1 Jan 2:10 - Udél Dwata: Gna Kesfasad ne Lomi Kesfasad

¹⁰ Okóm yóm tau ke kenbong nawahen yó kem dumuhen hemtahu, deng nô lem yóm gónóhen lemayag ne. Yó gónón là gel tlokob, abay se wen layag hton du.

1 Jan 2:10 Referans Kwoze

1 Jan 3:14

Deng tngón tekuy se yóm deng kegewà tekuy gu lem hatay, ne yóm deng kili tekuy ebè yóm klowil laen dù sónen. Yó gónó ye temngón du, abay se bong nawa ye yó kem dumu ye. Okóm yóm tau ke là kenbong nawahen kem dumun, yó se yóm tau tolo golu elem hatay.

Sulat Pol Ebè Yó Kem Tau Hemtahu Bè Rom 14:13

Duhen yó, hol bê tekuy abay bud gel setdok. Yó dé hol sen-galu tekuy ke laen dù nmò tekuy mò gónó le tlokob yó kem dumu tekuy hemtahu.

Husiya 6:3

Tey hyu dé ke hol tngón tekuy Dwata. Henlel tekuy hloni ebéléen anì hol tngón tekuy. Ke yó nmò tekuy, angat dohò yóm kehegfanen bélê tekuy lómón kdohò kebtù mata kdaw ke hlafus ne lómón kdohò yóm kulón bè bulón mò hulu.”

2 Pitér 1:10

Duhen yó, kem dumuhu setwoli, hol hotu ye són gel ye mò du nim monu ni koni mò gónó ye hton du yóm deng tehe ktaba Dwata kuy, ne yóm deng kéléken kuy. Ke henlel ye mò du nim ni, là kô na ye e gbek kmogol du yóm kehtahu ye bè Dwata.

Kun Snulat Jan 8:31

Ne yó udél Jisas ebè yó kem tau deng hemtahu béléen, monen mò kul, “Ke tendo nimón ye ni kem toloku, deng ye baling tau hol tahu lemolò dou ne.

Matyu 18:7

Tey kodu le yó kem tau talak tonok, abay se tey dê mit kul là hemtahu. Sal gel sut bè tau se yóm yó, okóm angat tey tafaken yóm tau mò du.

Matyu 13:21

Okóm là kóen dmolil, tek likót le tô hemtahu. Timbow wen gfà le duhen ke wen hlayam sut bélê le lemwót bè yóm tô kehtahu le, tódô kendel gkogol le yóm tô kehtahu le yó.

Flipay 1:10

Yó hnihu anì hulung ye mélék du yóm hol hyu bélê ye, ne laen dù belenen yóm kuy kmò, ne laen kô dù gónó ye megduón bè yóm efet kkól Krays.

Kem Lingón 119:165

Yó kem tau bong óyô le mimón yó kem hlauhem, tey wen kenek nawa le, laen kô dù gembek hetlokob kul.

Kun Snulat Jan 11:9

Ne bnalà Jisas lu, bede hningónen, monen, “Yóm sotu kdaw, sal sfolò lewu udasen lemayag. Ke mógów kemdaw yóm tau, là kóen na a glokob abay se wen layagen.

Kun Snulat Jan 12:35

Bnalà Jisas lu, bede hningónen, monen, “Là buden legen ne knóen lem blóng ye yóm layag. Tnana ye hloni edu, kô gafiten yu kifu. Yóm tau mógów lem kifu, là kô tonen du gónón e solu.

1 Jan 2:11

Okóm ke gel knutóhen nawa kem dumuhen, tolo nô lem gónón kmifu he. Yóm tau ke mógów lem kifu, laen bang tngónen lan loloen, abay se kifu mit du là mton.