1 Jan 1:2 - Udél Dwata: Gna Kesfasad ne Lomi Kesfasad

² Deng henbaling Dwata tau yóm monu Udél Hlowil Tau yó, deng na me ton se. Laen kô dù buten ne laen se dù sónen yóm klowilen yóm knóen bè Maen. Ni se yóm deng tehe baling tau. Ne ni se hol bótóng yóm tulón me kuy.

1 Jan 1:2 Referans Kwoze

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

Kun Snulat Jan 1:4

Lemwót bè yóm Udél yó, yó se gónón mowil yóm kdéen mowil. Yóm klowil yó, hol lómón ke layag mò hlayag yóm kdéen tau te tonok.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Kun Snulat Jan 17:3

Ni se hol lanen yóm klowil laen dù sónen monu yó, duhen yóm deng ketngón le kóm, yóm tahu Dwata, ne yóm deng ketngón le dou, Jisas Krays, yóm deng hógówem elem benwu.

1 Jan 5:11

Ni sii yóm deng mon Dwata: Wen klowil laen dù sónen deng blayen tekuy hlanen bè yóm Ngaen.

1 Jan 3:8

Okóm yóm tau senflósen mò salà, du se kun tau Seitan, yakà Seitan du yóm hol mò salà lemwót bè kbuten. Yó se gónón tehe hbaling tau yóm Ngà Dwata nan e nmò sónen yóm nmò Seitan.

Taytus 1:2

Yó hol nefeten nim kehtahu tekuy ni, duhen yóm klowil laen dù sónen tendo hendón te. Nim klowil ni, tehe deng fasad Dwata tekuy hnikót là deng dlimunen du he yóm benwu, ne laen kô kéngen yóm Dwata fmasad du yó.

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

1 Jan 3:5

Deng tngón ye ne yóm gónó Krays na a hbaling tau anì wen lanen mkó du bè tau yó kem salà le. Okóm kun, laen kô bang salaen.

2 Timuti 1:10

Okóm ni deng hegfanen ne yóm któbóngen kut bè yóm tehe ksut Krays Jisas lem nim benwu ni, yóm deng lemwà kut gu lem hatay. Deng nmò Krays sónen yóm hatay, ne hlanen bè yóm Tulón Hyu gónón hegfan du yóm kwen klowil laen dù sónen.

Glasya 4:4

Okóm yóm kehto yóm buteng deng tehe fét Dwata, tódô hógówen yóm hol kun Ngà mò na a hbaling ngà tau, bede nan sut bè libun. Bè yóm deng kbongen nim Ngà ni, tódô gotu loloen yóm kum hlau kem tau Ju.

Kun Snulat Jan 15:27

Dalang se kuy, angat wen tulón ye lemwót bè dou kmò, abay se deng ye nô béléu lemwót bè yóm kbut ktoloku.”

Kul Nmò 3:15

Deng mom hfatay ye yóm gónón gu tembul yóm klowil laen dù sónen, okóm deng bud hlowil Dwata. Mi se hol gemtanud du yóm deng bud klowilen.

1 Pitér 5:1

Ne ni wen udélu ebélê ye, yu kem tuha gónó le gel galak yó kem tau hemtahu. Ou se sotu dumu ye tuha gel malak snéen. Lelen yó he deng tonu se dou yóm tehe keglayam Krays bélê tekuy, ne gomonge snéen dou bè yóm kdaw angat kegfan yóm kegetahen. Ni se yóm hlauhu kuy.

Sulat Pol Ebè Yó Kem Tau Hemtahu Bè Rom 8:3

Yóm hlau, là kô gbeken mkó du yóm kfasang yóm salà bè klowil tekuy abay se laen dù tau tódô gembek lemolò du lemwót bè yóm tey klunog tekuy. Okóm wen kun atul Dwata, hógówen yóm Ngaen na a hbaling bè lówó tau, lómón yóm lówó tekuy kem tau gemsalà na a matay mò lanen tmuled yóm salà.

Kul Nmò 10:41

Okóm là tódô óyô tau du gónón hegfan, són bè yó kem tau deng eles nélék Dwata yóm deng gemtanud du, duhen mi se kem tau deng seyón du mken kogol yóm deng bud klowilen.

Kul Nmò 5:32

Ni kem tulón me kuy ni,” mon Pitér, “mi se gemtanud du yóm ktahuhen. Dalang se yóm Tulus Dwata deng blay Dwata yó kem tau mimón du, bud du se gemtanud du.”

Kul Nmò 2:32

Ne duhen yó sem Jisas,” mon Pitér, “yóm deng bud hlowil Dwata. Yóm kdê me bè ni, mi se gemtanud du yóm deng bud klowilen.

Kun Snulat Jan 21:14

Ni se deng getlu dulék Jisas hegfan bè yó kem gel lemolò du kogol yóm deng klowil Dwata du gu lem hatay.

Kun Snulat Jan 17:5

Ne ni, Mà, bud hegetahem o bè soluhem, lómón yóm tehe kegetahu dyó ekni gu laanen là deng wen benwu he.

Kun Snulat Jan 16:28

Tahu se, lemwóte gu bè Mà, ne mógówe edini lem benwu. Ne ni, naw tnagak yóm benwu ni, bude mulék ebè Mà.”

Kun Snulat Jan 8:38

Gel tulónu kuy yóm deng gel gungolu gu bè Mà. Okóm kuy, mom nmò ye yóm deng gungol ye bè yóm kuy mà.”

Kun Snulat Jan 7:29

Okóm tngónu se dou, abay se lemwóte gu ditu, ne du se hol hógów dou edini.”

Kun Snulat Jan 3:13

Laen kô dù tau ke deng mógów ebè longit, tek són yóm Ngà Tau, ne ditu se kun gónó gu lemwót.

Kun Snulat Jan 1:18

Yóm Dwata, laen kô tau deng mton du he. Okóm tek són yóm kun Ngà yó deng hetngón du tekuy yóm kmò Maen, abay se hol le senged Maen yóm Ngaen, ne senflósen nô béléen yóm Ngaen yó.

1 Jan 1:1

Yó gónóhu smulat ebélê ye ni, abay se tulónu kuy yóm Jisas Krays, yóm bnoluy le Udél Hlowil Tau. Gu laanen là deng wen benwu he, deng sana kem yó ne kun. Ne deng na me hol gungol udélen, ne deng hol kum mata se mton du yóm lówóhen ne deng nogot me snéen.

Kun Snulat Jan 10:28

Angat benlayu lu klowil laen dù sónen, là kô le na a matay. Ne laen se kô dù gembek semkot kul lem hólólu.

Kun Snulat Jan 19:35

(Yóm tau tmulón du nim ni, deng hol tógó matahen mton du, ne hono tahu yóm tulónen. Yó gónón tmulón du anì hemtahu ye se kuy.)

1 Jan 2:25

Deng wen tehe fasad Krays tekuy, duhen yóm klowil laen dù sónen.

1 Jan 4:2

Yó mò ilô ye du ke tahu Tulus Dwata yóm fen malak du yóm tau: Ke hentahuhen yóm deng tehe kehbalingen tau Jisas Krays, du se yóm tau deng nô béléen yóm Tulus Dwata.

1 Jan 4:14

Deng hol ton me se kum yóm deng khógów yóm Mà tekuy bè longit yóm kun Ngà mò lemwà tekuy gu lem hatay, ne ni se yóm gel tulón me.

1 Jan 5:13

Yu kem tau deng hemtahu bè kun Ngà Dwata, yó gónóhu smulat ebélê ye ni anì hol tngón ye yóm deng eles kwen yóm kuy klowil laen dù sónen.