1 Jan 2:26 - Udél Dwata: Gna Kesfasad ne Lomi Kesfasad

²⁶ Yó gónóhu smulat du ebélê ye nim ni, abay se wen kem tau tendo gel tô smukat kuy.

1 Jan 2:26 Referans Kwoze

2 Jan 1:7

Deng tey dê ne yóm tmolok sekban deng sekla bè klamangen benwu. Yó kesekban le, gel henkéng le yóm tehe kehbalingen tau Jisas Krays. Yóm tau tmolok yó, olon tmundug kuy, du se yóm hohon Jisas.

1 Jan 3:7

Bê ye hegsukat bè kem dumu tau, kem ngà. Ke tedeng nmò yóm tau, yó se yóm tau deng tedeng kmoen, hol mkél bè yóm kun ktedeng kmò Krays.

Mark 13:22

Abay se angat wen sut tô hlingu bè yóm Misaya, ne tô le hlingu bè yó kem tugod Dwata. Angat tey dê hentaw ton hegfan le mò gónó le hol tô smukat yó kem tau deng kun nélék Dwata.

Kulasi 2:8

Duhen ni, hol ten-gama ye anì là gfét ye bè yóm tolok lemwót bè ketngón tau te tonok, yóm laen dù lemen. Yóm kul ktolok yó, dnalang le bè tau, yóm gel hentahu yó kem tau gnan, ne dnalang le bè yó kem tulus sidek nô bè klamangen benwu. Là kóen lemwót bè Krays.

1 Timuti 4:1

Tey mtukul yóm eles kmonen du yóm Tulus Dwata yóm nmò yó kem dumu tau hulin kdaw. Tebel le yóm kul kehtahu, mom yó nimón le yó kem tulus kéng, ne yó kem tolok sekban lemwót bè kem busaw.

Kem Udél Hlalak Tehe Selumun 12:26

Yóm tau tedeng kmoen nalaken yóm dumun bè ktedengen, okóm yóm kun kmò yóm tau gel mò sidek, hetlasen kem dumu tau.

2 Timuti 3:13

Yó kem tau deng solò kmò le sidek ne yó kem dumu tau sekban ktolok le, tódô hlós temnù ksidek nmò le. Snukat le kem dumu le, ne bud le gsukat se kul.

Kulasi 2:18

Hol bê ye abay hnungol yó kem tau hegeta le knô le bélê ye, lemwót bè yó kem tódô gel hegfan bélê le kun. Lu se yó kem tau alì dmuil hlolò du kuy yóm keheglaan knô là tahuhen lan le gel tmaba ebè yó kem hógów Dwata nô bè longit. Yó kem tau yó, olo le beyen hegmón laen dù lem. Tódô lemwót bè kehedem tau te tonok yóm nmò le yó.