Roma 4:3 - Tagbanwa Calamian

³ Kipurki pademdeman ta ra kanay yang sasang napabtang tung kasulatan ang mag̱aning, “Ti Abraham nagtalig da tung Dios ang magkereng tung sasang pinangakuan na tung anya, ig natetenged ilem tung pagtalig nang atii, asan da tanya ngaipabtangay yang Dios ang salu rang pisan tung pagterelengen na,” ag̱aaning.

Roma 4:3 Referans Kwoze

Santiago 2:23

Duun da ka ngaintindiay ta ang talagang tama ka man yang pagtaralig̱en na ang pariu ka tung sasang napabtang tung kasulatan ang tanya unu nagtalig da tung Dios ang magkereng tung pinangakuan na tung anya ig natetenged unu tung pagtalig nang atiing bug̱us, duun da tanya ngaipabtangay yang Dios ang salu rang pisan tung pagterelengen na. Maskin tung dumang kasulatan, ti Abraham ya ra nganing ag̱aningay ang tanya unu sasang ungkuy yang Dios ang durug tinlu.”

Roma 4:9

Yang katinluan ang atiang nabtangan nira, teed ilem basu tung yaten ang mga Judio ang pulus binuatan ta tanda tung mga tinanguni ta? Belag̱an ilem ita, kung indi, pati yang belag̱an mga Judio ang anda kang lag̱i ay tandang binuat tung mga tinanguni nira, lug̱ud da ka asan. Kipurki magpauyunitang tanan siguru tung sasang sinambit tung kasulatan ang natetenged ilem unu tung pagtalig ni Abraham tung Dios, asan da unu ngaipabtangay nang salu rang pisan tung pagterelengen na.

Roma 4:5

Piru yang taung anday nag̱atalig̱an na tung sadiling pag̱urubraen na ang para asan da rin ngausgaray yang Dios ang salu ra, kung indi, pagtalig da ilem ang bug̱us tung Dios ang yay pag̱usgad tung sasang taung malalain ang salu rang pisan tung pagterelengen na, yang pag̱usgad nang atia tung anya natetenged ilem tung pagtalig na, belag̱an ang mag̱aning ang ya ray maning pa tung sasang pinatengeran na, kung indi, ya ra ka ilem ag̱ipakdulay yang Dios ta diw̱aldi tung anya.

Roma 4:11

Pagkatapus tung pira pang takun baklu ra lalangay yang Dios ang yang tinanguni na pabuatan da ta tanda. Atia yay sasang sinyalis ilem ang tanya inusgaran da ka man ang lag̱i yang Dios ang salung pisan natetenged ilem tung pagtalig nang bug̱us tung anya. Yang uras ang atii, anda pa nganing ay tandang binuat tung tinanguni na. Yang linuaan na, duun da tanya nagyaring pinamuaran yang tanan ang may pagtalig da ka nira tung Dios ang katulad ka tung pagtalig na ang asan da ka inusgaran nang salu ra maskin anday tandang binuat tung tinanguni na.

Roma 11:2

Talagang indi ka man ipinlek ang pisan yang Dios yang mga tauan nang pinilik nang tukaw ang para tanira enged ay pakaayenen na. Simpri nag̱akdekan mi ra ka yang sasang napabtang tung kasulatan sigun tung ni Elias atiing tanya nagkig̱a ra tung Dios natetenged tung mga masigkanasyun nang mga Israel ang mag̱aning tung anya,

Roma 10:11

Talagang matuud tia ay kipurki may sasang bitala yang Dios ang napabtang tung kasulatan ang mag̱aning, “Kumpurming tinu pay pagtalig tung anya, talagang anda enged ang pisan ay mapaeyakan nang pagsungunan tung nag̱atalig̱an na tung anya,” ag̱aaning.

Roma 9:17

Dispuis pa, isipen ta ka yang sasang bitalang itinalig yang Dios tung ni Moises ang para ipakaw̱ut na tung Faraon ang yay pag̱adi tung Egipto ang napabtang ka tung kasulatan ang mag̱aning, “Yang ipinagpakarungu enged tung nuyung mag̱ing Adia, ay ug̱ud ipaitaw tung nuyu kung unu pag kapuirsa yang kagaemanu ug̱ud mabantug da yang aranu tung bilug ang kaliw̱utan,” mag̱aning.

Marcos 12:10

Siguru nabasa mi ra ka yang sasang pananglit ang napabtang tung kasulatan ang may batu unung pinasag̱i ang ya ray pinangindian yang mga manigpakdeng yang balay ang anda unu ay kuinta na, ang pagkatapus ya pa ka enged unu ay nagluang pinakaimpurtanting batung panielan yang lebat yang intirung balay.

Santiago 4:5

Muya kalaum ming anday kapulutan na yang sasang napabtang tung kasulatan ang yang Dios unung nag̱imu tung yaten, kung may pagamenan tang asan da magrusaw yang gegma tang bug̱us pa rin tung anya, tanya maning pa tung mangimun da tung yaten.

Mateo 20:9

Purisu simanyan yang kumpurming pinangaw̱ang tung alas singku, ya ray pinamakdulan da yang mga suul nira ang ya ray ipinatupu tung seled sang kaldaw yang ubra nira.