1 Jan 2:16 - Udél Dwata: Gna Kesfasad ne Lomi Kesfasad

¹⁶ Yó kem dê kenbeyen nawa ton ye lemen, yó kem dê knóyô lówó ye, ne yó kem dê ton mata ye, ne yó kem dê gónó ye hton salù, là kóen lemwót bè yóm Mà ye bè longit yó kem yó. Sal lemwót bè knóyô tau te tonok.

1 Jan 2:16 Referans Kwoze

Sulat Pol Ebè Yó Kem Tau Hemtahu Bè Rom 13:14

Yó dé nmò tekuy, hol dnalang tekuy yóm kun kmò yóm gónó tekuy mogot Jisas Krays. Ne bê tekuy abay tódô nmung yó kem sidek knóyô lówó tekuy.

Glasya 5:17

Abay se yóm sidek knóyô lówó tau, kenbéen yóm kun kóyô yóm Tulus Dwata. Dalang se yóm Tulus Dwata, kenbéen yóm sidek knóyô lówó tau. Kaem sfohon le yóm lewu le yó. Yó gónóm mon, ke halak kuy bè Tulus Dwata, là kô gmò tekuy du ne yóm knóyô lówó tekuy yó.

Tekang Kbuten 3:6

Timbow henklol hnunu yóm libun yóm koyu yó, tey minggel ktonen du ne hendemen dô hyu mken du bunguhen, lelen hemdem du tey hyu ke baling temngón. Yó gónón wen nwahen bè yó kem bunguhen ne kenen. Ominen wen blayen ke tuha logihen ne kenen se kun.

Kem Udél Hlalak Tehe Selumun 27:20

Laen kô tul kengeben yóm benwu yó kem matay lómón se yó nem knóyô tau laen kô tul ktakasen du.

Ifisus 2:3

Bè ktahuhen, lómón yó se tehe kut kmò ekni yóm kdê tekuy. Tódô nmung tekuy yóm knóyô tekuy. Balù kihu knóyô lówó tekuy ne kenbeyen nawa tekuy, tódô nmò tekuy. Yó se gónó tekuy gomong bè yóm kdéen tau deng golu elem tafak Dwata.

Sulat Jim 3:15

Abay se yóm ketngón yó, là kóen lemwót bè Dwata, tódô lemwót bè knawa tau te tonok. Là kóen lemwót bè Tulus Dwata, tódô lemwót bè Seitan.

1 Pitér 2:11

Ó kem dou dumu swè, sundu hol kut benwu du nim benwu ni, olo tekuy hlun menwu tahen. Yó gónóhu hol mon du mò kuy, bê ye bud nmung yóm sidek gel knóyô lówó ye. Yóm knóyô lówó yó, tendo gel hesbewegen yóm klolò ye ke Dwata.

2 Pitér 2:10

Hol néen yó kem tau tódô lolò le yóm sidek knóyô lówó le, ne gel natù le Dwata. Ni kem tau tmolok sekban ni, laen kô dù nadat le, ne tey kehegmón le. Balù yó kem alì mfasang gel nô bè longit, sana kehnê le kul.

Juswa 7:21

Bè yóm tehe kegbà me yóm syudad Jiriku wen sotu tey nes tilob tonu lemwót bè Babilun. Bud wen tonu dô lewu kilu blówón bukay ne sekleng tahu blówónen, wen dô sóól kilu keblaten. Bè yóm ktonu du tey óyóu du, ne tódô nwahu. Ne ditu gónóhu lembeng du lem toldahu, hol fi laan yóm blówón bukay.”

Taytus 2:12

Lemwót bè yóm tey nawahen yó, bê kuy bud nmò yóm kun kenbê bélê tekuy. Bê te abay geskét du yó kem gel kenbeyen nawa lem nim benwu ni. Hfulung te mit yóm kut ktau, hebtol te knawa te, ne nmò te yóm gónó te gulit ebè Dwata.

Kem Lingón 78:18

Tnilów le Dwata bè yóm kni le yóm ken nóyô le.

2 Pitér 2:18

Tey le hulung mudél, okóm laen dù lemen. Gel hegbóy le yó kem tau hanà lomi kmogol du yó kem knóyô lówó. Yóm kehegbóy le kul, hlan le bè yó kem sidek knóyô lówó le.

1 Pitér 1:14

Hol nimón ye dé Dwata. Bê ye abay heskél yóm kmò ye bè yóm tehe tey dê nóyô ye gu laan ye là deng temngón ke Dwata he.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

Matyu 5:28

Okóm ni dou tulón kuy, balù bè olo ketngelem ebè yóm libun ke wen óyóem du gu lem, deng timbang snamukem ne, abay se deng deng bè yóm kehedemem du.

Kem Lingón 73:6

Yó gónóm mon, tendo gfan bélê le yóm kehegeta le knô. Deng le mom heklabak bè yóm ksidek nmò le bè kem dumu tau.

Job 31:1

Yó bud udél Job, monen, “Deng wen safà mget nmou ebè Dwata, duhen yóm là ketngelu ebè libun ke wen iwolu du gu lem.

Kun Snulat Luk 4:5

Omin Seitan bud mit ke Jisas ebè yóm gónón geta, ne sulék segfes kehtonen du ke Jisas yóm kdéen benwu talak tonok.

Glasya 5:24

Yó kem tau deng nfun Krays Jisas, gotu kenbê le mò du yóm kdê sidek knóyô lówó tau.

Lista 11:4

Bè yóm kehewà le gu bè Idyip yó kem tau Israél, wen kem tólóng tau mung kul. Tey sidek kélék lihol le. Ne balù yó kem tau Israél gbót le tmalaw se kul, yó mon le, “Yake wen utón tekuy dé ni.

Matyu 4:8

Omin Seitan bud mit ke Jisas eta tfusù yóm tey bulul geta, ne gotu toloken du kdê yó kem benwu talak tonok ne yóm tey kehyuhen.

Kem Lingón 78:30

Okóm yóm igò le tolo mken du nim utón ni, igoen tolo nô lem bak le,

Lista 11:34

Ne yó gónó le moluy du Kibrut Hataba yóm benwu yó. Yó lanen yóm udél yó, “Gónó lembeng yó kem tau mélék lihol le,” abay se bè yó gónó le lembeng kul yó kem tau alì mélék lihol le.

Kem Udél Hlalak Tehe Selumun 6:25

Béi gbóy du yóm olo kun ktilob ne béem abay nmung se yóm kun tilob ketngel ebéléem.

1 Kurin 10:6

Bè yóm gbunù le yó mò gónó tekuy eles hol temgama anì là sen-galu tekuy du mò du yóm sidek, lómón yóm kul ekni.

Tekang Kbuten 6:2

Timbow ton yó kem gel nô bè longit tey knóón yó kem ngà le libun yó nmò le, tódô nwa le yóm kul nóyô bélê le mò yehen le.

Danyél 4:30

Yóm igoen temngel eta yóm syudaden, yó udélen, monen, “Ngem dé nim tey syudad Babilun ni, ke là se lemwóten bè yóm tey kegbeku, là kóen na a mdà mò gónóhu nô ne mò gónóhu hegfan yóm tey kegetahu.”

Sulat Jim 4:16

Okóm kuy, mo ye mom hegmón ne hton salù. Tey sidek se yóm nmò ye yó.