ke Dwata.

1 Jan 2:5 Referans Kwoze

Kun Snulat Jan 14:23

Bnalà Jisas, monen, “Yó se tau kembong nawa dou, nimónen yóm dou tolok. Tey angat kbong nawa Mà du snéen kun, ne angat me tódô setnù béléen lewu me Mà.

Kun Snulat Jan 14:21

Yó se tau hemmóyô du yóm dou hlau ne mimón du, yó se yóm tau kembong nawa do. Ne angat kenbong nawa Mà snéen kun yóm tau kembong nawa do yó. Tey kbong nawahu du snéen dou, ne angate hegfan béléen.”

Kun Snulat Luk 11:28

Okóm yó mom balà Jisas du, monen, “Milud he kehligalen yóm tau ke hnungolen yóm udél Dwata, ne nimónen.”

1 Jan 3:24

Yóm tau ke nimónen yó kem hlau Dwata yó, deng le ssotu Dwata ne, ne tódô nô béléen se Dwata. Ne lemwót bè yóm kun Tulus deng hnóen bélê tekuy, tódô tngón tekuy se yóm deng kessotu tekuy bè Dwata.

Kem Lingón 119:2

Hligal le kul yó kem tau mimón du yó kem hlolò Dwata kul, ne hol lemwót lem but blutut le yóm kebel le ke Dwata.

Deng Hegfan 14:12

Yó gónóm mon, yake hol le hfulung hbala yó kem tau Dwata. Lu se yó kem tau mimón du yó kem kun hlau Dwata, ne teneb le bè Jisas.

1 Jan 5:2

Ke bong nawa tekuy ke Dwata ne ke gel nimón tekuy yó kem hlauhen, yó se gónón dilô yóm kbong nawa tekuy yó kem tau deng baling ngaen.

Kun Snulat Jan 15:5

Ou se yóm hulu lemfà ne yu hangahen. Yó se tau henek béléu, heneke se béléen do, ne angat tey kbunguhen. Okóm ke là henek ye béléu, laen kô dù gmò ye.

Isikél 36:27

Suu bélê ye yóm dou tulus anì nimón ye yó kem dou hlau kuy ne anì wen ketgama ye mò du yóm dou hlolò kuy.

1 Jan 4:18

Laen dù bud knikò tekuy ne lemwót bè yóm kbong nawahen tekuy Dwata. Yóm nawahen tekuy yó, tódô ket du, ne gbeken mkó du bélê tekuy yóm klikò tekuy. Okóm yóm tau gel likò, là deng hentahuhen du he kun yóm kbong nawa Dwata du. Yó gónón likò, abay se nangaten yóm ktafak Dwata du.

Kem Lingón 119:146

Htóbónge béléem, lenwaem o, anì gbeku mimón du yó kem hloloem kum.

2 Kurin 5:17

Ke deng ssotu bè Krays yóm tau, baling lomi ne kehedemen. Kdê yó kem tehe gna kehedemen tódô gotu lana, ne hono lomi ne bud tlesen du.

Deng Hegfan 12:17

Mom temnù kebuten yóm libun yóm swaga yó. Yó nmoen, tódô nan e nwit sgida yó kem tau semfu gu bè yóm libun yó, duhen yó kem tau deng mimón yóm kun hlau Dwata, ne là kóen monol nawa le bè yóm ktahuhen tehe tolok Jisas.

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

Sulat Pol Ebè Yó Kem Tau Hemtahu Bè Rom 8:1

Yó gónóm mon, laen kô bud tafak Dwata kul ne yó kem tau deng ssotu bè Krays Jisas.

Sulat Jim 2:22

Tódô dilô tekuy bè yóm nmoen yó yóm tey kehtahuhen. Lemwót bè yóm kimónen ke Dwata gónón baling gulit kehtahuhen.

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

Kun Snulat Jan 6:56

Yó se tau mken yóm dou lówó ne minum yóm dou litô, senflósen nô béléu, ne senflósu se nô béléen.

Kem Lingón 106:3

Hligal le kul yó kem tau ke tedeng nmò le bè kem dumu le, ne ke tendo nmò le yóm hyu.

Kem Udél Hlalak Tehe Selumun 8:32

Duhen ni kem ngà, hol hnungol ye o. Wen kligalen yóm tau mimón do.

Kem Lingón 119:4

Deng wen hmoem kum, Dwata, duhen yóm hol kimón me yó kem hlauhem kum.

Kem Udél Hlalak Tehe Selumun 28:7

Yóm logi nimónen yó kem hlau Dwata du se yóm logi hulung hedem, okóm yóm logi dnumuhen yó kem tau gel mò sidek henyaken maen.

Kem Lingón 105:45

Yó gónón mò du bè yó kem tau néléken yóm yó, anì nimón le yóm kun hlau kul ne yóm kun hlolò kul. Hol tendo dóyón tekuy dé Dwata.

1 Jan 4:17

Lemwót bè yóm deng kessotu tekuy bè Dwata yó, là kô tekuy na a likò béléen bè yóm kdaw kkukumen tekuy. Yó se gónó tekuy là likò, abay se deng tekuy gbót ne bè yóm kun kmò Krays bè nim igò tekuy mowil te tonok ni.

2 Jan 1:6

Ke sbong tekuy nawa, gotu nimón tekuy sen yó kem kun hlau Dwata. Nim hlauhen tekuy ni, deng tenbut gungol tekuy lemwót bè kbut yóm kehtahu tekuy, duhen yóm hol kesbong tekuy nawa.