Roma 1:15 - Tagbanwa Calamian

¹⁵ Purisu ta yeen, duunaw ra ka ngaeyangay ta kalelyag̱anung duru ang kung unu pay nag̱alagpakan yang Matinlung Balitang naa, ya ra kay ipagpasanag̱u tung numyu asan tung Roma ang katulad ka tung pag̱abuatu tung duma-rumang lugar.

Roma 1:15 Referans Kwoze

Roma 15:20

Tung pagparakaw̱utunung naa, yang pirming nag̱apaawatanu enged ang yuu magparakaw̱utun duun tung mga banwa ang yang mga tau na indi pa nag̱apampakaw̱utan yang Matinlung Balitang naa. Yang pag̱asikaru, belag yuu mag̱intra tung ubrang pinagtukud da ta duma, kung indi, yuu mag̱usuy tung sasang linyang naitaw tung kasulatan ang may sasang inula natetenged tung Mananapnay ang kumaw̱ut ang maning taa yang palaksu na: “Yang mga taung indi napakaw̱utan natetenged tung anya, mangamalamad da tung indi namalamaran nira. Tanirang indi nangagngel natetenged tung anya, mangaintindi ra tung indi naintindian nira,” mag̱aning.

1 Corinto 9:17

Ay kung alimbawa yang ubrang naang pagparakaw̱utun ya ray pinilikung pinakleran, tay puis magkabag̱ay ra rin ang yuug susuulay. Piru yay sasang ubligasyunung ipiniar tung yeen yang Dios.

Mateo 9:38

Purisu ya ra kay ipag̱ampu mi tung Dios ang yay maning pa tung pag̱erekelen yang paayeg ang panuw̱ulun na yang mga manig̱ayeg na ang para mamangayeg da yang paray na,” mag̱aning.

2 Corinto 8:12

Kipurki kung durung kalelyag ming magpakdul, kumpurming unu pay masarangan ming ipakdul, ya ra kay risibien yang Dios. Indiamu ka elatan nang magpakdul ta indi mi masarangan.

Roma 12:18

Mintras may rimidyung sarang mabuat ta, ta yaten, ya ray buaten ta ug̱ud basi pa ra ilem ang asanita ra mag̱uruyunan yang mga aruman tang atia.

Mga Binuat-buatan 21:13

Mag̱aning ka ti Pablong nagtimales, “Baa tia? Ayw̱a, unu ray gustu ming ianing? Papanluluw̱ayenaw ra numyu tung pagtarangiten ming atia? Ay ta yeen, simpanaw rang mag̱agwanta, maskin begkesenaw nira, maskin imatayenaw pa nganing nira duun tung Jerusalem arangan da ilem tung ni Ginuung Jesus ang pag̱akegnganu,” mag̱aning.

Juan 4:34

Mag̱aning ti Jesus ang nagsublang, “Yang pamangan ang masabur tung yeen ya ra yang pagturumanenu yang kalelyag̱an yang nagtuw̱ul tung yeen ang yuu magtalusaw tung itinuw̱ul na tung yeen.

Marcos 14:8

Binuatanaw rang lag̱i anya ta nasarangan na. Ay tung pagbukbuk na yang paamut ang naa tung yeen, yang kaalimbawaanu maning pa tung patayaw rang lag̱i ang pagkatapus sinimpananaw rang lag̱i anyang pinaamutan ang para ilg̱uraw ra tung leyang.

Roma 10:15

Ig ya pa ag̱aring may magparakaw̱utun tung nira, kung indi pag tuw̱ulun yang Dios? Kung tung bag̱ay, duru ka rin agkatinlu kung paangayan da tanira yang Dios ta mga manigparakaw̱utun ang katulad ka tung sasang bitalang napabtang tung kasulatan ang mag̱aning, ‘Makasasadya ta isip yang pagkaw̱ut yang mga manigpakaw̱ut ta matinlung balita.’” Maning da tia yang palaksu yang pangatadlengan yang mga putul tang atia.