1 Jan 2:1 - Udél Dwata: Gna Kesfasad ne Lomi Kesfasad

¹ Yó gónóhu smulat ebélê ye ni kem ngà, anì bê ye bud mò salà. Okóm ke wen bélê ye gemsalà, deng wen ne fen blóng tekuy ebè Dwata, yóm Mà tekuy, duhen Jisas Krays, yóm hol tedeng kmoen.

1 Jan 2:1 Referans Kwoze

1 Timuti 2:5

Yakà tek sotu du Dwata, ne tek sotu se yóm blóng tau ebè Dwata, duhen yóm tau boluyen Krays Jisas.

Sulat Pol Ebè Yó Kem Tau Hemtahu Bè Rom 8:34

Ne laen se dù tau gembek bud tmuled kul. Tek són Krays Jisas, okóm deng mom du yóm fen matay bélê tekuy ne deng bud hlowil Dwata, hyónen bè kwananen. Ne du mò fen blóng tekuy ebéléen nim kmoen ni.

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

1 Jan 4:4

Okóm yó dum kuy, kem ngà, Dwata se hol mfun kuy, ne deng ye matù bè yó kem tau gel tmolok sekban yó, abay se deng nô bélê ye yóm Tulus Dwata, ne tey bong mfasang senta yóm tulus nô bè yó kem tau là hemtahuhen.

1 Jan 3:18

Ó kem ngà, béen olo són bè sumóng ye yóm kbong nawa ye kem dumu ye. Yake hol hegfan ye bè kmò ye yóm tahu kbong nawa ye kul.

1 Jan 3:7

Bê ye hegsukat bè kem dumu tau, kem ngà. Ke tedeng nmò yóm tau, yó se yóm tau deng tedeng kmoen, hol mkél bè yóm kun ktedeng kmò Krays.

Kun Snulat Jan 8:11

Monen se, “Laen duen, Sér.” Mon Jisas se, “Là se nmou du béléem snéen dou. Muléki ne, okóm béi abay bud mò salà.”

Hibru 9:24

Yóm gónô Dwata gónó Krays husek yó, sundu gónô nmò tdok tau du, olo hningónen yóm tahu duhen bè longit. Okóm deng kól ditu ne bè longit Krays. Deng mdà bè solu Dwata, abay se du fen semblóng tekuy ebéléen.

1 Jan 3:5

Deng tngón ye ne yóm gónó Krays na a hbaling tau anì wen lanen mkó du bè tau yó kem salà le. Okóm kun, laen kô bang salaen.

Ifisus 2:18

Lemwót bè yóm deng nmò Krays gónón wen lan tekuy hloni ebè Dwata yóm kdê tekuy, kem tau Ju ne kem tau là Ju le. Yóm kehloni tekuy ebéléen yó, hlanen bè yóm Tulus Dwata deng suen bélê tekuy.

Kun Snulat Jan 6:27

Bê ye kat alì sen-galu yóm ken wen sónen. Yó dé hol sen-galu ye yóm ken gónó ye gmuta du yóm klowil laen dù sónen. Yóm ken monu ni, ni se yóm ken angat blayen kuy yóm Ngà Tau, abay se yóm Dwata, kun Mà, deng bemlay du béléen yóm kfasangen mò du.”

Isikél 3:21

Okóm ke eles wen hetgamahem du yóm tau yó ne ke hegsel ne tenfloken yóm kmoen sidek, là kô hukolu du klowilen, dalang se kóm abay se deng nmoem yóm hmou kóm.”

1 Pitér 3:18

Yakà dengen tehe matay Krays lanen fen mayad salà, ne là kô bud sneefen du ne yóm yó. Deng mom fen matay yóm tau hol hyu kmoen mò leyu lówó tekuy kem tau gemsalà anì wen lanen mit tekuy ebè Dwata. Ghatay le lówóhen, okóm là yó dum lóyófen, tódô hlós mowil.

Ifisus 4:26

Ke wen lenbut ye, ten-gama ye anì là gwiten kuy mò salà. Bê ye hkól bè kesdef kdaw yóm kebut ye,

Glasya 4:19

Ó kem ngà gónón mogot nawahu, gu laan ye là deng gmulit yóm kun kmò Krays, tey sidek kegnómu du. Lómón kegnómu du, lómón yóm libun kmuleng blututen.

Kun Snulat Jan 10:15

hol lómón se yóm kum kesetngón Mà. Angat hamau klowilu bélê le yó kem dou ubiha.

Kun Snulat Jan 5:36

Okóm wen he gemtanud dou mkay senta yóm kun kegtanud dou Jan, duhen yóm gel nmou. Kdê yóm hmò Mà dou, yó se yóm gel nmou, ne hol lómón ke yó se mò gemtanud dou. Bè yó se gónó ye temngón du yóm khógów Mà dou.

Kun Snulat Luk 10:22

Bud mon Jisas mò kul, “Deng gotu tódô hkem Mà dou kdéen. Là kô wen tau temngón du yóm Ngà Dwata, tek són Maen. Ne là kô wen tau temngón du yóm Maen, tek són yóm Ngaen, ne tek són yó kem tau deng néléken mò gónóhen hetngón du.”

1 Pitér 2:22

Laen kô dù salaen se kun, ne laen kô dù kéng deng btang bè sumóngen.

1 Kurin 15:34

Hol nulék nawa ye dé yóm hyu deng dnalang ye, ne hol tenflok ye yóm kmò ye sidek. Tódô tulónu kuy, tolo wen he bélê ye yóm là deng temngón ke Dwata. Là kenyak ye du kô yó?

Kun Snulat Jan 5:14

Tikóng kogolen bè yó, bud ton Jisas lem Gónô Dwata yóm tau tehe hkóhen desen yó koni, monen mò du, “Ngem, deng mkó ne yóm desem. Hol béi abay bud mò salà, déke wen bud gbunuem mkay senta yóm gnan.”

Sikaraya 9:9

Yó bud udél Dwata, monen, “Ó kem tau bè Sayun, hol ye hligal dé. Hol ye hligal mensag dé, kem tau bè Jirusalim. Ngem, sut lem blóng ye yóm tau hol geta bélê ye. Tey tedeng kmoen ne gel gemmò bè yó kem hohonen, lelen hulung heglaan, tódô smakay kudà asnu, snakayen yóm ngà natihen.

Sulat Jim 1:27

Yóm tahu kehtahu hol kun henmóyô Dwata, yóm Mà tekuy, duhen yóm hol któbóng yó kem ngà hikit ne yó kem libun bolu bè yóm gónó le glayam. Ne ke gel tensuhen yó kem sidek gel nmò tau lem benwu.

Kem Lingón 4:4

Béi hegsalà mlan bè kebutem. Nahem gel hendem suloy buteng, béi tagad mudél.

1 Jan 5:21

Yó ne kóó, kem ngà. Hol ye hlayuk bè yó kem dwata kéng.

Sulat Jim 3:9

Bè sumóng tekuy gónón lemwót yóm kdóyón tekuy yóm gónó tekuy mogot, yóm Mà tekuy. Ne bud bè sumóng se gónón lemwót yóm gel kehtolo tekuy kem dumu tau, igò Dwata deng mò du yóm tau, ne heskélen bè kun knô.

Sulat Pol Ebè Yó Kem Tau Hemtahu Bè Rom 6:15

Déke wen mon du, “Hyu ne ni, là bud tekuy gfét du ne yóm tehe hlau gnan. Anien ke senflós tekuy mò salà abay se wen Dwata fen gel tmóbóng.” Tey sekban ke lómón yó kehedem ye.

Kun Snulat Jan 13:33

Là buden legen ne, kem ngau,” mon Jisas, “yóm knóu lem blóng ye. Angat hnebel ye ou, okóm bud tulónu kuy yóm tehe tulónu yó kem Ju wen glalen, là gógów ye edu se kuy yóm gónóhu e solu.

1 Timuti 3:14

Bè nim igou smulat ebéléem ni, tey kkosohu tô mauy kóm.

Kun Snulat Jan 21:5

Ne tmaba ebélê le Jisas, monen, “Ó kem Wè, deng wen guta ye kô?” Mon le se, “Laen duen.”

Kun Snulat Jan 14:16

Angat wen hnihu bè Mà mò tles bud tmóbóng kuy, ne laen dù sónen yóm knóen bélê ye.

Kul Nmò 7:52

Tulón ye do kun,” mon Stéfén, “ke wen sotu tehe tugod Dwata là deng tehe hensidek kem tehe fù tekuy du ekni. Sal tehe gel hnatay le yó kem tau hógów Dwata, yó kem tau tehe gel tmulón yóm angat ksut yóm tau tedeng hógów Dwata. Ne deng sut se yóm hógów Dwata yó, duhen tu sem le eted ye elem tdok yó kem tau mogot kukum. Yu se yóm fen le hbonok du.

Sulat Pol Ebè Yó Kem Tau Hemtahu Bè Rom 5:10

Tey tehe kesfohon tekuy ke Dwata, okóm kun, niten tekuy sefyu hlanen bè yóm le katay yóm Ngaen. Duhen ni, bè yóm deng kesefyu tekuy ke Dwata, milud he bud któbóngen tekuy hlanen bè yóm deng bud kehlowilen ke Krays.

1 Jan 5:17

Tódô kentihen nmò sidek, hono salà. Okóm wen se yóm salà là mefeten elem hatay laen dù sónen.

3 Jan 1:4

Laen selen yóm gel kligalu sok gel gungolu yó kem ngau alì tilob klolò le yóm ktahuhen.