1 Jan 1:6 - Udél Dwata: Gna Kesfasad ne Lomi Kesfasad

⁶ Duhen yó, ke gel mon ye, “Deng me sfulung Dwata ne kum,” okóm ke tolo ye nô bè gónón kmifu, kéng ye yóm mon ye yó koni, deng tódô dilô bè yóm nmò ye.

1 Jan 1:6 Referans Kwoze

1 Jan 4:20

Ke yó mon yóm sotu tau, ke monen, “Bong nawahu ke Dwata dou,” okóm ke tolo knutó nawahen yóm dumuhen hemtahu, odoyen yóm monen yó. Ke là bong nawahen du yóm dumuhen hemtahu yóm hol hyu ton matahen, sélét mom tô kenbongen nawa Dwata ne, yóm là ton matahen du.

1 Jan 2:4

Ke wen tau mon du, “Deng tngónu Dwata se dou,” okóm ke là dog nimónen du yóm hlau Dwata, odoyen yóm monen yó. Là kóen nô bè nawahen yóm ktahuhen.

1 Jan 1:10

Ke wen mon du, “Là kóe mò salà se dou,” deng henkéngen ne yóm mon Dwata, ne là kóen nô bè nawahen yóm udélen.

Kem Udél Hlalak Tehe Selumun 2:13

ne bè yó kem tau deng kembê du yóm ktedeng kmò anì hlós klolò le du yóm sidek.

Kun Snulat Jan 8:12

Ne yó bud udél Jisas ebè yó kem Farisi, monen, “Ou se yóm layag kól lem benwu. Yó se tau lemolò do, là kóen bud gógów elem kifu ne, okóm wen layag mò htonen lanen gmuta yóm klowil laen dù tul sónen.”

Kun Snulat Jan 12:35

Bnalà Jisas lu, bede hningónen, monen, “Là buden legen ne knóen lem blóng ye yóm layag. Tnana ye hloni edu, kô gafiten yu kifu. Yóm tau mógów lem kifu, là kô tonen du gónón e solu.

Sulat Jim 2:14

Ó kem dumuhu setwoli, ke mon yóm sotu tau, “Denge hemtahu se dou,” tedu se bang tô gónón e kól du yóm monen yó ke là se gfanen bè kmoen? Là kóen na a gewà du yóm tau ke olon bè sumóngen yóm kehtahuhen.

Kun Snulat Jan 12:46

Yóm kógówu elem benwu,” mon Jisas, “hol lómón ke layag sut bélê ye. Yó se tau hemtahu béléu, là kóen hlós knóen lem kifu.

1 Jan 1:3

Yóm deng ton me ne yóm deng gungol me béléen, yó se heglalag me bélê ye anì tilob kesfulung tekuy ebè yóm Mà tekuy bè longit ne ebè Jisas Krays yóm Ngaen.

Kun Snulat Jan 11:10

Song gónón glokob ke mógów kifu, abay se laen dù layagen.”

Sulat Jim 2:18

Okóm déke wen sotu tau mon du, monen, “Là sengeden yóm tau. Hemtahu yóm sotuhen, okóm yóm sotuhen, gel nmoen yóm hyu.” Okóm yó balau du yóm monen yó, monu, “Ke laen dù tonu hyu nmoen yóm tau hemtahu, laen kô dù gónóhu dmilô du yóm kehtahuhen. Okóm ke sónmou gel tmóbóng kem dumuhu, yó se gónóm dmilô du yóm kehtahuhu.”

Kem Lingón 82:5

Okóm yó kem tau hemgnok kul, laen kô dù tngón le. Là kô le hulung hedem. Hol lómón ke nô le lem kifu. Yó gónóm mon, là bud tonem du te tonok ne yóm tau tedeng kkukumen.

1 Jan 1:8

Ke yó mon ye, “Laen kô bang salau dou,” ten-geed ye tmondo knô ye, là dengen nô bè nawa ye he yóm ktahuhen.

Sulat Jim 2:16

tedu se gónón e kól du ke olo ye mon du mò kul, “Kodu ye. Hol lesek ye yóm nes mfól anì là tnaw ye, ne hol ye mken.” Tedu se bang nefeten du yóm mon ye yó ke là dog benlay ye kul yóm wen mu le du?

Matyu 7:22

Kesok bangen hto yóm kdaw kkukum Dwata tau, angat tey dê tau mon du mò do, ‘Ó Dwata, tehe gel hlan me bè kóm boluy yóm gel ktugod me ke Dwata. Bud hlan me bè kóm boluy se yóm tehe gel kehdó me kem tulus seitan, ne yóm tehe gel kmò me yó kem hentaw ton.’

1 Timuti 4:2

Ni kem tolok ni, fen hból yó kem tau hulung mò kéng, tau hulung smukat. Bè yóm deng alì kegedlug tendo kmò le kéng, yó se mit kul là bud dmilô du yóm tahu.

Kem Lingón 94:20

Laen kô dù kóm du, Dwata, yó kem tau mogot kukum là tedengen, yó kem tau heswì le kogot le kukum.

Kun Snulat Jan 8:55

Okóm là kô deng tngón ye du. Fen tngónu dou. Ke tô monu là tngónu du, denge mkél bè yóm kmò ye kéng. Hol tahu tngónu dou, ne tendo nimónu.