1 Jan 1:5 - Udél Dwata: Gna Kesfasad ne Lomi Kesfasad

⁵ Ni sii yóm deng tehe gel gungol me tulón Jisas, yóm Ngà Dwata, ne ni se yóm bud heglalag me bélê ye: Lómó kmoen kun yóm Dwata, lómón ke yóm layag, ne laen kô bang bolen kifu bè yóm layag monu yó, bà udì.

1 Jan 1:5 Referans Kwoze

Kun Snulat Jan 8:12

Ne yó bud udél Jisas ebè yó kem Farisi, monen, “Ou se yóm layag kól lem benwu. Yó se tau lemolò do, là kóen bud gógów elem kifu ne, okóm wen layag mò htonen lanen gmuta yóm klowil laen dù tul sónen.”

Sulat Jim 1:17

Hono hyu yóm kdê deng blayen tekuy, balù udì ke wen gónón sidek. Yó se kun kmò Dwata, yóm deng dmimun kdê yó kem lemayag ton tekuy bè longit. Gel megetles ne mili yóm olung yó kem lemayag bè longit yó, okóm ke Dwata kun, là kóen na a mili, sana kem kun kehyu.

Isaya 60:19

Bè yóm kdaw kehewau kóm yó, laen dù bud muhem du ne yóm nóng kdaw duhen ke nóng bulón. Abay se ou yóm gónóhem mogot mò layagem laen dù tul sónen. Yóm alì keslinangu, yó se tódô seflós mnóng ebéléem.

Kem Lingón 27:1

Dwata se henged layagu, ne du se lemwà dou. Yó gónóm mon, laen dù bang knikou. Tendo kenlungen ou bè yó kem gfà, yó gónóhu là bud likò.

Kun Snulat Jan 1:9

Yóm layag tulónen yó, yó se yóm hol tahu layag gdek lem benwu mò hlayag kdéen tau te tonok.

Kun Snulat Jan 1:4

Lemwót bè yóm Udél yó, yó se gónón mowil yóm kdéen mowil. Yóm klowil yó, hol lómón ke layag mò hlayag yóm kdéen tau te tonok.

Kun Snulat Jan 9:5

Bè nim tolo knóu lem benwu,” monen, “ou se yóm layag mò hlayag yó kem tau lem benwu.”

Deng Hegfan 22:5

Laen kô dù kifuhen yóm benwu yó, ne laen se kô dù bud muhen ne yó kem nóng solok duhen ke nóng kdaw, abay se yóm Dwata gónó le mogot seflós mò layag le. Ne angat wen hogot Dwata kul, ne laen kô dù sónen yóm kogot le du.

Deng Hegfan 21:23

Ne laen kô dù nóng kdaw duhen ke nóng bulón bè yóm syudad yó, abay se yóm layag Dwata tódô seflós mnóng bè yó, ne yóm Ngà Ubiha henged soloken.

Kem Lingón 36:9

Uu se gónón tembul yóm kdéen mowil. Lemwót bè layagem, Dwata, gónó me lemwót mton.

1 Timuti 6:16

Tek són du yóm laen dù tul katayen. Yóm layag alì sminang yóm gónón nô, laen kô dù tau gehloni edu, ne laen kô dù tul kton kem tau du. Du yóm hol megdóyón, ne bud du se yóm hol mfasang laen kô dù tul sónen.

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

1 Jan 3:11

Deng hónô gungol ye lemwót bè kbut kehtahu ye, yóm monen, Hol tekuy sbong nawa.

1 Kurin 11:23

Deng tehe toloku kuy yóm deng gna dnalangu lemwót bè yóm gónó tekuy mogot. Bè yóm tehe kifu kekfô le du, wen mambang gna nwa yóm gónó tekuy mogot Jisas,

Kem Lingón 139:12

okóm béléem kóm, Dwata, baluen ke kifu là kô gbeku hembnos kóm. Yóm kifu, lómón ktataw layagen kemdaw yóm béléem. Tódô senged ktonem du kóm yóm layag ne yóm kifu.

Isaya 2:5

Duhen yó kem tau semfu gu bè tehe Jakub, hol lolò tekuy ne yóm kun layag yóm kut Dwata.

Danyél 2:22

Gotu hegfanen yóm deng gebnos bè tau ne gotu tonen yóm nô lem gónón kmifu. Béléen hol gónón nô yóm layag.

Kun Snulat Jan 1:19

Sotu kdaw bè yó, dók yó kem Ju wen glalen bè Jirusalim yó kem tau gel demsù ebè Dwata dalang se yó kem dumu tau semfu gu bè Libay anì wen snólók le bè Jan. Yó snólók le béléen, mon le, “Tmau kóm de?”