1 Jan 2:3 - Udél Dwata: Gna Kesfasad ne Lomi Kesfasad

³ Wen gónó ye milô du ke tahu yóm deng ketngón ye ke Dwata, duhen ke deng nimón ye yó kem kun hlau.

1 Jan 2:3 Referans Kwoze

Kun Snulat Jan 14:15

“Ke kenbong nawa ye o,” mon Jisas, “nimón ye sen yó kem dou hlau.

Kun Snulat Jan 15:10

Ke nimón ye yóm dou hlau, yó se gónó ye henek bè yóm kbong nawahu kuy. Lómón yóm kimónu yóm hlau Mà, ne kheneku bè yóm kbong nawahen do.

1 Jan 5:3

Yó gónón gdilô yóm kbong nawa tekuy ke Dwata ke hol nimón tekuy yóm kun hlau. Yó kem hlauhen yó, là katen mgel,

Kun Snulat Luk 6:46

Ne sotu bud tulón Jisas kul, monen, “Moen de ke gel mon ye ou yóm gónó ye mogot okóm là kô gel nimón ye do?

Kun Snulat Jan 15:14

Weu yu ke nimón ye yóm hlauhu kuy.

1 Jan 4:13

Deng hol tngón tekuy se yóm deng kessotu tekuy bè Dwata, abay se deng suen bélê tekuy yóm kun Tulus.

Hibru 5:9

Tikóng deng gotu nmoen yóm hmò Maen du, yó gónó Dwata hlan du tahen yóm kegewà tekuy gu lem hatay. Kdéen tau mimón du, gotu blayen kul yóm klowil laen dù sónen.

Kem Lingón 119:32

Ke tnóbóngem ou, hotuhu gelu lemolò du yó kem hlauhem,

1 Jan 3:19

Bè yóm kbong nawa tekuy kem dumu tau gónó tekuy hol temngón du yóm deng klolò tekuy yóm ktahuhen. Bud bè yó snéen gónó tekuy là myak bè solu Dwata.

Kun Snulat Jan 17:3

Ni se hol lanen yóm klowil laen dù sónen monu yó, duhen yóm deng ketngón le kóm, yóm tahu Dwata, ne yóm deng ketngón le dou, Jisas Krays, yóm deng hógówem elem benwu.

1 Jan 5:19

Deng tngón tekuy ne yóm kfun Dwata tekuy. Yó kem dumu tau nô lem benwu, hono kem kun tau nogot Seitan.

1 Jan 3:14

Deng tngón tekuy se yóm deng kegewà tekuy gu lem hatay, ne yóm deng kili tekuy ebè yóm klowil laen dù sónen. Yó gónó ye temngón du, abay se bong nawa ye yó kem dumu ye. Okóm yóm tau ke là kenbong nawahen kem dumun, yó se yóm tau tolo golu elem hatay.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

Deng Hegfan 22:14

Bong kehligal le kul yó kem tau deng eles nfuk le yó kem nes le efet deng mólós anì wen kwalis le ghusek bè bak tikeb yóm syudad yó, ne wen kwalis le snéen mken du yóm bungu yóm koyu hlowil tau.

Isaya 53:11

Kogol yóm alì keglayamen bè yóm klowilen te tonok, angat bud mulék ebéléen yóm tey kligalen. Ne tódô tngónen là kóen gamà hkawang yóm tehe keglayamen, wen uléken. Tey gulit yóm tóbóng lówóhu ne tey kehyu nawahu béléen. Fen nbóen yóm kegtafak tau. Lemwót bè yóm nmoen, yó se mò lanu hmifót salà.

Kem Lingón 119:6

Ke gotu nimónu yóm kdê hlauhem kum, laen kô dù gónów myak.

1 Jan 2:13

Ne smulate ebélê ye snéen yu kem mà, abay se deng tngón ye Krays se kuy, yóm sana mowil tenbut bè kbuten. Ne smulate ebélê ye snéen kuy, yu kem hanà lomi lemnok, abay se deng ye matù ne bè Seitan.

1 Jan 3:6

Yó gónóm mon, ke deng ssotu bè Krays yóm tau, là kô senflósen du mò du yóm salà. Yóm tau senflósen mò salà, là dengen hemtahu he, là kô tngónen ke Krays.

1 Jan 4:7

Hol tekuy gel sbong nawa, kem weu do dumu sogot nawa, yakà bè Dwata du gónón lemwót yóm kesbong nawa. Yóm tau kenbongen nawa yó kem dumuhen, yó se yóm tau deng baling ngà Dwata, ne deng tngónen Dwata.

1 Jan 5:2

Ke bong nawa tekuy ke Dwata ne ke gel nimón tekuy yó kem hlauhen, yó se gónón dilô yóm kbong nawa tekuy yó kem tau deng baling ngaen.

Deng Hegfan 12:17

Mom temnù kebuten yóm libun yóm swaga yó. Yó nmoen, tódô nan e nwit sgida yó kem tau semfu gu bè yóm libun yó, duhen yó kem tau deng mimón yóm kun hlau Dwata, ne là kóen monol nawa le bè yóm ktahuhen tehe tolok Jisas.

Deng Hegfan 14:12

Yó gónóm mon, yake hol le hfulung hbala yó kem tau Dwata. Lu se yó kem tau mimón du yó kem kun hlau Dwata, ne teneb le bè Jisas.