1 Jan 2:24 - Udél Dwata: Gna Kesfasad ne Lomi Kesfasad

²⁴ Duhen yó, hol henlel ye hemsù du bè nawa ye yóm tulón hyu deng gungol ye lemwót bè kbut yóm kehtahu ye. Ke là lanahen bélê ye yóm tulón yó, tódô senflósen ne yóm kessotu ye bè yóm Ngà Dwata lewu le yóm Maen.

1 Jan 2:24 Referans Kwoze

Kun Snulat Jan 14:23

Bnalà Jisas, monen, “Yó se tau kembong nawa dou, nimónen yóm dou tolok. Tey angat kbong nawa Mà du snéen kun, ne angat me tódô setnù béléen lewu me Mà.

1 Jan 4:13

Deng hol tngón tekuy se yóm deng kessotu tekuy bè Dwata, abay se deng suen bélê tekuy yóm kun Tulus.

1 Jan 4:16

Deng tngón tekuy ne yóm tey kbong nawa Dwata tekuy, ne yó se gel genléd nawa tekuy. Tey bong nawahen tau yóm Dwata. Yóm tau ke kenbong nawahen yó kem dumuhen, deng le ssotu Dwata ne yóm tau yó, ne hlós nô béléen Dwata.

Deng Hegfan 3:3

Hol bud nulék ye yóm deng tehe gna gungol ye bè yóm tehe tolok le kuy ne hol hentahu ye. Hol nimón ye dé, ne hol knogol ye yó kem salà ye. Ke là hetngón ye, tódô kentutu yu lómón ksut yóm tau mnagaw, là kô tngón ye du yóm kdaw ksutu.

1 Jan 2:7

Kem weu dou dumu sogot nawa, nim hlau sulatu ebélê ye ni, sundu lomi hlau du. Sana kem hlau labi tenbut tngón ye bè yóm kbut kehtahu ye ke Jisas. Deng tehe gel gungol ye nim hlau labi ni, duhen bè yóm kesbong nawa.

1 Jan 1:3

Yóm deng ton me ne yóm deng gungol me béléen, yó se heglalag me bélê ye anì tilob kesfulung tekuy ebè yóm Mà tekuy bè longit ne ebè Jisas Krays yóm Ngaen.

Kun Snulat Jan 15:7

Okóm ke henek ye béléu ne ke tendo nô bè nawa ye udélu, balù kihu hni ye bè Dwata guta ye.

Deng Hegfan 3:11

Móyóne bud kól ne. Hol ten-gama ye yóm kehtahu ye anì laen dù gemwa du bélê ye yóm kuy ofol.

Kulasi 3:16

Hol sù ye bè nawa ye yóm tey hyu gel dnalang ye gbak ebè Krays. Hol ye gel stolok ne seflau lemwót bè yóm khulung ye hedem. Ne gel sngal ye dé yó kem lingón nô bè bok Lingón, dalang se yó kem dumu sngal Dwata. Semngal ye ebè Dwata, hol hmung ye du snéen yóm alì kdóyón ye du.

Kem Lingón 119:11

Eles tendo hendemu yó kem hlauhem anì là gemsalae béléem.

1 Jan 1:7

Okóm ke deng ye nô lem layag, lómón yóm kun knô lem layag Dwata, yó he gónón wen kesfulung tekuy. Ne yóm litô tehe namà Jisas, yóm Ngà Dwata, yó se fen tendo mkó du bélê tekuy yóm ket salà gel nmò tekuy.

Hibru 3:14

Són gónó kuy hlós mò kun dumu Krays ke là kó tekuy du yóm tehe kegtud nawa te du.

Flipay 4:15

Deng hónô tngón ye se kuy, yu kem tau bè Flipay, yóm le kuléku gu dyó bè kuy prubinsya Masdunya bè yóm tehe kbutu tmolok lem blóng ye yóm Tulón Hyu, sónen yu se yó kem hemtahu bè yó gel tmóbóng dou. Laen kô dù dumu tau fen tmóbóng do bè filak, són sem yu.

3 Jan 1:3

Tey kligalu bè yóm kegdek le dini yó kem dumu te hemtahu. Tulón le do yóm tey ketenebem bè yóm tahu tolok, ne segtón bè ktahuhen yóm gel nmoem.

2 Jan 1:2

Yó gónó tekuy sbong nawa, abay se deng nô bè nawa tekuy yóm tahu tolok, ne là kô wen tul keskóhen bélê tekuy.

Hibru 2:1

Ke lómónen yó kegetahen yóm gónó tekuy mogot, hol sù tekuy bè nawa tekuy sen yóm ktahuhen deng gungol tekuy anì là snonol tekuy du.

Kun Snulat Jan 8:25

Ne bud mon le mò ke Jisas, “Tmau kóm de?” Mon Jisas se, “Igou sem deng hónô tmulón du kuy lemwót bè kbut ktoloku efet nim kmoen ni.

Kun Snulat Luk 1:2

Tódô nulit le yóm deng gel tulón le kum yó kem tau tehe mton du lenwóten bè kbuten, yó kem tau deng gel hetngón du yóm tehe kun tolok Jisas.

Kem Udél Hlalak Tehe Selumun 23:23

Hol nwahem bè nawahem yóm tahu ne béem glus, senged se yóm khulung hedem ne ketngón ne khulung temnef.

Kun Snulat Luk 9:44

“Hol bê ye abay klifót nim tulónu kuy ni. Angat blay le elem tdok yó kem tau mogot kukum yóm Ngà Tau.”

Kun Snulat Jan 6:56

Yó se tau mken yóm dou lówó ne minum yóm dou litô, senflósen nô béléu, ne senflósu se nô béléen.

1 Jan 3:24

Yóm tau ke nimónen yó kem hlau Dwata yó, deng le ssotu Dwata ne, ne tódô nô béléen se Dwata. Ne lemwót bè yóm kun Tulus deng hnóen bélê tekuy, tódô tngón tekuy se yóm deng kessotu tekuy bè Dwata.

1 Jan 4:15

Ke wen tau mon du hol Ngà Dwata yóm Jisas Krays, deng le ssotu Dwata ne yóm tau yó, ne hlós nô béléen Dwata.

2 Jan 1:9

Ke wen tau là gmulit du yóm kun tolok Krays, ne deng mom wen gel tnuen du, là kóen nô béléen Dwata yóm tau yó. Okóm ke tendo nuliten yóm kun tolok Krays, deng nô béléen ne yóm Mà tekuy lewu le yóm Ngaen.