Roma 4:21 - Tagbanwa Calamian

²¹ Ay nag̱asiguru na ra ka enged ang pisan ang yang pinangakuan yang Dios ang atia tung anya, talagang kayanan na ka enged ang kegngan.

Roma 4:21 Referans Kwoze

Lucas 1:37

Kapurisu asan da ka ngaintindiay mu ang andang pisan ay indi kayanan yang Dios,” mag̱aning.

Mga Hebreo 11:19

Napag̱intriga yang ana na tung anya, ay natetenged pinagtimbang-timbang na ra kang lag̱i tung isip na ang maskin mapatay ra yang ana na, kayanan ka enged yang Dios ang pabuien si kang uman. Purisu natetenged tung pagtalig nang atia tung anyang bug̱us, asan da ka ibalikay na yang ana na tung anya ang katimbang nang napatay ra ka man ang pagkatapus ya si nga bungkaras.

2 Timoteo 1:12

Ya ra man nganing ay nag̱atengeran na ang nag̱apasaranaw ra ta mga pinitinsiang mga maning taa. Piru indi ra ka enged nag̱ikaeyaku. Kipurki sunaduu rang pisan yang pinagtalig̱anu. Kapurisu, dakulu yang kumpiansaw tung anya ang kayanan nang amlig̱an yang Matinlung Balitang naang itinalig na tung yeen ang asta kaw̱utun da ilem yang uras ang ipaglekat na.

Lucas 1:45

Teed mu tiang kasadya yang isip mung nanangera rang lag̱i ang magkamatuud da yang pinag̱aning tung nuyung liit tung ni Yawi,” mag̱aning.

Mateo 19:26

Atii dayun dang naneleng-teleng ti Jesus tung nirang mag̱aning, “Kung tung tau ilem ka man, indi maimu tia. Piru kung tung Dios, maimu ra tia ay natetenged tung anya maimu yang tanan,” ag̱aaning.

2 Corinto 9:8

Dispuis yang Dios yay sarang ang magpakdul tung numyu ta sari-saring kaayenan ang aw̱unda ka yang pagparakdulun na ug̱ud ekel tung pag̱arasikasuen nang pirmi tung tanan ang mga kaministiran mi, bastanti ka yang magamit ming magbuat ta maskin unu pang ikaayenay yang mga masigkatau mi.

Roma 14:4

Yang indi pamangan, andang pisan ay kalalabten nang magpakusalak tung aruman nang pamangan ay belag̱an tanyay ag̱alen yang aruman na, kung tung pagparaturuw̱ulun pa. Simpri ultimu ilem yang sadiling ag̱alen na yay may kalalabten nang manginsapu tung sasang turuw̱ulun na kung tama yang pag̱urubraen na u kung belag. Ig puiding magkatama yang pag̱urubraen na ay natetenged kayanan ni Ginuung Jesus ang manguluan ang para indi magkamali.

Roma 8:38

Nag̱apagbitalaw ra ta maning tia ay nag̱asiguruung pisan ang maskin patayenita, maskin pabuienita pa, maskin unu pay mapasaran ta simanyan, pati yang mapasaran ta tung uras ang panalungaan, maskin sangsangenita pa ta maskin unu pang klasiay ta mga taung indi nag̱aita, maskin unu pag ketelay, maskin ay pay mga lugar nira, mag̱ing duun tung langit, mag̱ing duun man tung kadalman ig maskin pang unu pa man ang bag̱ayay tung tanan ang inimu yang Dios, parariung anda enged ang pisan ay dapat ang eldan ta tung nira ang muya ya ray pagsangkelan yang paggeregmaen yang Dios tung yaten. Anday dumang gegmang nag̱ianingu, kung indi, ya ra yang ipinagpaita na atiing pagpakugmatay ni Ginuu tang Jesu-Cristo para tung yaten.

Mga Hebreo 11:13

Yang sam pamilyang naang nagkarasambitu, ikinagmatay ra ilem nira yang pagtaralig̱en nira tung Dios. Maskin indi pa nagkarapakdulan na yang pinangakuan na tung nira, piru midyu tung nakinaw-kinaw rang lag̱i nirang ikinasadya ta duru. Aminadu ra ka nganing tanira ang maning pa tung mga dayuan ka ilem ang pamagpalag̱u-lag̱u duun tung banwang atiing tininiran nira.

Lucas 1:1

Maginuung Teofilo, Nag̱askean mu ra ka ang dakeleng mga aruman yamen ang namagprusigir ang namagsulat natetenged tung kapanawan yang mga bag̱ay ang nagkamatuud da tani tung yamen ang ya ka man mismu ay nagkaraulang tukaw.

Roma 14:5

Kung natetenged tung mga maal ang kaldaw, tung pag̱intindi yang dumang mga kaputulan ta asan may mga kaldaw ang lusu tung kadaklan ang yay dapat ang ipagsilibra nira. Piru tung pag̱intindi ming mga putul nira, maskin unu pang kaldaway parariu ka ilem ang magkabag̱ay ang ipanirbian mi tung Dios. Kaministiran sasa may sasa tung numyung tanan asan, masigtimbang-timbang tung anya-anyang isip ang asta magbilug da kung ay pay magkatamang usuyun na. Indi na ra ilem isipan yang mga aruman na.