1 Jan 2:29 - Udél Dwata: Gna Kesfasad ne Lomi Kesfasad

²⁹ Lemwót bè yóm ketngón ye du tey tedeng yóm Krays, bud tngón ye snéen ke tedeng kmoen yóm tau, du se yóm tau deng tahu ngà Dwata.

1 Jan 2:29 Referans Kwoze

1 Jan 3:7

Bê ye hegsukat bè kem dumu tau, kem ngà. Ke tedeng nmò yóm tau, yó se yóm tau deng tedeng kmoen, hol mkél bè yóm kun ktedeng kmò Krays.

1 Jan 5:1

Yóm tau ke hentahuhen Jisas yóm Misaya, yóm deng nélék Dwata, du se yóm tau deng baling ngà Dwata. Yóm tau ke bong nawahen ke Dwata, yóm Mà tekuy, kenbongen nawa snéen yó kem dumu tau deng baling ngà Dwata.

Kun Snulat Jan 1:13

Yóm kbaling le ngà Dwata yó, là mlanen bè yó dum kngà tau te tonok, duhen ke lemwót bè knóyô lówó tau. Okóm tódô lemwót bè yóm kun kmò du Dwata yóm kehbalingen kul kun ngà.

1 Jan 4:7

Hol tekuy gel sbong nawa, kem weu do dumu sogot nawa, yakà bè Dwata du gónón lemwót yóm kesbong nawa. Yóm tau kenbongen nawa yó kem dumuhen, yó se yóm tau deng baling ngà Dwata, ne deng tngónen Dwata.

1 Pitér 3:18

Yakà dengen tehe matay Krays lanen fen mayad salà, ne là kô bud sneefen du ne yóm yó. Deng mom fen matay yóm tau hol hyu kmoen mò leyu lówó tekuy kem tau gemsalà anì wen lanen mit tekuy ebè Dwata. Ghatay le lówóhen, okóm là yó dum lóyófen, tódô hlós mowil.

Sulat Jim 1:18

Deng tódô lemwót bè kun kóyô yóm kehbalingen tekuy kem kun ngà mlan bè kdilô tekuy du yóm ktahu yóm kun udél. Henbalingen tekuy kem ngaen anì lemyu tekuy senta yó kem dumu tehe dlimunen.

1 Jan 5:4

abay se ke deng tekuy baling ngà Dwata, gbek tekuy matù bè yó kem sidek lem nim benwu ni. Yó gónó tekuy matù lan tekuy deng hemtahu.

Kul Nmò 10:35

Balù kihu tau, ke wen klikoen ke Dwata, ne ke hol nmoen yóm hyu bè Dwata, là kô knogol Dwata du se kun, nô kihu se kun gónó gu mbut.

2 Pitér 1:4

Ni se gónón dohò yóm tehe fasaden tekuy, duhen yóm kun tóbóng alì hyu. Ne lemwót bè yóm kun tóbóng yó, gónó tekuy gewà du yó kem dê sidek knóyô tau te tonok, yóm gbeken hemsidek ktau tekuy. Ne bud lemwót bè kun tóbóng, yó gónó tekuy gomong bè yóm kun kehyu kmò Dwata.

1 Pitér 1:3

Hol dóyón tekuy dé Dwata. Du se kun Dwata yóm gónó tekuy mogot Jisas Krays, ne bud Maen snéen. Tódô lemwót bè yóm tey kkodu Dwata tekuy, wen yóm lomi klowil blayen tekuy hlanen bè yóm tehe klowilen ke Jisas Krays gu lem hatay. Ne yó se yóm hendón tekuy yóm klowilen tekuy hulin kdaw snéen.

Hibru 7:26

Duhen yó, Jisas se yóm mò blóng tekuy ebè Dwata, yóm hol hulung tmóbóng tekuy. Tey kólósen. Laen kô dù sidek duhen ke salà ton tekuy béléen, Deng sentólóng Dwata bè yó kem tau gemsalà, ne tey kehegetahen du ditu bè longit.

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

Kul Nmò 22:14

Bud monen mò do, ‘Deng néléken uu yóm sana kul Dwata yó kem tehe fù tekuy anì tngónem yóm hol kun kóyô, ne anì tonem Jisas, yóm alì tedeng kmoen deng hógówen, ne anì gungolem udélen ebéléem.

Sikaraya 9:9

Yó bud udél Dwata, monen, “Ó kem tau bè Sayun, hol ye hligal dé. Hol ye hligal mensag dé, kem tau bè Jirusalim. Ngem, sut lem blóng ye yóm tau hol geta bélê ye. Tey tedeng kmoen ne gel gemmò bè yó kem hohonen, lelen hulung heglaan, tódô smakay kudà asnu, snakayen yóm ngà natihen.

3 Jan 1:11

Ó Wè Gayus, béem dnalang kóm yóm nmò sidek. Yó dé dnalangem yóm hyu. Yóm tau gel hyu nmoen, yó se yóm tau deng nfun Dwata. Yóm tau gel sidek nmoen, là kô tngónen du Dwata.

1 Jan 5:18

Deng tngón tekuy se ke deng baling ngà Dwata yóm tau, là kô senflósen du mò salà, abay se yóm Ngà Dwata fen tendo kemlung du, ne laen dù bud gmò Seitan béléen.

1 Jan 3:5

Deng tngón ye ne yóm gónó Krays na a hbaling tau anì wen lanen mkó du bè tau yó kem salà le. Okóm kun, laen kô bang salaen.

1 Jan 2:1

Yó gónóhu smulat ebélê ye ni kem ngà, anì bê ye bud mò salà. Okóm ke wen bélê ye gemsalà, deng wen ne fen blóng tekuy ebè Dwata, yóm Mà tekuy, duhen Jisas Krays, yóm hol tedeng kmoen.

1 Pitér 1:23

Wen lomi klowil blay Dwata tekuy hlanen bè udélen, yóm udél laen dù tul sónen. Là kóen lemwót bè kul klowil yó kem tuha tekuy yóm klowil yó, bede hol lemwót bè Dwata, yóm laen dù tul katayen.

Hibru 7:2

Ne lemwót se ke Abraham kun, gotu blayen ke Mélkésédék yóm gesfoloen mò baden ke Dwata bè yó kem kimu deng negefen bè yó kem hohonen. Yó lanen yóm boluy Mélkésédék, duhen “Tau geta tedeng knawahen.” Bud du se hol geta bè benwu Salim. Yó gónó le moluy du “Tau geta menek kbenwuhen.”

Kul Nmò 3:14

Nim Jisas ni, du se yóm tau laen kô dù belenen yóm kmoen, hono hyu. Okóm deng mom senkbê ye, ne deng mom yó hni ye bè Paylét yóm tau monok anì hefewaen.

Kun Snulat Jan 7:18

Yóm tau tódô lembù tmolok, naluhen któtólen. Okóm yóm tau naluhen któtól yóm hógów du, laen kô dù kéng du yóm gel tulónen, hono tahu.