1 Jan 2:11 - Udél Dwata: Gna Kesfasad ne Lomi Kesfasad

¹¹ Okóm ke gel knutóhen nawa kem dumuhen, tolo nô lem gónón kmifu he. Yóm tau ke mógów lem kifu, laen bang tngónen lan loloen, abay se kifu mit du là mton.

1 Jan 2:11 Referans Kwoze

Kun Snulat Jan 12:35

Bnalà Jisas lu, bede hningónen, monen, “Là buden legen ne knóen lem blóng ye yóm layag. Tnana ye hloni edu, kô gafiten yu kifu. Yóm tau mógów lem kifu, là kô tonen du gónón e solu.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

Deng Hegfan 3:17

Igò ye sem gel mon du, ‘Denge mdengen do, deng baling hyu klowilu ni, laen kô dù gónóhu élél.’ Okóm là kô tngón ye du yóm tey ksideken bélê ye. Deng ye baling tau knodu, tau alì élél, tau mógów laen dù nes, tau butô.

1 Jan 1:6

Duhen yó, ke gel mon ye, “Deng me sfulung Dwata ne kum,” okóm ke tolo ye nô bè gónón kmifu, kéng ye yóm mon ye yó koni, deng tódô dilô bè yóm nmò ye.

1 Jan 2:9

Ke wen tau mon du, “Denge nô lem gónóhen lemayag dou,” okóm ke tolo gel knutó nawahen yóm dumuhen hemtahu, tolo nô lem gónón kmifu he yóm tau yó.

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

Kun Snulat Jan 12:40

“Deng hbutô Dwata mata le anì là dilô le du yóm ton le. Deng hgel Dwata kulu le anì là glileb le du yóm gungol le. Là kô le móyô semfulék ebéléu,” mon Dwata, “anì hnifótu lu.”

2 Kurin 3:14

Ne yó kem tau Israél ekni, là kô glileb le du yóm hmò Dwata ke Musis lem blóng le, hol lómón ke wen seng bè kehedem le. Balù nim kmoen ni, sok gel senfala le yóm tehe hsulat Dwata ke Musis ekni, là kô glileb le du, abay se monem tolo wen seng bè kehedem le. Tek són bè yóm kessotu le bè Krays gónón mkó yóm seng yó.

Kem Udél Hlalak Tehe Selumun 4:19

Okóm yóm kul kmò kógów klowil yó kem tau gel mò sidek lómón ke són moen mget kkifuhen. Són mò le tlokob, okóm là kô ton le du yóm hetlokob kul.

Hlolò 19:17

Bê ye senmò knutó nawa kem dumu ye. Ke uu yóm sotu tau knutó nawahen gu lem kem dumun, yó nmoem miti sefyu béléen bè yóm gónó ye seglius anì là gemsalai bè Dwata lemwót béléen.

2 Samwél 13:22

Laen dù udél Absalum ebè Amnon bè yóm nmoen yó, abay se tey sidek kutó nawahen du bè yóm deng nmoen bè libunen.

2 Pitér 1:9

Okóm yóm tau ke là dog nmoen du ni kem ni koni, hol lómón ke là buden mton. Deng mom klifóten yóm deng kkó Jisas du béléen yó kem tehe salaen.

1 Jan 2:10

Okóm yóm tau ke kenbong nawahen yó kem dumuhen hemtahu, deng nô lem yóm gónóhen lemayag ne. Yó gónón là gel tlokob, abay se wen layag hton du.

1 Jan 3:15

Yóm tau ke tendo mutó nawahen kem dumuhen, lómón ke deng monok. Ne tódô tngón ye là kô gutahen du klowil laen dù sónen yóm tau monok.

1 Jan 4:20

Ke yó mon yóm sotu tau, ke monen, “Bong nawahu ke Dwata dou,” okóm ke tolo knutó nawahen yóm dumuhen hemtahu, odoyen yóm monen yó. Ke là bong nawahen du yóm dumuhen hemtahu yóm hol hyu ton matahen, sélét mom tô kenbongen nawa Dwata ne, yóm là ton matahen du.