1 Jan 1:1 - Udél Dwata: Gna Kesfasad ne Lomi Kesfasad

¹ Yó gónóhu smulat ebélê ye ni, abay se tulónu kuy yóm Jisas Krays, yóm bnoluy le Udél Hlowil Tau. Gu laanen là deng wen benwu he, deng sana kem yó ne kun. Ne deng na me hol gungol udélen, ne deng hol kum mata se mton du yóm lówóhen ne deng nogot me snéen.

1 Jan 1:1 Referans Kwoze

Kun Snulat Jan 20:27

Ominen mon du mò ke Tumas, “Ó Tumas, ni hnénégem hólólu, ne duem bè haliu tdokem. Ne bud duem bè sol halì bè klabihu yóm hólólem. Béem bud hegewu nawahem, hol hentahuhem ne yóm deng klowilu.”

Kul Nmò 4:20

Là kô gbek me temflok tmulón du yóm deng ton me ne yóm deng gungol me.”

1 Jan 4:14

Deng hol ton me se kum yóm deng khógów yóm Mà tekuy bè longit yóm kun Ngà mò lemwà tekuy gu lem hatay, ne ni se yóm gel tulón me.

Kun Snulat Jan 5:26

Bè Mà se hol gónón tembul klowil tau. Ne senged snéen bè yóm Ngaen, deng nmò Maen mò gónón tembul klowil tau.

Kun Snulat Luk 24:39

Tenngel ye ni dém hólólu dalang se tihu. Ni se ou. Na ye e nkem o dé anì hen-gnóm ye lówóhu. Yóm busaw,” monen, “laen kô ungeden, ne laen se kô tiolen ke lómón nim kmò kton ye dou ni.”

Kun Snulat Jan 8:58

Ne mon Jisas se mò kul, “Tódô tulónu kuy ktahuhen, gu laan Abraham là deng sut, deng sana kem yó ne dou.”

Deng Hegfan 1:8

Ni se udél Dwata, yóm gónó tekuy mogot, yóm laen dù là gbeken du, monen, “Ou se yóm hol buten ne bud ou se hol sónen.” Ni se udél yóm sana Dwata tenbut bè kbuten efet ni nem kmoen ni, ne du se yóm móyón bud sut.

Kun Snulat Jan 19:35

(Yóm tau tmulón du nim ni, deng hol tógó matahen mton du, ne hono tahu yóm tulónen. Yó gónón tmulón du anì hemtahu ye se kuy.)

Kul Nmò 1:3

Kogol yóm deng katay Jisas, botong fat folò kdawen tendo hton bélê le anì là buden megewu nawa le du yóm deng klowilen. Hol tógó mata le mton du, ne gel tulónen kul yóm kmò kogot Dwata tau.

Deng Hegfan 19:13

Yóm nes leseken, tódô tfeng litô. Ne yó boluy le du, “Udél Dwata.”

Deng Hegfan 2:8

“Budi smulat do ebè yóm fen gel malak yó kem tau hemtahu bè Smirna, monem mò du, ni se udél yóm hol buten ne hol sónen, yóm deng tehe matay, okóm deng bud mowil.” Yó monen,

Kun Snulat Luk 1:2

Tódô nulit le yóm deng gel tulón le kum yó kem tau tehe mton du lenwóten bè kbuten, yó kem tau deng gel hetngón du yóm tehe kun tolok Jisas.

Mika 5:2

Okóm kóm Bitlihim Ifrata yóm sotu benwu lemnek snakuf Juda, béléem angat gónón lemwót yóm tau néléku mò mogot yó kem tau Israél. Yóm kun kbut yóm tau néléku ni, tehe kem yu ne ekni.

Deng Hegfan 1:11

Yó utóm tum udélen, monen, “Gotu snulatem yóm angat tonem, ne gotu hwitem ebè yó kem tau hemtahu bè yó kem hitu syudad nii: bè Ifisus ne ebè Smirna, ne ebè Pirgamum ne ebè Tiyatira, ebè Sardis ne ebè Filadélfya, ne ebè Ludisya.”

1 Jan 5:7

Wen tlu gónó tekuy dmilô du ke du yóm hol Ngà Dwata:

Hibru 2:3

Mom milud he kegtafak tekuy ke là kenmón tekuy du yóm tey hyu deng nmò Dwata bélê tekuy mò lan tekuy gewà gu lem hatay. Yó sem gónó tekuy mogot yóm tanay tmulón du yóm lan yó, ne lemwót yó kem tau mungol du, bud lu se hetngón du tekuy yóm ktahuhen.