Biblia Todo Logo
Bib sou entènèt

- Piblisite -




Roma 3:12 - Tagbanwa Calamian

12 Kung indi, tanirang tanan nanalyud da ilem tung anya. Parariung luminalis tung katuyuan ang nalelyag̱an da rin yang Dios para tung nira atiing pag̱imu na tung nira. Anda enged ang pisan ay nag̱apagbuat ta matinlu, may sam bilug.

Gade chapit la Kopi




Roma 3:12
22 Referans Kwoze  

Kipurki atii kanay, pariuita tung mga karnirung nangatalang da. Piru may uras ang nagbiraita rang nagtalig yang mga sadili ta tung Ginuung Jesus ang simanyan ya ray pagpadag̱en-dag̱en tung yaten ig pagmanada ang katulad ka tung sasang manig̱epet ta kaayepan.


Tung bag̱ay, nag̱askeanu ka ang yang tukaw midyu anda ka man ang pisan ay pakinaw̱ang mu tung anya. Piru simanyan dakulung taw̱ang na tung nuyu pati tung yeen, ya ka.


Pati yaming mga Judio, ya ka. Itang tanan, anday inaning, maning ka man tia yang bida ta atii kanay, ay kumpurmi ra ilem yang nauyunan yang mga tinanguni ta may yang minyang tung mga isip ta, ya ra ilem ay pinapsawan ta. Purisu tung dating nabtangan tang atii, indi maimu ang indiita dangaten yang kasisilag̱en yang Dios ang magsintinsia tung yaten tung kalainan ang katulad ka tung kadaklan.


Kung natetenged tung turuw̱ulunung naang sam bilug ang nagluang inutil, iplek mi ra tung lua duun tung makiklep. Duun da magtarangiten ang magkaretket yang isi nang magpapinitinsia,’” mag̱aning.


Andang pisan ay taung pag̱intindi ta ustu tung anya. Anda ka nganing ay taung pagsagyap ang basi pa ra ilem matultul tung anya.


Yang mga bitalang nag̱ipalua nira durung pisan agkaligna ang katulad ka tung buyung pag̱ulimpeg tung lelebngan ang inabrian da. Durug kaansianung mamitala ta ipandaya nira tung mga aruman nira. Durug kasisiit yang mga bitala nirang maning pa tung keg̱et ta sasang iraw ang madalit.


Swiv nou:

Piblisite


Piblisite