1 Jan 2:25 - Udél Dwata: Gna Kesfasad ne Lomi Kesfasad

²⁵ Deng wen tehe fasad Krays tekuy, duhen yóm klowil laen dù sónen.

1 Jan 2:25 Referans Kwoze

Kun Snulat Jan 10:28

Angat benlayu lu klowil laen dù sónen, là kô le na a matay. Ne laen se kô dù gembek semkot kul lem hólólu.

Taytus 3:7

Lemwót bè yóm któbóng Jisas kut yó, yó se gónón deng hyu kton Dwata kut, ne yó se gónó te gmuta du yóm klowil laen dù sónen, yóm gel nefet nawa te ni kmoen ni.

Sulat Jud 1:21

Tódô henlel ye mimón ke Dwata anì hol ye menek bè yóm kbong nawahen kuy igò ye mangat du yóm klowil laen dù sónen guta tekuy mlan bè yóm tey kkoduhen tekuy yóm gónó tekuy mogot Jisas Krays.

1 Timuti 6:12

Hotuhem gelem bè yóm kloloem ke Krays Jisas anì gutahem yóm klowil laen dù sónen. Yakà yó du gónó Dwata tehe tmaba kóm bè yóm tehe deng ktulónem du lem blóng yó kem tey tau wen yóm deng kehtahuhem.

1 Jan 1:2

Deng henbaling Dwata tau yóm monu Udél Hlowil Tau yó, deng na me ton se. Laen kô dù buten ne laen se dù sónen yóm klowilen yóm knóen bè Maen. Ni se yóm deng tehe baling tau. Ne ni se hol bótóng yóm tulón me kuy.

Taytus 1:2

Yó hol nefeten nim kehtahu tekuy ni, duhen yóm klowil laen dù sónen tendo hendón te. Nim klowil ni, tehe deng fasad Dwata tekuy hnikót là deng dlimunen du he yóm benwu, ne laen kô kéngen yóm Dwata fmasad du yó.

Sulat Pol Ebè Yó Kem Tau Hemtahu Bè Rom 5:21

Duhen yó, yóm kegsalà tekuy, nwiten tekuy elem hatay. Okóm yóm kun tóbóng Dwata, nwiten tekuy tedeng anì hlós tekuy ebè yóm klowil laen kô dù tul sónen, hlanen bè yóm gónó tekuy mogot Jisas Krays.

Sulat Pol Ebè Yó Kem Tau Hemtahu Bè Rom 2:7

Klowil laen dù sónen angat blayen bè yó kem tau tódô henlel le mò du yóm hyu lemwót bè hol kesgalu le yóm kdóyón Dwata kul ne yóm kadaten kul, ne yóm keblayen kul yóm klowil laen dù tul katay le du.

Kun Snulat Jan 12:50

Bè yóm kdê deng tulónu kuy ni, hono deng gotu hlau Mà dou. Ne tódô tngónu, ke nimón ye yóm kun hlau Mà, angat guta ye yóm klowil laen dù tul sónen.”

Kun Snulat Jan 6:68

Ne mon Simun Pitér se, monen, “Laen kô dù dumu tau lolò me, Sér, tek són sem uu. Lemwót bè udélem gónó me gmuta yóm klowil laen dù tul sónen.

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

1 Timuti 6:19

Ke ni se nmò le, lómón ke deng wen kul ten-ginof eles henyu bè longit, anì duhe kóm, angat guta le yóm klowil hol tahu duhen.

Kun Snulat Jan 6:54

Yó se mken yóm dou lówó, ne minum yóm dou litô, deng wen ne kun klowil laen dù sónen. Ne angat hlowilu bè yóm hol són kdaw.

Kun Snulat Jan 6:47

Tódô tulónu kuy ktahuhen,” mon Jisas, “yó se tau hemtahu béléu, deng wen ne kun klowil laen dù sónen.

Kun Snulat Jan 6:27

Bê ye kat alì sen-galu yóm ken wen sónen. Yó dé hol sen-galu ye yóm ken gónó ye gmuta du yóm klowil laen dù sónen. Yóm ken monu ni, ni se yóm ken angat blayen kuy yóm Ngà Tau, abay se yóm Dwata, kun Mà, deng bemlay du béléen yóm kfasangen mò du.”

Kun Snulat Jan 5:39

Tey gel kehnagì ye du yóm Sulat Dwata. Ofo kuy ke bè yóm alì kehnagì ye du gónó ye gmuta yóm klowil laen dù sónen. Igoen sem ou yóm tulónen yó.

Kun Snulat Luk 18:30

angat tey wen blay Dwata du balù ni hem kmoen ni, ne hulin kdaw angat gutahen yóm klowil laen dù sónen.”

Danyél 12:2

Wen se bè yó kem tau deng matay angat bud btik, wen se bélê le gmuta du yóm klowil laen dù sónen ne wen se bélê le gmuta du yóm tey sidek kyak laen dù sónen.

1 Timuti 1:16

okóm tey kkodu Dwata dou mò gónón hegfan du ebè yó kem dumu tau yóm hol kun kanay nawa Krays Jisas, igoen ou yóm tau alì gedlug kmoen salà. Yó gónó Krays Jisas mò du nim ni anì mgel nawa yó kem tau hemtahu béléen bè hulin kdaw, yó kem tau angat gmuta du yóm klowil laen dù sónen.

Glasya 6:8

Bud lómón yó se yóm nmò tekuy. Ke tódô loloen kun knóyô yóm tau, angat gutahen hatay laen dù sónen. Okóm ke loloen yóm kun kóyô yóm Tulus Dwata, angat gutahen klowil laen dù sónen.

Sulat Pol Ebè Yó Kem Tau Hemtahu Bè Rom 6:23

Yó bayad salà, hatay. Okóm wen yóm tódô blay Dwata, duhen yóm klowil laen dù sónen, hlanen bè yóm deng kessotu tekuy bè Krays Jisas, yóm gónó tekuy mogot.

Kun Snulat Jan 3:15

anì yó, kihu tau hemtahu béléen, gutahen yóm klowil laen dù sónen.

Kun Snulat Jan 6:40

Yó hol kóyô Mà ke benlayen klowil laen dù sónen yó kem tau dmilô yóm kun Ngà ne hemtahu béléen. Ne yó angat nmou bélê le, gotu hlowilu lu sok kól yóm hol són kdaw.”